|
||||||
| كليه الحاسبات والمعلومات كليات الحاسبات ونظم المعلومات |
 |
|
|
أدوات الموضوع | انواع عرض الموضوع |
|
#1
03-08-2011, 11:08 PM
|
|||
|
|||
با طلبة حاسبات القاهرة رجاء مهم جداً
بسم الله الرحمن الرحيم السلام عليكم و رحمة الله و بركاته أنا طالب لسه مخلص تالتة و ربنا وفقني لحاسبات القاهرة و الحمد لله و كان سبب من أسباب اختياري القاهرة اللي سمعتو عن كمية الإيجابية اللي في القاهرة و كمية المساعدة بس فيه حاجة غريبة أنا ليه مش لاقي موقع أو صفحة على الفيس بوك لاتحاد طلبة القاهرة و تبقى صفحة فعالة مش مجرد إعلانات و الصراحة أظن إني لقيت ده في عين شمس لقيت لاتحاد طلبة عين شمس صفحة فعالة و موقع فيه إيجابية فيا ترى أنا مالقيتش ده للقاهرة بسبب عدم تدويري في المكان الصح ولا فعلاً مافيش؟ و حاجة كمان بالنسبة للمسابقات مين اللي بيكسب أكتر؟ أنا سمعت إن عين شمس خدت المركز 64 على مستوى العالم في مسابقة ACM أو حاجة زي كده فالقاهرة كانت الكام في المسابقة دي؟ و لو كانت خدت مركز أقل من عين شمس فده ليه؟ و أنا شفت لعبة لطلبة من عين شمس اسمها the castle of razule شفت الجيم بلاي بتاعها و كان رائع الصراحة فهل طلبة القاهرة برده بيعملوا حاجات بالروعة دي أو أروع؟ و هل في القاهرة لو احنا بنعمل مشروع و محتاجين وقت زيادة عن وقت المعمل أو محتاجين نقعد في الكلية بعد المعاد اللي هتقفل فيه يا ترى هل هيسمحوا بإنهم يقعدونا و يخلوا فيه مشرف معانا ولا هيقولوا لا ممنوع؟ و لو كان ده حصل في عين شمس كان إيه اللي هيحصل؟ معلش أنا عارف إن ممكن طلبة حاسبات القاهرة يحسوا إني بقلل من شأنهم . لا أبداً و افتكروا الكلام اللي قلته في الأول إن كان سبب من أسباب دخولي حاسبات و تفضيلها على هندسة و علوم الإيجابية اللي أسمع عنها سؤاء من الطلبة أو المعيدين أو الدكاترة فهل الكلام ده فعلاً صحيح؟ ( الحمد لله ربنا وفقني و جبت 406.5 "اللي نفصني العربي" و كان نفسي في علوم بس عشان المستقبل و العيلة و كده كان قدامي حاسبات أو هندسة و صليت استخارة و اخترت حاسبات القاهرة فياريت رجااااء و فضلاً لا أمراً تفيدوني على قد ماتقدروا سواء طلبة القاهرة أو عين شمس أو حلوان أو أي حتة) و شكراً مقدماً و بكرر اعتذاري
__________________
امح ذنوبك و لو كانت مثل زبد اليحر 
|
|
#2
04-08-2011, 12:32 AM
|
|||
|
|||
|
اقتباس:
انا حاسبات القاهره اولا بالنسبة للموقع او الصفحة فدا بيكون على مستوى الدفعه مع بداية الدراسة كل دفعة بتعمل جروب على الياهو و بيبقى المعيدين والدكاترة مشتركين فيه عشان اسئلة الطلبة والمحاضرات دا غير صفحة الفيس ال كل دفعة وقسم بيعملها عشان كل طلبة القسم تدخل عليها و تتعامل مع بعضها وكل الحاجات دى بتبقى من اتحاد الطلبة او اتفاق بين الطلاب وادارة الكلية ملهاش اى دخل فيه . ----------------------------------------------------------------------- بالنسبة للمسابقات الاساسية احنا بنشارك فى ACM ودى بيدخلها اقوى ناس فى ACM فى الكلية و Imagine Cup ودول بيبقوا مجموعة طلبة بيختارهم الدكتور المكلف من الكلية بأنه يشرف عليهم وغالبا بيكون د.محمد الرملى . وفى مسابقات تانية بتيجى بظروفها وبيشارك فيها طلبة مختارة من الكلية . ---------------------------------------------------------------------- لو انت شغال فى مشروع ومحتاج المعمل فهو دايما بيكون مفتوح للساعة 7 ولو معاك معيد ممكن يطول ل 9 بس الكلية فيها اماكن كتير ممكن تشتغل فيها لو معاك لاب توب والكلية مفتوحة 24 ساعة لانها مع معهد الاحصاء فى نفس المكان بالنسبة للمشرف عن المشروع ف دا بيكون معيد ودكتور فى مشروع التخرج فقط الدكتور بتقابله مره او اتنين فى الاسبوع والمعيد ممكن تظبط معاه المواعيد المناسبة ليك وله . ----------------------------------------------------------------------- ممكن تدخل تشوف بنفسك ازاى الطلبة بتتعامل مع بعض FCI-CU towards freedom_IT FCI_08*yahoogroups.com
|
|
#3
04-08-2011, 02:28 AM
|
|||
|
|||
|
شكراً جداً أوي على رد حضرتك
و بجد المعلومة بتاعة إنها مفتوحة 24 ساعة عشان مع معهد الإحصاء فرحتني جداً و للأسف ماينفعش أشوف المكتوب على الجروب عشان هي closed group و أنا عارف إن مستوى الصفحة أو الموقع بيبقى على مستوى الطلبة و هو ده قصدي بالظبط هل يا ترى الطلبة بيحبوا التواصل على الانترنت ولا لأ؟ أنا قصدي مثلاً هو فيه صفحة لاتحاد الطلبة زي دي http://www.facebook.com/FCIS.StudentUnion و بالنسبة للمسابقة كانت إيه نتيج القاهرة فيها؟ و سؤال خارج موضوعنا : امتى هاختار الجدول إن شاء الله؟ و هاختار على أساس إيه ولا هيبقى فيه طلبة و كده بيوجهونا و يفهمونا؟ و بجد أرجو إن محدش يفهم أسئلتي على إنها تقليل من شأن حاسبات القاهرة لا أبداً دي مجرد شكوك راودتني مع العلم إن غالب ظني إن حاسبات القاهرة جامدة جداً فيها و شكراً ليكو على احتمال رزالتي السلام عليكم و رحمة الله و بركاته
__________________
امح ذنوبك و لو كانت مثل زبد اليحر
|
|
#4
04-08-2011, 12:59 PM
|
|||
|
|||
|
انا خلصت تالتة ثانوي السنة دى وداخلة حاسبات القاهرة ان شاء الله
انا برضه اخترت القاهرة لانى سمعت انها افضل من عين شمس (على الرغم من انها بعيدة عن مكان سكني اوي) بس سمعت انها افضل فعلا و التعامل فيها طبعا احسن زي ما badnamef4 بيقول . اولا انا متشكرة على المعلومات اللى قولتها يا ahmed abobakr بس ياريت تجاوب على باقى اسئلة badnamef4 لو سمحت ..و ليا سؤال تاني :ممكن معلومات اكتر عن نظام الساعات المعتمدة ؟؟و السمر كورس؟ وهل فعلا ينفع اخلص الاربع سنين فى 3 بس او 3 نص؟؟ وسؤال معلش ل badnamef4 هو بره الموضوع شوية .. التقديم بدأ ولا لسه؟؟ عشان انا لسه مرحتش الكلية خالص من ساعة ماطبعت بطاقة الترشيح فياريت لو حضرتك رحت تقولى هو بدأ ولا لأ و هيقعد أد ايه؟ وايه الحاجات المطلوبة؟ وشكرا مقدما 
|
|
#5
04-08-2011, 04:40 PM
|
|||
|
|||
|
اقتباس:
ازيك يابشمهندس بالنسبة لنقطة closed group انت ممكن تنضم للمجموعة وان شاء الله الادمين هيقبلك ملحوظة بسيطة صفحة الفيس دى لقسم IT بس والاقسام التانية مش عارف صفحاتهم ايه بالنسبة للتواصل على النت ف معظم طلبة الدفعة او القسم بتبقى موجودة على صفحة الفيس ال بتتفقوا عليها وانت لو عندك سؤال فى اى حاجة بتبعت رسالة مثلا على جروب الياهو او تعمل بوست ليه على الفيس والطلبة اللى تعرف بترد وفى معيدين كمان بترد هوا فى صفحة لأتحاد الطلبة بس معتقدش انها هتفيدك بحاجة وانا اصلا مش بدخل عليها خالص ونسيتها للاسف المسابقة معرفش اخدنا فيها المركز الكام الجدول بينزل اول يوم فى الدراسة ولما هتروح الكلية هتلاقى اتحاد الطلبة هناك وهيعرفوك على كل حاجة الدفعة بتتقسم مجموعتين وكل مجموعة بتتقسم لمجموعات اصغر بحيث ان العدد بيكون فى حدود 30 طالب ودا عشان المعامل والجدول والتقسيم دا بيبقى على موقع (ُُُُE-Com) FCI Student Community فى اول الدراسة هتاخد يوزر نيم وباس عليه ودا بينزل عليه الجدول وتوزيع الجروبات والنتائج وممكن منه تبعت رسائل لاى دكتور او معيد او حتى عميد الكلية ارجو انى اكون قدرت اجاوب على كل استفساراتك الحالية ولو فى استفسارات تانية انا موجود ان شاء الله اقتباس:
واختيار المواد ومع ان اختيار المواد هوا كمان مش شغال على كل المواد لانه مسموح للطالب انه يغير مادة او اتنين بس فى الغالب تغيير المواد دا هتتحتاجيه بعد التخصص ونظام ال GPA السمر كورس دا ال بيشيل مادة لقدر الله بيدفع 200 جنيه ويدخل سمر كورس وبيبدأ 20 / 7 وينتهى فى بداية 9 وبتبقى دراسة عادية جدا ولكن مهما جبتى فى السمر حتى لو جبتى 100 مش هتاخدى اكتر من 64 ال هوا مقبول مدة الدراسة 4 سنين ممكن لقدر الله تزيد بس مش ممكن تقل عن كدا
|
|
#6
04-08-2011, 08:03 PM
|
|||
|
|||
|
شكراً جزيلاً على رد حضرتك معرفش الطلبة الجدد كانوا عملوا إيه من غير الطلبة القدام
و معلش فيه منتدى خاص لحاسبات القاهرة زي ده كده http://cisclub.org/forum/index.php و فيه لعبة عملها طلبة حاسبات و هما لسه في الكلية زي كده http://cisclub.org/forum/showthread.php?t=18214 و بالنسبة للتقديم واحد صاحبي راح و قالوا له إن التقديم يوم الأحد إن شاء الله و الورق المطلوب على حسب ما أفتكر البطاقة و شهادة الميلاد و بيان النجاح(الشهادة اللي استلمناها من المدرسة ) و استمارة 2 جند و 6 جند و 6 صور 4*6 على حد علمي و هابقى أتأكد من صاحبي تاني إن شاء الله لو فيه ورق كمان مطلوب السلام عليكم و رحمة الله و بركاته
__________________
امح ذنوبك و لو كانت مثل زبد اليحر آخر تعديل بواسطة badnamef4 ، 04-08-2011 الساعة 11:27 PM سبب آخر: إضافة 6 صور 4*6
|
|
#7
05-08-2011, 08:58 PM
|
|||
|
|||
|
آه و بطاقة الترشيح طبعاً
و كل حاجة تاخد الأصل منها هما هيطلبوا الصور و يقارنوها بالأصل و يختموها و يا ريت حد يؤكد على الكلام ده عشان أنا مش متأكد من البطاقة و من التجنيد للناس اللي لسه ماجابوش 18 سنة السلام عليكم و رحمة الله و بركاته
__________________
امح ذنوبك و لو كانت مثل زبد اليحر
|
|
#8
07-08-2011, 10:23 AM
|
|||
|
|||
|
شكرا جدا على المعلومات يا ahmed abobakr
وشكرا جدا يا badnamef4 ..بس أنا أكيد مش هحتاج استمارة 2 جند و 6 جند ) ولا حتى بعد 18 سنة )عامة انا رايحة النهاردة ان شاء الله ولو فيه حاجة زيادة هبقى أقول..
|
|
#11
08-08-2011, 08:22 AM
|
||||
|
||||
|
بالنسبة لمسابقة الACM بتاعت السنة اللي فاتت
كان من مصر خمس جامعات بس اللي افتكر منهم عين شمس والGUC ,والاسكندرية كلية هندسة والقاهرة ومش فاكرة مين كمان القاهرة اخدت المركز 99 دي النتيجة النهائية للمسابقة http://scrool.se/icpc/wf2011/ بس عموما هية المسابقة بتعتمد على الطلبة وملهاش علاقة اوي بالكلية نفسها
__________________
"نحن قوما أعزنا الله بالأسلام فإذا ابتغينا العزة فغيره أذلنا الله"
"ومن يتق الله يجعل له مخرجا و يرزقه من حيث لا يحتسب"
|
|
| العلامات المرجعية |
| الكلمات الدلالية (Tags) |
| معلومات, القاهرة, حاسبات, علوم, عين شمس |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:37 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
