ما هو الحل

[abo_arwaa2010]

مازالت المعامله داخل المدارس من المعلمين القدامى سيئه للغايه
ولقد زاد الكره والاضطهاد بعد التعيين الرسمى
خاصه فى المرحله الابتدائيه
فما هو الحل؟
شارك برأ يك المقترح
او بموقف حدث لك

[rasha_ahmed]

فعلا زهقت من كلمة اسمنا اللي لسه بالرصاص كل حاجه يحتاجوها يقولوا اعملوا انتوا لسه اسمكم بالرصاص

[أ/أحمدعبد العال]

والله يا ابا اروى زي ا انت قولت بالضبط المعامله ازدادت سوء بسبب التعيين

مش عارف ايه السبب وايه الحل؟!!!
ياريت لو عندك حل قله لا في ناس كتير تعرضت لنفس الاضطهاد

[shaerhamada]

مفيش فايدةطالما ان القيادات المدرسية خاصة فى المراحل الابتدائية لاتزال من اصحاب دبلوم المعلمين القديم و طالما لم يتم تفعيل القرار الوزارى الخاص باحلال القيادات القديمة من اصحاب المؤهلات النص كوم بالمؤهلات العليا التربوية سيستمر الحال كما هو علية و لكن بعد العسر يسر فهناك احصائية تقول بانه بحلول عام 2020 سيتم احاله كل المؤهلات النص كوم على المعاشفالصبر مفتاح الفرج

[marwasamy]

انتوا متعاقدين او متعنين سواء الوقتن او بعدين ادوهم بالجزمة بس المهم تعمل شغلك على اكمل وجة

[امل اليكس]

السلام عليكم


الموضوع مش محتاج جزم ولا حاجة

فعلا اشتد غيظ المدرسين مننا لدرجة ان كلمة مبروك مش بتتقال

الا اذا كانوا عايزين حاجة


المهم

لو عايزين نغظهم اكتر

احنا نهتم بشغلنا اكتر عشان محدش ياخد علينا غلطة

وكمان نتمسك بحقوقنا

زي النصاب القانوني

والمشاركة في انتخابات النقابة

ويا سلام لو واحد مننا يدخل الانتخابات


وبلاش نتعامل بعنف ونغلط في الكلام معاهم


لان ده حيصغرنا وده اللي هما عايزينه

[محمدطعيمة]

يا جماعة
اذكروا الله وكونوا رحماء ببعضكم البعض
ولاتنسوا أنهم أكبر منا في السن
ولربما كان بعضهم يدرسكم
فليس من الأدب واللياقة أن نتناحر سويا ونتنازع أمام طلابنا فنفشل وتذهب ريحنا
تعالوا إلي كلمة سواء بيننا وبينهم ولنتذكر الحسن والحسين رضي الله عنهما عندما طلبا من الرجل الكبير في السن أن يفصل في صحة وضوء كل منهما ( وجميعا نعرف القصة والمغزي )
عليك أن تجبر الجميع بحبك واحترامك والانقياد لك (في الرأي الصواب ) بالأدب والذوق والأخلاق ومن لم يستطع فمشكلته هو وعليه أن يبادر بحل لها قبل أن يلقي باللائمة علي الآخرين

[kholio_]

علي فكرة الانسان مننا اللي بيقدر يفرض إحترامه علي الكل كبير أو صغر
وذلك بكونه محترم هو الأول وكمان يعمل شغله علي أكمل وجه وبلاش يتنطط ومينساس إني الناس دولمن سن الآباء وممكنكانوا اساتذة لينا قبل كدة

انا في مدرستي كل الناس كاموا فرحانين ليا أوي عشان اتثبت والحمد لله

[ابوعمادمصطفى]

المشاركة الأصلية كتبت بواسطة محمدطعيمة

يا جماعة
اذكروا الله وكونوا رحماء ببعضكم البعض
ولاتنسوا أنهم أكبر منا في السن
ولربما كان بعضهم يدرسكم
فليس من الأدب واللياقة أن نتناحر سويا ونتنازع أمام طلابنا فنفشل وتذهب ريحنا
تعالوا إلي كلمة سواء بيننا وبينهم ولنتذكر الحسن والحسين رضي الله عنهما عندما طلبا من الرجل الكبير في السن أن يفصل في صحة وضوء كل منهما ( وجميعا نعرف القصة والمغزي )
عليك أن تجبر الجميع بحبك واحترامك والانقياد لك (في الرأي الصواب ) بالأدب والذوق والأخلاق ومن لم يستطع فمشكلته هو وعليه أن يبادر بحل لها قبل أن يلقي باللائمة علي الآخرين

كلام غير واقعي

[محمدطعيمة]

المشاركة الأصلية كتبت بواسطة ابوعمادمصطفى

كلام غير واقعي

لماذايا أخي الفاضل الكلام غير واقعي ؟!!!!!!!!!!!
ثم إن أخونا كاتب الموضوع قال : كل فرد منا يعبر ويدلي برأيه وهذا رأي العبد لله
فما الضير ومالذي يضيرك منه ؟!
كذلك كنت معلما مساعدا مثل الجميع وعينت في الفترة الأخيرة ولا أشعر بما يشعر به البعض لا من قبل التعيين ولا من بعده
أخيرا من حقي عليك أن تخبرني لماذا الكلام غير واقعي ولو علي الخاص بعيدا عن المهاترات والمهارشات التي لا تسمن ولا تغني

[احمد ابو محمد1]

دا وهم بيب
يا جماعه انتم شغلين بالكم ليه المهم انا وانت لو نحن متمكنين من انفسنا داخل المدرسة والمدرسة فى حاجه شديدة الينا عمر فى يوم ما هنحس بذلك وندع الكلام الفاضى يدخل دماغنا بطلوا لو سمحتم رغى الحريم............................................ ............

[aleman]

انا والحمد لله بمدرستى فرحوا جدا بالتعيين لى
والحمد لله اصلا علاقتى بيهم كلهم كويسة جدا
لم يعاملنى احد من اول تعاقد لى 2004 بانى معلمة بالقلم الرصاص وكده
بالعكس انا استغليت موضوع التعاقد ده فى الهروب من مسئوليات كثيرة كانوا عاوزين يشيلهالى بالمدرسة
كأنى امسك حجرة الحاسب لاكون مسئولة عنها
وانى امسك عهدة وكده
وفعلا كثير من زميلاتى تعرضوا لكلام سئ من قبل مدرسين متعيين بمدارسهم وفعلا الكثير لم يفرح لهم بالتعيين
لماذا؟ لا اعلم
حتى بالادارة الناس لحد الان مش عارفين وضعنا ايه؟
كأنهم مكنوش متوقعسن اننا نتعين فى يوم من الايام
ربنا يكرمنا اجمعين

[عمرو المهدى]

المشكله ان فى كتير من إخواننا المعينين القدامى بيحقدوا علينا حقد مبين
وللأسف سببه معروف على الأقل معايا وذلك لأننا محبوبين من الجميع وبنشتغل بضمير
وبنجيب نتيجه مع الطلاب على عكسهم للأسف لأن فيهم كتير لا يراعى الله فى عمله
وفى النهايه ( القافله تسير والكلاب تعوى )
تحياتى للجميع

[marwasamy]

انا معاك يا استاذ عمر ولكن ما اقصدة بالجزمة مش المعنى فى حد ذاتة على فكرة انا علاقتى جيدة بالمدرسة وماسكة الحكومة الاليكترونية ولى اصدقاء فيها ولكن المقصود بالكلمة دى ناس فعلا ما عندهمش ضمير ممكن يرموا كلام على الناس وخلاص والحجة انهم صغرين وممكن يزعلوا الناس من بعضهم لاننا بالنسبة ليهم طبعا مش كلهم صفحة بيضا جيل عاوز يشتغل ويصلح ما افسدة البعض منهم فانا شخصيا المحترم على دماغى من فوق والغير محترم بتجنبة واذا اصر على استفزازى بتعامل معاة بس بطريقةما يحبهاش وبعدين ممكن اعتذر
اللى عاوزة اقولة انا فى وسط للاسف عاوز اللى يضرب ويلاقى يعنى تدى على الدماغ وترجع تصلح اللى بيها انهم يفهموا اننا مش لقمة طرية وللعلم والله انا مثلا معاى اتننين فى الهيئة بتاعتى ربنما يكرمهم هم اللى علمونى وانا بصراحة قابلت نماذج كويسة وقبلت نماذج سيئة وطبعا الكويس بتعلم منة والسئ ببعد عنة

[ابوعمادمصطفى]

المشاركة الأصلية كتبت بواسطة محمدطعيمة

لماذايا أخي الفاضل الكلام غير واقعي ؟!!!!!!!!!!!
ثم إن أخونا كاتب الموضوع قال : كل فرد منا يعبر ويدلي برأيه وهذا رأي العبد لله
فما الضير ومالذي يضيرك منه ؟!
كذلك كنت معلما مساعدا مثل الجميع وعينت في الفترة الأخيرة ولا أشعر بما يشعر به البعض لا من قبل التعيين ولا من بعده
أخيرا من حقي عليك أن تخبرني لماذا الكلام غير واقعي ولو علي الخاص بعيدا عن المهاترات والمهارشات التي لا تسمن ولا تغني

السبب في تعليقي السابق هو ان معاملة معلمي دبلوم المعلمين السيئه لنا ليست رداً منهم على مواقف سيئة منا لأننا لا نستفزهم في شيء و لم نفعل معهم اى شيء يستدعي هذه المعاملة مما يؤكد (من وجهة نظري طبعاً) ان هذه المعاملة ترجع لهذين السببين:
أولا: الثقافة و التنشئة التي اتعادوها
ثانيا: الحقد تجاهنا نظراً للفارق في المؤهل فهم يعتقدون ان الشيء الذي كان يميزهم عنا هو التعيين اما الان فنحن سواسية في هذه النقطة و لكن يظل ما يميزنا عنهم و هو المؤهل و هو الشيء الذي يزيد من حقدهم

أرجو الرد