معهد مساحه يدخل هندسه طب ازاى ياريت تفهمونى

[منه الله(منمن)]

قريت كتير جدا عن الناس ال حلمها ان تخش هندسه وماجبتش مجموع ف تانيه زيى ومصرة انها تكمل علمى رياضه بس خايفه انها ماتتوفقش
بس لقيت ناس بتقول عن معهد مساحه سنتين تجيب امتياز او 80 ف الميه وتخش تانيه هندسه وال القسم ال انت عايزة
الاسئله بقى
ايه هو معهد المساحه دة
ودة بفلوس ويعنى بكام ف السنه
والكلام ده حقيقى ولا تهييس
والدراسه فيه سهله وااقدر اجيب امتياز
بالله عليكم تساعدونى
وبلاش حد يضحك عليا عشان انا مااعرفهوش

[a7mad3ali]

ايه الكلام الغريب ده

هو الحاجة الوحيدة اللي صح ان ممكن تدخلي منه هندسة بسهولة

هو سنتين فعلا وسهل جدا ولو جيبتي مجموع معين بيتغير طبعا زي التنسيق تدخلي هندسة

المجموع بيبقي في حدود 90 % مثلا

بس بتدخلي منه اعدادي من الاول يعني اكن السنتين بتوعوا ضاعوا من عمرك

والفلوس عادي يعني بسيطة

بس كده

[منه الله(منمن)]

طب ايه بقى الغريب ف كلامى مادام عارف انه حقيقى والحاجه الوحيده ال انت شايفها صح انا ماقولتش غيرها اصلا وعموما شكرا ليك

[rehab rehab]

ممكن هندسة من معهد المطرية معرفش هو دا اللى بتتكلمى عنه ولا لأ

و ليهم تنسيق بيتغير كل سنة بس فى حدود امتياز يعنى

و بيدخلوا على اعدادى مش تانية

[منه الله(منمن)]

المشاركة الأصلية كتبت بواسطة rehab rehab

ممكن هندسة من معهد المطرية معرفش هو دا اللى بتتكلمى عنه ولا لأ

و ليهم تنسيق بيتغير كل سنة بس فى حدود امتياز يعنى

و بيدخلوا على اعدادى مش تانية

ايوة اخويا قالى نفس الكلام انه بدخل المطريه ياريت تفيدنى اكتر وتقولى معلومات عنه وهبقى زى اى طالب هناك عادى ولا لا وحكيت لناش مش عارفه ليه مش متقبلين الموضوع ياريت تساعدنى

[المحب لله]

المشاركة الأصلية كتبت بواسطة البشمهندسة منمن

قريت كتير جدا عن الناس ال حلمها ان تخش هندسه وماجبتش مجموع ف تانيه زيى ومصرة انها تكمل علمى رياضه بس خايفه انها ماتتوفقش
بس لقيت ناس بتقول عن معهد مساحه سنتين تجيب امتياز او 80 ف الميه وتخش تانيه هندسه وال القسم ال انت عايزة
الاسئله بقى
ايه هو معهد المساحه دة
ودة بفلوس ويعنى بكام ف السنه
والكلام ده حقيقى ولا تهييس
والدراسه فيه سهله وااقدر اجيب امتياز
بالله عليكم تساعدونى
وبلاش حد يضحك عليا عشان انا مااعرفهوش

بصى هو كلامك صح ممكن يطلع منه هندسه لكن انا معرفش معلومات عنه بامانه لكن الى اقدر افيدك فيه معهد فنى صناعى لانى كنت فيه بعد ثانوى لان مجموعى مجابش هندسه ودخلت منه هندسه فلو عاوززه تعرفى اى حاجه عنه اسالى

[منه الله(منمن)]

المشاركة الأصلية كتبت بواسطة المحب لله

بصى هو كلامك صح ممكن يطلع منه هندسه لكن انا معرفش معلومات عنه بامانه لكن الى اقدر افيدك فيه معهد فنى صناعى لانى كنت فيه بعد ثانوى لان مجموعى مجابش هندسه ودخلت منه هندسه فلو عاوززه تعرفى اى حاجه عنه اسالى

اها ياريت طبعا نقولى ايه النظام من بعد ماخلصت ثانوى لغايه مادخلت هندسه والمعهد ده كام سنه يعنى كل حاجه عنه الله يخليك وبردو لو تعرف حاجه عن معهد المساحه ياريت تفيدنى

[المحب لله]

معلش انا لسه فاتح وحنزل دلوقت ان شاء الله لما ارجع على الساعه 9 وربع كده حكلمك عنه بالتفصيل وشكرا ليكى

[منه الله(منمن)]

ان شاء الله شكرا لهتمامك

[المحب لله]

طيب ممكن نتكلم على الميل احسن ده ميلىياهو . اانا فاتح دلوقت

[منه الله(منمن)]

سورى ماينفعش نتكلم ع الميل احسن هنا لانها مش هتفرق
وعشان غيرنا يستفاد لو حضرتك عايز تفيدنى ياريت تكتبلى هنا غير كده لا انا متشكرة لحضرتك جدا

[المحب لله]

والله انا مقصد اى حاجه وكنت اصلا حقولك تحذفى الميل لو حبيتى بعد ما اخلص انا كان قصدى انك تسالى وانا اجاوبك عالطول بدل كل شويه ما اعمل رفريش للصفحه عموما متشكر على ظنك اتفضلى حضرتك اسالى اى اسئله وانا اجاوبك

[المحب لله]

انا كنت فى معهد فنى صناعى اسكندريه والمعهد ده بياخد من التنسيق وكان سنه 2008 واخد من 79.9 وبيختلف طبعا كل سنه هو المعهد سنتين وبيدخله برضو الادبى بس بيكمل منه على تجاره الى هو معهد فنى تجارى والعلمى بيدخل صناعى وبيكمل هندسه وانا كنت جايب فى تانيه 92.4 وفى تالته الامتحانات جت صعبه شويه مع برضو قله مزاكره وجبت 85.7 وقررت انى ادخله طبعا هى مجازفه لانك لو مدخلتيش منه كده خلاص حيبقى معاكة دبلوم ومش معترف بالتانويه الى انتى اخدتيها لكن ان شاء الله هو ساهل جدا واغلبه بكورسات انا بكلم على معهد اسكندريه معرفش الباقى لكن ممكن اسالكوا

[المحب لله]

هو طبعا فى اقسام زى الهندسه يعنى عماره ومدنى وكهربا شبكات وحاسب وسيارت وكده وكان زمان بيدخل على القسم الى انته كنت فى من المعهد بس دلوقتى لا وانا كنت فى مدنى ودخلت على اعدادى وبرضو ان شاء الله كملت هندسه مدنى والمعهد والله ساهل جدا بس كل واحد عارف نفسه يعنى انا كنت عارف قدراتى وانى معملتش الى عليا واهلى طبعا اعترضوا وقالولى لا وفعلا رحت حولت تجاره بنها انجليزى وبعدين رجعت تانى قلتلهم والله منا داخلها انا حدخله وحكمل منه هندسه والى يحصل يحصل والحمد لله كملت وكانت هندسه اسكندريه واخده منه حوالى 90.9 وطبعا فى هندسات كتييير مش اسكندريه بس

[هالة محمد 2]

ياريت تكتب كل حاجة عن المعهد دا انا فى تانية ومجموعى مش هيدخلنى هندسة وبفكر فية بس اهلى بيقلولى احول ادبى والحق كلية كويسة وهل المعهد دا بيقبل العلمى فقط ولا الشعبتين