شوفولى حل ... اسيوط

[جمــ الروح ـال]

دلوقتى انا لحد اللحظه دى منتظره نتيجة التحويل من علوم أسيوط لعلوم المنصورة ومفيش حاجه

وتقديم علوم المنصورة من يوم الاحد

اعمل ايه اقدم أسيوط ولا ايه وياترى حد يعرف تقديم اسيوط امتى واروحا ازاى اصلا؟

ياجماعه دلونى انا تعبت بجد ومش عارفه اعمل ايه
الله يخليكم قوليلى
شوفولى حل
حد يفيدنى لله

[sameh mostafa]

لا لا لسه استنى نتيجة التحويل لو حولتى ان شاء الله يبقى التقديم فى المنصورة
لكن لو التحويل ما تقبلش لا قدر الله يبقى ساعتها تتطلعى على اسيوط

[جمــ الروح ـال]

ههههههههههههههه جميله منك تطلعى على اسيوط دى
ده انا من بلدى لاسيوط 9 ساعات تقريبا فى الطريق
يااااااااااارب اقبل تحويلى
حاضر ومتشكره على ردك

[don't ask me]

لازم بس يكون مجموعك اكبر بدرجات بسيطه علشان تقبلى بنسبه كبيره ف المنصوره

بس باذن الله ربنا هيوفقك وتقبلى المنصوره

بس انا ف نفس الحيره الى انتى فيها

انا بفكر اورح اقدم ولما تظهر التحولات اسحب ورقى واقدمه تانى ف الكليه الى جاتلى من التحويل

لان المدن الجامعيه اخر تقديم فيها /1/9 علشان لو مجليش التحويل الحق حتى المدنيه ... دى رائ بصراحه

رائى انك تروحى تقدمى علشان المدينه علشان لو مقبلتيش المنصوره تبقى حاطه ايدك ع المدينه ...؟

علشان اسيوط بعيده جدا

[جمــ الروح ـال]

أقولك حاجه
بص حضرتك انا هسيبها لربنا وهو يحلها
حسبى الله ونعم الوكيل
فوضت أمرى لله

[don't ask me]

ونعمه بالله بصى حضرتك احنا برده لازم ناخد بالاسباب ......


بس احنا لازم نتعب شويه علشان نتحق حاجه من الى بنحلم بيها حتى

مش هبقى خراب من كله ...

واكيد لازم نسبها ع الله

بس لازم نفكر برده ... علشان دى مصلحتنا وحياتنا

[zzz200963]

اولا انا من اسيوط دفعتك وقدمت
التقديم فى اسيوط بعد العيد يعنى التقديم بدء من يوم الثلاثاء
ثانيا لقدر الله وفى حالة عدم قبول التحويل حضرتك تجى اسيوط وفى تحويل تدفع 50 جنيه وبعض الاجراءات يعنى هو تحويل يدوى ويتم تحويللك المنصورة ...... يعنى ان شاء الله هتروح المنصورة التحويل ده بتدفع 50 جنيه... فى حالة عد قبول تحويل الالكترونى تعمل اليدوى

[222ahmed222]

استني عادي لحد ما النتيجه تظهر
وللعلم باب التقديم بيتفتح وبيقعد فتره طويييله مفتوح يعني الوقت مش هيروح متخافيش مفيش داعي للإستعجال

[samir Meabed]

اسيوط مش صعب الوصول اليها اركب اى سيارة الى القاهرة و من القاهرة احجز الى اسيوط و فى اسيوط اى تاكسى يوصلك الجامعة بس يا ريت الحجز يكون قبل السفر بمدة ممكن تحجز من المنصورة لاسيوط

[جمــ الروح ـال]

طيب ياجماعه انا معاكم ان شاء الله استنى زى ماقلتم النتيجه وربنا يستر

[dr/nor pt]

ان شاء الله تقبلى وابقى طمنينا عملتى اية وان شاء الله تطلع سبع مش ضبع ههههههههه فى الحالتين نصيب وعسى ان تكرهوا شيئا وهو خيرا لكم وعسى ان تحبوا شيئا وهو شرا لكم محدش يعرف الخير فين يلا عايزين عالمة ولا دكتورة شاطرة بلتوفيق ليكى وللجميع ان شاء الله

[جمــ الروح ـال]

ان شاء الله أقبل انا وكل اللى محول
وربنا يكرمنا جميعا
ربنا يخليك ربك بييسر والخير هيكون بامره

[الأمير سيف الدين قطز*]

بصى أنا زيك بالظبط .. من المنصورة وجالى أسيوط بس هندسة

أنا لسه برضه مستنى التحويل الإليكترونى

بس اتصلت بيهم ... وهاروح يوم الحد الجاى ده إن شاء الله أسيوط أحجز المدينة الجامعية وأقدم الورق لأنه هايبدأ الحد تقريبا


إنتى لازم لو الإليكترونى ماقبلش ..لازم لازم تقدمى ورقك ف الكلية القديمة .. قبل التحويل .. لأن ممكن التحويل الورقى مايتقبلش

ولما يتقبل بتسحبى ورقك تانى من أسيوط وتروحى بقى المنصورة

وربنا يوفقك ويوفقنى

[dr/nor pt]

بلتوفيق ليطوا جميعا ان شاء الله