ارجو المســـــــــــــــــــــاعدة

[Mustafa Raafat AboNar]

السلام عليكم ورحمة الله وبركاته
انا طالب فى الصف الثالث الثانوى علمى علوم وكنت عايز مساعدة حضراتكم وتنصحونى بأيه فى ان حماسى للمذاكرة يزيد لأنى قبل ما ادخل سنة تالتة كان عندى حماس كبير جدا بس دلوقتى الحماس ده ضعيف جدا وحاسس بملل ومش عارف اذاكر كويس فياريت تقولولى اعمل ايه علشان حماسى يرجع لى تانى واذاكر كويس.وخصوصا انكم عديتوا المرحلة دى بسلام .ولكم منى كل احترام وتقدير.

[هاوى إبداع]

شوف انت عاوز تطلع ايه وخلي هدفك قدام عينك دايما
ودايما اوعك تخلي حد متفوق عنك مهما تكون الكليه اللي انت عاوزها .

[Mustafa Raafat AboNar]

جزاك الله خيرا

[يا الهي]

المشاركة الأصلية كتبت بواسطة mustafa raafat abonar

السلام عليكم ورحمة الله وبركاته
انا طالب فى الصف الثالث الثانوى علمى علوم وكنت عايز مساعدة حضراتكم وتنصحونى بأيه فى ان حماسى للمذاكرة يزيد لأنى قبل ما ادخل سنة تالتة كان عندى حماس كبير جدا بس دلوقتى الحماس ده ضعيف جدا وحاسس بملل ومش عارف اذاكر كويس فياريت تقولولى اعمل ايه علشان حماسى يرجع لى تانى واذاكر كويس.وخصوصا انكم عديتوا المرحلة دى بسلام .ولكم منى كل احترام وتقدير.

وعليكم السلام ورحمة الله وبركاته

هقولك حاجة كويسة

تقريبا عندكو في النظام الجديد 6 مواد وعلي ما اظن مبتروحوش مدارس وﻻ ايه

يعني انت مثلا 24 ساعة فاضي شيل منهم 5 ساعات كحد اقصي للدروس و8 ساعات نوم كحد اقصي برضه لسة معاك 11 ساعة

لو اخدت 4 مواد ثقيلة في يوم واعطيت لكل مادة 3 ساعات ده هيخليك ملتزم بالوقت علشان تحاول تنجز المذاكرة واكيد هيفضل معاك وقت زيادة قول مثلا ساعة ونص لكل مادة تقدر تراجع فيها اللي فات او تركز علي جزئية بتنساها او تحل ملخصات ومذكرات عندك ومثلا تشوف امتحانات السنين اللي فاتت ايه اللي جه فيها

وفي اليوم التاني هات المادتين الباقيين ومعاهم مادتين كمان من اللي اخدتهم اليوم اللي قبله وبرضه اعطي لكل مادة 3 ساعات مثلا وطبعا ﻻزم تذاكر اللي اخدته في الدروس في نفس الليلة وطبعا ليك الحق انك تاخد ريست بعد ال 3 ساعات دول لمدة ﻻ تقل عن نص ساعة وﻻ تزيد عن ساعة بحيث انك لما تخلص الريست تكون دماغك بس في المذاكرة

في خلال اسبوع ان شاء الله هتحس انك جمعت كم كبير من اللي فات وانك بتذاكر الجديد اول باول وحماسك هيزيد

صحيح ... امتحانات السنين اللي فاتت كل سؤال تكتب جنبه هو تبع درس ايه او الباب الكام بحيث انك لو راجعت الباب السابع في الكيميا مثلا تروح لامتحانات السنين اللي فاتت وتحل اسئلة الباب السابع اللي انت لسة مراجعه ... وده طبعا في كل المواد

وان شاء الله ربنا يكرمك بالكلية اللي بتتمناها

بالتوفيق ي دوك

[Mustafa Raafat AboNar]

جزاك الله خيرا بس اسف انها جت متأخرة بس مكنتش بفتح.

[DrMostafa2015]

لا تضع العربة امام الحصان طول مانت حاسس باهمية المذاكرة دة كفاية انك تقوم تذاكر و اكبر دليل على انك لسة متحمس انك عاوز تبذل مجهود حتى في الحماس ذات نفسه انتو بجد شباب يفرح و ان شاء الله كلكم هتدخلوا طب و تبقوا مية مية

اهم حاجة قبل المذاكرة و الحماس علاقتك بربنا صلي في المسجد و ارضي ربنا في كل وقت و كل موقف و كل اختبار تتحط فيه ان شاء الله الخير جاي و فاضل ع الحلو دقة ان شاء الله و تفرحوا كلكم

و انصحك تقرا كام اجابات اسئلة زمايلك في القسم هنا ان شاء الله تستفيد منها كمان

و ربنا يوفقنا و اياكم

[Mustafa Raafat AboNar]

جزاك الله خيرا يا دكتور مصطفى ويا رب ابقى انا كمان دكتور مصطفى.

[الاولى ان شاء الله]

المشاركة الأصلية كتبت بواسطة DrMostafa2015

لا تضع العربة امام الحصان طول مانت حاسس باهمية المذاكرة دة كفاية انك تقوم تذاكر و اكبر دليل على انك لسة متحمس انك عاوز تبذل مجهود حتى في الحماس ذات نفسه انتو بجد شباب يفرح و ان شاء الله كلكم هتدخلوا طب و تبقوا مية مية

اهم حاجة قبل المذاكرة و الحماس علاقتك بربنا صلي في المسجد و ارضي ربنا في كل وقت و كل موقف و كل اختبار تتحط فيه ان شاء الله الخير جاي و فاضل ع الحلو دقة ان شاء الله و تفرحوا كلكم

و انصحك تقرا كام اجابات اسئلة زمايلك في القسم هنا ان شاء الله تستفيد منها كمان

و ربنا يوفقنا و اياكم

ممكن تفهمنى المثل