هااااااااام الى كل الأخوه مدرسين العلوم

[WAFDE]

بس معلش فى كلمتين كده عاوز اقولهم بوجه عام لكل الأخوه المدرسينمدرسينالعلوم بالذات
((((( يا جماعه حراااااام عليكم كفايهpdf المنتدى اتملى منها ومش عارفين نقاوموها او نكافحها ))))
بجد كفايه كده كتير اوى
كل المواد موجده على المنتدى بصيغةdoc ومرفوعه بسماحة نيه وبصدر رحم ليه كده يعنى كل ده مش عارف
لا حول ولا قوة الا بالله حسبى الله ونعم الوكيل

[mnsalah]

وايه المشكله فى pdf

[WAFDE]

لا ما فيش مشكله خااااااااالص

[داليا علي ابراهيم]

اتفق مع حضرتك تماما في موضوع الpdf وياريت الناس تراجع نفسها لأننا جميعا نقتبس من بعض ومن مذكرات ناس تانية وكتب خارجية يعني المعلومة مش من عندنا الاختلاف في طريقة العرض فقط ........... وعموما كلها ايام وهانزل مذكرة الصف الثالث doc عشان الناس كلها تستفيد لأني بمنتهى الصراحة استفدت منهم

[وليد زكريا]

اتفق معك لأن الكل بياخد من بعضة

[elnagar]

[بارك الله فيك يا استاذه داليا

[kimo antimoo]

على فكرة انا اتكلمت فى هذا الموضوع تحت عنوان ( موضة اسمها ال pdf ) وكان الكلام كتير فى هذا الموضوع وياريت الاخوة الزملاء يقتنعوا بهذا الكلام .

[أبو رؤى]

يا جماعة افهموا بقى الطبيعة النفسية بتاعة الراجل
كل واحد مننا عنده حتة نرجسية عاوزيقول للناس أنا البريمو حتى اتفرجوا على شغلى
وفى نفس الوقت صعبان عليه سوية الشغل اللى عملهم حد غيره يحط عليهم اسمه
هوه مابين نارين
وال pdf فى نظره هوه حل المشكلة
محدش بقى يقولى لوجه الله تعالى والكلام اللى ما بيأكلش عيش ده هيه دى الحقيقة المرة

[ميدو وبيبو]

اذا كان الغرض منه حمايه حقوق الملكيه فأنا والله بقول لطالباتى ان المذكره دى من النت
لان الطلبه مش عايشين فى قمم وعارفين ايه اللى من النت واللى مش من النت
والمشكله ان المدرس بيكون كاتب رقم موبايله وعنوانه بطريقه مستفزه

[mnsalah]

بس يا جماعة انا بقول مفيش مشكلة فى pdf لانك بتغير فيه براحتك خالص ببرنامج بسيط جداً من غير تسطيب

[alaa.salahelden]

الواحد لما يقتبس شئ من مذكرة غيره والله بيدعيله بظهر الغيب يا ريت تكون المذكرات doc حتى تعم الفائده

[manchey62]

ياجماعة ياريت اللى ينزل مذكرة عشان يفيد بها غيرة مينزلهاش pdf اما اللى منزلها يترسم بها ع الناس فبقولوة بلاش كدة عيب عليك

[WAFDE]

المشاركة الأصلية كتبت بواسطة داليا علي ابراهيم

اتفق مع حضرتك تماما في موضوع الpdf وياريت الناس تراجع نفسها لأننا جميعا نقتبس من بعض ومن مذكرات ناس تانية وكتب خارجية يعني المعلومة مش من عندنا الاختلاف في طريقة العرض فقط ........... وعموما كلها ايام وهانزل مذكرة الصف الثالث doc عشان الناس كلها تستفيد لأني بمنتهى الصراحة استفدت منهم

ربنا يجازيكى خير يا استاذه داليا يا رب ويهدى الأساتذه الأفاضل واياى ويكون منتدى العلوم من اجمل وأحلى منتدى على الموقع اللى احنا نتمنالوه كل خير والله هو والإخوه القائمين على الإشراف فيه ويكون صرح بجد
على فكره فى الترم اللى فات ده فى زميل اسمه الستاذ / أحمد عبد الوارث كان كتب الإمتحان بتاع الترم التانى ((( محافظة البحيره للصف الثالث الإعدادى 2011 )))على الوورد ورفعه ربنا يجازيه خير يا رب بس كان فيه خمس رسمات مش موجدين فى الملف اللى هو رفعه رحت أنا راسنهم مع العلم إن هما أخدو منى فى الرسم زى أربع ساعات المهم رحت رافع الملف تانى بعد التعديل وأشرت الى مجهود الأستاذ الفاضل فى كتابة الملف
وادى الرابط


امتحان البحيره علوم 3ع - ت2 - 2011 ( بعد التعديل ) والمفاجئه بصيغة doc

[اسامة حسن محمد]

الله يهدي الجميع
ونحاول أن نبتعد عن الأنانية ونعمل علي إفادة الغير

[المضيبي]

حقيقة لا ازيد عليكم اخوتي فانتم وفيتم الموضوع حقه وارجو من الزميلة التي رات ان البي دي اف لا مشكله منه ان توافينا ببرنامجها الرائع