مالكم يا مشرفى البوابة

[Travel]

دلوقت بقى فى حاجة غرييبة اوى
بقالها فترة وكلوا ساكت محدش بيتكلم
رغم ان اتعملت شكوى من الموضوع ده
المهم

كل يوم مواضيع
عاوز تشل البنت اللى قدامك اعمل كذا

عاوزة تشلى الولد اللى قدامك اعملى كذا

عاوز تحرق دم البنات

عاوزة تحرقى دم الولاد

حركات الولاد النص كم

حركات البنات النص كم

وغير المواضيع دى
من ده كتيير ويا قلبى لا تحزن

فى ايه

ايه السبب ان كل شوية تتحط مواضيع تافهة زى دى
يعنى ايه البنت والولد
يدوروا على الحاجات اللى تشل دى
ولو حتى على سبيل الهزار
تتحط من اساسه ليه
من قلة المواضيع
بتدوروا على الكلام ده

محدش منكوا فكر

الموضوع لما بيتحط فايدته ايه؟
هيعمل ايه؟
لو على سبيل الهزار او الجد

افتكر ان فى عضوة عملت شكوة ردت فيه على موضوع واحد
وكان موضوعه هزار برده (على حد الكلام اللى اتقال فى شكوى العضوة)
وغيرها كتيير
وكذلك برده فى
عضو عمل شكوى

نفترض ان المواضيع دى هزار

فى مثل بيقول
((اللى بيزيد عن حده بيتقلب ضده))

محدش منكوا فكر ان المواضيع دى زى ما هى هزار ممكن تبقى جد؟

كل شوية كلام يتقال
لو عاوز تنزل موضوع فكر فى الاستفادة
فكر فى ايجابياته وسلبياته
فى مدى الاستفادة منه
مش تفكر فى ........


مش لاقية اجابة على سؤالى
ليه بتتعمل المواضيع اللى من النوع ده؟؟
يارييت اللى يلاقى يقول

انا هستنى الاجابة


حاجة تانية:

(قسم الرجالة)
البنات بتدخله ليه؟
هو اسمه مكتوب عليه للجميع ولا حاجة؟

انا المرتين اللى دخلته فيهم
كان علشان موضوعين اتكتبوا فى المانشيت اللى فوق
ومكنش ليهم علاقة بالقسم ده
كانوا:
(حركات الولاد النص كم)
و(اسباب دخلو البنات قسم الرجالة)
انا كنت فاكرة ان الموضوع الاخير ده شكوى
انما للاسف
طلع زى غيره
ولما عرفت انهم تبع القسم ده
خرجت رغم انى كنت عاوزة اعلق فى موضوع منهم
بس للاسف
انا مش بدخل القسم ده
انا قدمت شكوى لمشرف ادارى على الموضوع ده


يارييت تقولوا ليه بتدخلوا القسم ده
وايه الاستفادة الكبرى من دخولكم القسم ده

(قسم البنت المسلمة)
نفس الكلام للولاد
مش هعيده
الاسئلة اللى اتسالت للبنات ليكوا برده يا شباب
بتدخلوا القسم ده ليه؟
لو على سبيل الاستفادة من بعض المواضيع
مش بشوف الاستفادة
غير دخول بعض الاعضاء تهزر وخلاص
وبيكون النادر ان حد يكون فعلا داخل يستفيد من بعض المواضيع

اتقال ان

القسمين دول هيتعمل عليهم (باسورد)
للبنات الحق انها تدخل قسمها
والشباب برده ليهم الحق فى دخول قسمهم
انما غير كده لا

طاب ولغايت ما يتم التنفيذ
ايه الحل؟

ولو سمحت برده الكلام للمشرفين(المشرفين والمشرفين الاداريين)

لو اعتبرنا ان المواضيع دى زى ما بيتقال
(على سبيل الهزار)

هزار=نكت
مش بتتحذف المواضيع دى ليه؟
ماهى كانها زى النكت برده
والنكت المبالغ فيها مخالفة
ولا هى المواضيع دى
مش مبالغ فيها؟