مسئلة نصف القطر من نماذج 1995 بالصور (الكل يدخل هنا)

[مستر// فيكتور بخيت]

امتحان الكيمياء2010 معظمه من كتاب النماذج لسنة 1995 ومرفق صور من الكتاب للمسئلة رقم 7 ( ب) ومرفق الحل من نفس الكتاب واضع الامتحان نقلها بالنص بالرغم من الخطاء اللغوى الموجود بكتاب النماذج

بالتوفيق

[ningooooo]

فعلا ده كده الواحد ضاع يعني مسأله سهله زي دي تنقصنا
بس انا بيتهيألي فيها خطألغوي
النماذج بتبقي مليانة بالأخطاء
نرجو مراعاة هذه النقطة عند التصحيح
والتناقش مع موجه المادة في تلك النقطة و تتحسب الاثنين صح
وهو يعني واضع الامتحان ده بينقل و خلاص و ازاي الامتحان بيتراجع يعني الطالب يعرف ان في خطأ لغوي و واضع الأمتحان ميعرفش
عيب

[ningooooo]

كان عندي استفسار

انا في التمييز بين المحاليل التلاته في السؤال الثالث

كتبت اننا هنستخدم قطعة من الصوديو فإذا حصل فوران و تصاعد غاز يشتعل بفرقعة مميزة و عند تبخير بيتكون راسب ابيض يكون الايثانول و بعدين استخدمت كلوريد حديد3 و بعدين بيكربونات صوديوم
انا مش عارف الجزء الاول عملته كده ليه مع ان السؤال تافه

و في حاجه كمان انا لما وزعت الديد 3 في سؤال علل نسيت الكترونين في المستوي الفرعي d

وفي توزيع النيتروجين عملته كده

1s2 , 2s2 ,2p3 وبعدين وزعت المستوي الفرعي P بس في الاوربيتالات

ممكن حد من المدرسين الأفاضل يقولي ملاحظاته و لا هنقص هيبقي

انا مش عارف انا عملت كده ليه مع ان الامتحان مش صعب
بس يمكن من الارتباك عشان كان الوقت مزنوق جدا انا يدوبك مخلص 12 إلا5

[مروان محمد السبكى]

يا مستر فيكتور ده معناه انك موافق على صيغه السؤال منتظر ردك

[atef18]

فى النمازج قال طول الرابطة فى جزئى الماء اما فى الامتحان كتب طول الرابطة فى جزىء الماء ياريت حد يوضح الفرق

[atef18]

فى النمازج قال طول الرابطة فى جزئى الماء اما فى الامتحان كتب طول الرابطة فى جزىء الماء ياريت حد يوضح الفرق
هيضيعوا تعب العيال

[مستر// فيكتور بخيت]

المشاركة الأصلية كتبت بواسطة مروان محمد السبكى

يا مستر فيكتور ده معناه انك موافق على صيغه السؤال منتظر ردك

ابنى الفاضل صيغة المثال بها خطاء لغوى انا معترض عليه لكن واضع الامتحان نقلها من كتاب قديم بحلها
وانا حليت المثال كما يريده واضع الامتحان وده مزعل ناس كتير منى لان واضع الامتحان هدفه ان الطالب لو حل بالطريقة العادية وطلع نصف قطر ذرة الهيدروجين28و1 انجستروم هنا المطلوب من الطالب ان يتوقف ويقارن بين نصف قطر ذرة الهيدروجين اللى فى بداية الجدول بالدورة الاولى ونصف قطر ذرة الاكسيجين=68و انجستروم اللى بالدورة الثانية وده من الباب الثانى لانه من المستحيل ان يكون نصف القطر لذرة الهيدروجين اكبر بكثير من ذرة الاكسيجين
وهنا مطلوب من الطالب ان يعيد حساباته ويفكر مرة تانية

[ningooooo]

المشاركة الأصلية كتبت بواسطة مستر// فيكتور بخيت

ابنى الفاضل صيغة المثال بها خطاء لغوى انا معترض عليه لكن واضع الامتحان نقلها من كتاب قديم بحلها
وانا حليت المثال كما يريده واضع الامتحان وده مزعل ناس كتير منى لان واضع الامتحان هدفه ان الطالب لو حل بالطريقة العادية وطلع نصف قطر ذرة الهيدروجين28و1 انجستروم هنا المطلوب من الطالب ان يتوقف ويقارن بين نصف قطر ذرة الهيدروجين اللى فى بداية الجدول بالدورة الاولى ونصف قطر ذرة الاكسيجين=68و انجستروم اللى بالدورة الثانية وده من الباب الثانى لانه من المستحيل ان يكون نصف القطر لذرة الهيدروجين اكبر بكثير من ذرة الاكسيجين
وهنا مطلوب من الطالب ان يعيد حساباته ويفكر مرة تانية

طيب و انا ايه زنبي ان المصحح عنده اخطاء لغوية و بعدين المفروض يكون عنده احساس بالطالب اللي بيحل وحالة التوتر اللي بيكون فيها و احنا علي طول متعودين ان طول الرابطة في جزئ الماء.96 فقولنا اكيد الواحد بالخطأ أو واضع الامتحان اخطأ و بعدين كل واحد يتحمل خطأه و المفروض يتحاسب
لو كان كتب طول الروابط ليه حق يديني صفر

ومن فضل حضرتك رد عليا في حكاية التمييز اللي في المشاركة الاولي منفضلك عشان اعصابي تعبانه

[الأستاذ أحمد دياب]

نماذج الوزارة مليانة أخطاء و في الحقيقة أنا برميها في الزبالة لأن أخطائها لا يتم مراجعتها من عام لأخر حتى عشر سنوات
وإذا كان النموذج أخطأ و واضع الامتحان فدا مش ذنب الطالب و على المخطيء أن يتحمل نتيجة خطئه
لأن لفظ طول الرابطة غير طول الروابط
مع احترامي لجميع الآراء الحق أحق أن يتبع
حتى و لو كان الخطأ غالب

[the cute daisy]

في السؤال التالت أ
(تركيز أيون الاسيتات)
2- ممكن تبقي يقل تركيز الأيونات بسبب تفاعل هيدروكسيد الصوديوم مع حمض الأستيك فيسحب من وسط التفاعل و بالتالي ينشط التفاعل العكسي فيقل تركيز الأسيتات؟؟؟؟؟؟؟؟؟؟؟؟ظ
حد يرد عليا بليييييييييييييييييز

[mido $tar]

ياجماعة المسالة غلط لكن كان المفروض لو حد طلعها اكبر من الاكسجين ان يحلها الحل الاخر مع انه غلط لكن يطلع الاجابة صح و بعدين ده يثبت ان البيه مستشار الكيميا شغال الة كاتبه ما بيفهمش وده ياكد ان التعليم فاشل اذا كنت انا الطالب لما اريت المسالة وحليتها طلعت غلط ده معناه ان التاني مكلفش خاطره يحسب او يراجع الامتحان و علي العموم انا عندي معلومات من مصدر مهم ان المصححين تقريبا حيلغوا السوال انا لسه مش متاكد و علي العموم انا ححاول اتاكد و ابلغكم ايه اللي حيحصل من مستشار الكيمياء اللي وزير التعليم اختارة وراي ان هو كفء

[d_ahmad_2020]

انا من امبارح حذرت أ/ سيد عثمان من كده ماصدقنيش يا أ/ فيكتور
طب ايه رايك فى مسالة لوشاتيليلية فى نفس الكتاب وكل المنتدى هنا مجاوبها غلط ( المطلوب الثانى ) بما فيهم أ/ سيد

[egawesh]

ما الجل الصحيح لو سمحتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتتتتتتتت

[a7mad 3abdo]

يا مستر فيكتور ,
دلوقتي الحل التاني اللي هو 1,28 هيبقي صح ولا غلط ولا هيمشوا الحلين ولا لسه محدش عارف ؟

[lovely-girl5100]

انا طلعتها 1,28 بس كنت مستغربة لان الهيدروجين 0,33 بس انا قلت امشي حسب القاعدة وخلاص
و هو بسلامته اللي حاطط الامتحان محلهووش وشاف ان السؤال ده غلط ولا ايه ؟؟؟
حسبي الله ونعم الوكيل كنت هقفل كيمياء