اقتباس:
المشاركة الأصلية كتبت بواسطة eng.mo'men
فيه ناس كتيرة اوي محتارة ومش عارفة الفرق بين معاهد حاسبات ومعلومات وبين معاهد الحاسب الآلي التانية عشان كدا قررت اكتب الموضوع دا عشان الناس تعرف والطلبة برده تعرف الفرق فى الدراسة والمواد والشهادة والشغل 
معاهد الحاسب الآلي فى مصر تنقسم الى ثلاثة أنواع :-
النوع الأول "التصنيف الأول" هي معاهد علوم الحاسب "4 سنين" والتى لا تقبل الا من علمي رياضة فقط وهي معادلة لكلية الحاسبات والمعلومات الحكومية .. ويكون الحد الأدني لها فى المجموع 75-80% .. ويتم فيها دراسة مواد مختلفة تماما عن معاهد الحاسب الأخرى من مواد تجارية وادارية وشهادتها بتعادل حاسبات ومعتمدة من قبل الجمعية المصري لمهندسي البرمجيات وان شاء الله معتمدة فى نقابة مهندسي البرمجيات " لو لقيت معهد حاسبات بيقبل من علمي وادبي يبقا دا مش علوم حاسب وبيضحكوا عليك وهو فى الاساس نظم ادارية "
النوع التاني "التصنيف الثاني" "4 سنين" وهي معاهد نظم المعلومات الادارية او الحاسب الآلي او الحاسبات ونظم الادارة او الحاسبات والادارة ودا تشابه اسامي بس بينه وبين قسم نظم معلومات فى كليات الحاسبات الحكومية .. وهي بتدرس مواد تجارية بالاضافة لمواد قريبة من حاسبات برده والشهادة فى الأخير مختلفة وشهادتها معادلة لكليات تجارة الحكومية اي ان خريجها يعتبر محاسب ومعتمد فى نقابة التجاريين وبيبقا الخريج محاسب بيعرف يشتغل على الكمبيوتر وطبعا دي بتقبل من علمي او ادبي او دبلوم وبحد ادني 50%
النوع التالت "التصنيف التالت " معاهد الحاسب الآلي واللاسلكي "سنتين " ودي بصراحة اقل معاهد الحاسب الآلي فى مصر وخريجها بيكون تعليمه أعلى من المتوسط وبيبقا ليه شغل برده مع اختلاف القيمة والمرتب وموادهم بتبقا سطحية جدا عن الكمبيوتر والوورد والبرمجة وكام مادة نظري برده وبيقبل من علمي او ادبي او دبلوم وبحد ادني 50%
|
ارجووووووووووو الرد سريعا عشان باب التحويلات هيتقفل. انا جالي معهد هندسة خاص بـــ12 ألف جنيه . وانا ممكن احول لكلية علوم عين شمس وادخل قسم حاسب الي عشان مجموعي جيبها وموجودة في الموقع الجغرافي (أ) بالنسبة لي . فهل لو دخلت علوم قسم حاسب الي هبقها زي بتاع حاسبات ومعلومات بالظبط ولا لاه ؟؟؟؟؟؟؟؟
وفيه فرص شغل كويسة ولا هطلع مدرس كمبيوتر بس ؟؟؟؟
14-08-2014, 02:34 PM
العرض المتطور
