أي حد نفسه يسأل عالكلية او أي استفسار يخش هنا ويسأل براحته

[Eng.Mo'men]

انا اخوكم مؤمن الغمري 20 سنة من الزقازيق 3 حاسبات ومعلومات جامعة الزقازيق ,, كنت غيبت عن الموقع فترة عشان الدراسة وكدا بالاضافة ان النت بتاعي وقت كبير منه اوي عالفيس عشان كدا ممكن تردوا عليا وتسألوا فى اللى انتو عاوزينه وانا موجود معاكم وهجاوبكم على كل حاجة عاوزينها

ودا الاكونت بتاعي عالفيس اتفضلوا

https://www.facebook.com/Momen1993

ودا رقمي برده 01090108021

[eslam salah hussin]

اية افضل معهد خاص ( فى الدراسة و هل مودرن اكادمى هى افضل اكادمبة فى مصر ) و هو فى فعلن دراسة بالعربى و بالانجليزى و انهى فيهم افضل و لية و اية افضل قسم فى حاسبات و معلومات فى مجال العمل فى مصر (وشكرااااااااااااااااااااااااااا خاص على مجهوداتك)

[Eng.Mo'men]

افضل 3 معاهد حاسبات ومعلومات فى مصر " علوم حاسب يعني "
1-الشروق .
2-العاشر .
3-العبور . وال3 قريبين من بعض .

هي كويسة بس فيه احسن منها ,, الدراسة انجليزي وافضل قسم cs او it غير كدا نفض واللى شغال دلوقتي مبرمجين الجافا وال.net c# والشبكات والداتا بيز بأنظمة اوراكل والphp دي اكتر حاجة مطلوبة دلوقتي .

[سمير السراح]

طب انا بنتي 92.3 ممكن تلحق حاسبات ولو في اقاليم ولو ملحقتش ايه الاحسن ليها

[eslam salah hussin]

ممكن اعرف مصاريف العاشر و اخذ من كام السنة الى فاتت

[mohamed oun]

ايه الفرق بين القسم بتاع هندسة البرمجيات في عين شمس واللي في حاسبات حلوان؟

[Eng.Mo'men]

ايوة ان شاء الله يا استاذ سمير تلحق مع انه صعب بس ادعي ربنا ,, ولو مش لحقت خليها تخش علوم رياضة لان دلوقتي قسم علوم رياضة بقا مفتوح يعني لو دخلت علوم رياضة ممكن تحول كيميا او جيولوجيا وتشتغل دكتورة ادوية او دكتورة فى معمل تحاليل والله مستقبل علوم للبنات حلو اوي

[Eng.Mo'men]

تقصد اللى فى هندسة واللى فى حاسبات ؟؟

لو دا قصدك الاتنين زي بعض

[Eng.Mo'men]

العاشر ب6 فى السنة ومجموعها 80% تقريبا

[مصطفى ب2]

1-لو سمحت حضرتك انا قدمت فى جامعة مصر للعلوم والتكنولوجيا ومصاريفها 13 الف

فانهى احسن اختار الجامعه دى ولا ادخل معهد والفرق فى الفلوس ادخل بيه كورسات تفيدنى بعدين

2-وانا سالت ناس قالولى ان حاسبات ملهاش لازمه لانك ممكن تاخد كورسات فى المجال الى هتشتغل فيه وتبقى زى خريج حاسبات
3- هل متوسط مرتبات خريجين حاسبات اكتر ولا خريجين هندسة

[Eng.Mo'men]

الافضل ايوة المعهد المعتمد وتاخد بالفرق كورسات وتظبط نفسك ,, لا طبعا الاولوية لخريج حاسبات ماكانوش عملوا الكلية ولا عملوا شعبة حاسبات فى هندسة ,, الاتنين زي بعض واوقات حاسبات بتزيد واوقات هندسة بتزيد ودا رزق يعني
يعني ممكن خريج حاسبات حديث التخرج ياخد 3000 وواحد تاني ياخد 1000 جنيه بالعافية على حسب مهارتك وخبرتك والشركة اللى شغال فيها وكدا

[مصطفى ب2]

المشاركة الأصلية كتبت بواسطة eng.mo'men

الافضل ايوة المعهد المعتمد وتاخد بالفرق كورسات وتظبط نفسك ,, لا طبعا الاولوية لخريج حاسبات ماكانوش عملوا الكلية ولا عملوا شعبة حاسبات فى هندسة ,, الاتنين زي بعض واوقات حاسبات بتزيد واوقات هندسة بتزيد ودا رزق يعني
يعني ممكن خريج حاسبات حديث التخرج ياخد 3000 وواحد تاني ياخد 1000 جنيه بالعافية على حسب مهارتك وخبرتك والشركة اللى شغال فيها وكدا

متشكر جدا طيب ممكن حضرتك تقولنا نعمل ايه فى الدراسة علشان بعد منتخرج نلاقى شغل كويس

[سمير السراح]

يعني لو دخلت ممكن تكون دكتوره تحاليل كانها كانت علمي علوم

[ahmedehab95]

انا عاوز أعرف هل أحسن أخذ كورسات قبل الجامعة و ايه احسن الكورسات و الاماكن اللى اخدها فيها ؟

[Eng.Mo'men]

المشاركة الأصلية كتبت بواسطة مصطفى ب2

متشكر جدا طيب ممكن حضرتك تقولنا نعمل ايه فى الدراسة علشان بعد منتخرج نلاقى شغل كويس

اول حاجة يعملها طالب حاسبات قبل الكلية كورس انجليزي عشان يظبط نفسه لان الدراسة كلها انجلش فى انجلش ,, نيجي بقا على وقت الدراسة ودي بتبقا مشكلة لان الطلبة بتقولك وانا هاخد مواد الكلية واذاكرها ولا آخد كورسات واظبط نفسي خصوصا ان مواد الكلية مش بتحتك بالمجال اوي "بتعرفك الاساسيات وبتسهل عليك فهم اي حاجة فى التكنولوجيا" لانها بتديك المواد الاساسية مش بتديك لغات برمجة لان اي سنتر دلوقتي ممكن يدي لغات البرمجة بربع جنيه انما الكلية بتأسسك وبتعرفك اساس الحاجات دي ايه وكل الكلام دا بتفهمه فى الكلية بحيث انك تتخرج منها تفهم اي لغة برمجة على طول لأن البرمجة اللوجيك "المنطق" بتاعها ثابت واللغات اللى بتتغير بس يعني لو عرفت تعمل برنامج بلغة الجافا مثلا وفهمت منطقه فى دماغك هتعرف تعمله بأي لغة تانية على طول لو عندك علم بيها طبعا ,, قولنا اول حاجة كورس الانجلش تاني حاجة كورس c++ عشان تبقا فاهم برمجة سنة اولى عاملة ازاي ,, ودا هيبقا قبل الدراسة او لحد شهر 11 مثلا بعد كدا سيبك للكورسات وركز عشان امتحانات التيرم ومش تركز اوي عالكورسات والايفينتات " دي حفلات ومؤتمرات ومقابلات بتعملها شركات التكنولوجيا تعرفك ايه آخر ما توصلوا إليه وبتفهمك الشغل عامل ازاي وكدا " لان انا ليا صحابي شاطرين فى سوق العمل وممكن يشتغلوا ويقبضوا كمان بس منفضين لمواد الكلية عشان كدا بيسقطوا سنة واتنين ,, عشان كدا بقولك ركز دلوقتي عالانجليزي والc++ وبس وبعد كدا خفافي اتعلم مع نفسك اثناء الدراسة ومش تاخد كورسات مع الدراسة عشان تنجح وتجيب تقدير عالاقل جيد ,, زي ما بيقولوا امسك العصاية من النص يعني لا كله كدا ولا كله كدا وبالتوفيق