نظام الثانوية العامة الجديد ينهي ارتباط المجموع بدخول الجامعات

[Ringer]

نظام الثانوية العامة الجديد ينهي ارتباط المجموع بدخول الجامعات 15/9/2008

أعلن الدكتور يسري الجمل، وزير التربية والتعليم، أنه سيتم الفصل بين المرحلة الثانوية ودخول الجامعة، وأن دور المجموع الكلي الذي كان يحدد مسار الطالب عند التحاقه بالجامعة قد انتهي.
وقال الجمل، خلال مؤتمر صحفي عقده أمس، إن محددات النظام الجديد الذي سيطبق علي طلاب الصف الأول الثانوي عام ٢٠١٠، تقضي بأن يدرس الطالب نوعين من المواد، الأول هو المواد الأساسية، والثاني هو المتقدمة والتي يحدد القطاع الذي يتقدم له الطالب عقب تقدمه لدخول الجامعة.
وأوضح أن الطالب يدخل اختباراً واحداً في نهاية المرحلة الثانوية يتم علي المستوي القومي، وذلك للمواد الأساسية، بينما المواد المتقدمة يدخل فيها امتحاناً علي مستوي المدرسة، وهي التي تضع درجة الطالب، كما أن تقويم الطالب يكون هنا بنظام التقويم الشامل.
وأشار الوزير إلي أن النظام الجديد لا يضع المجموع شرطاً لدخول قطاع بعينه، لكن الذي يحدد الالتحاق بكلية معينة هو الاختبار الذي تعقده الجامعة ويسمي «الاختبار القطاعي» ويكون علي المستوي القومي، وبالتالي لا يتحكم مجموع الثانوية العامة في دخول الجامعة.
وأضاف أن النظام الجديد من شأنه إنهاء حالة التوتر التي تمر بها الأسرة المصرية إلي جانب تعدد سنوات صلاحية الثانوية، موضحاً أنه مازال هناك عامان حتي تستعد وزارة التربية والتعليم لتطبيق النظام الجديد من خلال تدريب المعلمين علي هذا النظام، وتجهيز المناهج وإعداد المدارس، مؤكداً استمرار الحوار المجتمعي حول النظام الجديد، خصوصاً داخل لجان البرلمان والمحافل المهتمة بشؤون التعليم.
وفي سياق متصل، أكد الجمل بدء العام الدراسي في الموعد المقرر له ٢٠ سبتمبر الجاري، موضحاً أن ٢.٩٤% من الكتب وصلت المدارس حتي يوم ٦ أغسطس الماضي، وجار حالياً متابعة موقف الكتب المدرسية.




المصدر : صحف

[M.Sherif]

ياااااااااااااااااااااااااااريت

[mas2000]

بعد ان كان مكتب التنسيق هو الشيء الوحيد الذي لا يفرق بين غني او فقير
توصل جهابذه الفساد لالغائه
والغلابه لهم ربنا

[osos_442]

المشاركة الأصلية كتبت بواسطة osos_442

وزير التعليم

انا احترم صراحتك واريدك اعادة النظر في الموضوع حتى تضمن مستقبل افضل للطلبة

[Erona]

ربنا يبشرك بالخير

[HHOMOSY]

انتهي عصر التعليم كالهواء والماء وبدأ عصر التعليم كالفساد يعني ابن الدكتور هيفضل ابن دكتور وابن الفلاح يرتاح

[عطر الجنه]

علي فكره بقي التعليم بينحدر انا سمعت ان هيبقي الثانويه باعمال سنه خمسين في الميه وديه حاجه وحشه جدا لان هيبقي فيه ظلم اكتر وهيخلي الطالب غصب عنوا حتي لو مش عايز يخد دروس لازم ياخد عند مدرس الفصل درس غصب عنوا وكمان كده الحكايه هيدخل فيها وسايط ورشوة عشان الخمسين في الميه دول

[مروه]

لاتعليق سوى
حسبنا الله ونعم الوكيل

[Ahmed_naeem]

ربنا يحرقهم بجاز

كده اللعب هيشتغل وهتبقى كوسه

وكله على دماغنا

[mostafa1991]

انا اللى لفت نظرى موضوع المواد لمتقدمة دة اللى بيبقى على مستوى المدرسة اهو دة هيبقى فية كوسة بالهبل علشان المدارس الخاصة حتظبط الطلاب بتوعها على الاخر

[عمر السيد ميرو]

فكرة كويسة!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟

[Mr.Ahmed Fadel]

بصوا يا جماعة
وزير التعليم بيصدر مشكلة الثانوية العامة لوزير التعليم العالى
بدل ما كل سنه بيبهدل بسبب الامتحانات ويتهزق فى الجرايد والتليفزيون
قال طيب واحد بدالى يتهزق
اما بالنسبة لالغاء نظام مكتب التنسيق
دى كارثة كبيرة
مكتب التنسيق هو النظام الوحيد الذى يتعامل فبه ابن الوزير زى ابن الخفير
لذلك شيطانهم هداهم للطريقة الكاملة لايقاف هذا الشئ العادل
عشان يتنفذ كلام كريم عبد العزيز فى الفيلم
( ابن الدكتور لازم يطلع دكتور ... وابن تاجر المخدرات لازم يطلع تاجر مخدرات )
أما الغلابة فبلاش يتعبوا نفسهم ويتعلموا
عزيزى وزير التعليم
برافوا عليك والله

[prince Of Love]

يا جدعان أنا مش فارقة معايا كوسة ولا مش كوسة
أنا هكون خلصت ثانوية عامة

لكن ما أتمناش إنها تتطبق
لأنها هتساوي بين اللي بيذاكر و اللي منفض

يا بخت الفاشلين بيها

شكرا ع الموضوع يا مان

[ميراج]

المشاركة الأصلية كتبت بواسطة ahmed_naeem

ربنا يحرقهم بجاز

كده اللعب هيشتغل وهتبقى كوسه

وكله على دماغنا

والله على رأيك يا رب يحرقهم بجاز

هوه اللعب لسه هيشتغل مهوه شغال من زمان

عملين يجربوا فينا بس مهما عملوا فى الثانويه بردوا هتفضل كوسه والله العظيم كوسه

[مسيو محمد ابوالهنا]

:abdoog8:حسبي الله ونعم الوكيل