غلطة في نموذج إجابة امتحان الفيزياء

[Abdulrhman E-Lbbad]

رجااااااااااااااااااااء من كل المدرسين و الطلاب النظر إلي نموذج تصحيح الفيزياء المعتمد من الوزارة السؤال الثالث ( ب ) - 3 الجزء الخاص بالرسم البياني لتغير الفيض مع الزمن و يا ريت الكل يشارك برأيه مدرسين و طلاب .

[الفتاة الحائرة]

مظبوط انا مع حضرتك لانى رسمتها غير كده

كمان انا والدى مدرس فيزياء وكان شرحهالى وقالى انى رسمتى صح

بس هنقول ايه؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!

[EMI228]

أستاذ استاذ عبد الرحمن ارجو من حضرتك ان ترفق نموذج الإجابة بتاع المراجعة النهائية لليلة الإمتحان اللى عملتها مع توضيح إجابة الإختيارات على ا أى أساس علشان أنا ومجموعة كبيرة من زملائى ضمنا الرسوب والإعادة فى الملحق حسبى الله ونعم الوكيل فيهم

[elfitiany]

أنا عاوز أقول حاجة

دلوقتى القوة الدافعة المستحثة بتتغير بمعدل تغير كثافة الفيض بالنسبة للزمن

يعنى بتتغير بمشتقة كثافة الفيض

يعنى علشان أرسم القوة الدافعة المستحثة يبقى لازم أجيب الميل كل شوية علشان أعرف أرسمها

و الميل بتاعها حيبقى المشتقة التانية لكثافة الفيض

حيث أن المنحنى مش موضح بية اى نقط أنقلاب أو معلومات عن المشتقة التانية

أظن الحل الوحيد أنة يطلع خط مستقيم ميلة صفر و لية قيمة محددة

داة رأى واحد من علمى رياضة و بدرس برضوا التكاملات الزيادة بتاعت هندسة من خلال منهج المستوى رفيع

[dr.saeed]

الرسمة صحيحة 100 %
بس عاوزة تركيز عالى جدا ومش اى مدرس على فكرة حتى يعرف يحلها

[امة الله1]

مش المفروض رسمة التغير في القوة الدافعة هى نفسها التغير في الفيض لانه من قانون فارادى العلاقة ما بينهم طردية يعنى هتكون نفس الكرف
صح ولا لا
بعد الثانية في الاختيارات بتاعة الزاوية الصغرى للانحراف
مش المفروض هتبقى متوسط الزايتين ( 40 و 60) يعنى 50
لانى والله شفتها في المنتدى كده
وحلتها على اساس كده

[Abdulrhman E-Lbbad]

احنا صح هنجيب متوسط زاويتي السقوط و هتكون 50 ، بس هو طالب زاوية النهاية الصغري لإنحراف مش زاوية السقوط ، و بالتالي هنعوض بزاوية السقوط المتوسطة اللي جبناها ( 50 ) في قانون زاوية السقوط في وضع النهاية الصغري لإنحراف و نجيبها و هتكون زاوية النهاية الصغري لإنحراف 40 درجة

[hex13]

يا ريت يا استاذ عبد الرحمن ترفق الرسمة الخاصة بالاجابة

[egmixer]

الرسمة صح جدا لان حضرتك اللى مش واخد بالك ان النص الاول تغير ناحية الموجب والنص التاني تغير ناحية السالب

وبالتالي هتكون emf نص سالب ونص موجب

انا عاملها غلط بس مقتنع باللى فى النموذج

[Abdulrhman E-Lbbad]

المفروض أن emf تتناسب طردياً مع التغير في الفيض المغناطيسي و بالتالي لما الفيض يزيد من الصفر إلي نهاية عظمي فإن emf أيضاً تزداد من الصفر إلي نهايتها العظمي في نفس الاتجاه الموجب

[dr.saeed]

في نفس الاتجاه الموجب

طبعا لا
امال قاعدة نيلز دى لازمتها ايه؟

[hex13]

ازاى الاتجاة الموجب
وقاعدة لنز اللى بيكوت التغير بحيت يعاكس المسبب لة

[dama]

المشاركة الأصلية كتبت بواسطة egmixer

الرسمة صح جدا لان حضرتك اللى مش واخد بالك ان النص الاول تغير ناحية الموجب والنص التاني تغير ناحية السالب

وبالتالي هتكون emf نص سالب ونص موجب

انا عاملها غلط بس مقتنع باللى فى النموذج

اصلا هو لو عايزها منحني جيبي عادي ماكان قال ارسم المنحني الجيبي ل ق.د.ك
وريحنا وريح نفسه ومكنش هيبقي ليها لازمهالرسمه اللي هو جايبها

وبعدين هو بادئ بالتغير ناحيه السالب الاول
علي اي اساس ده مش عارفه
حتي اللي هييجي في باله انه هيرسمها منحني جيببي هيرسمه طبيعي عادي موجب وبعدين سالب

[SENDRILLA]

والله انا عاملاها عكس اللي فوق
واتصلت بالمستر قاللي انها كده صح وكان ده السؤال الوحيد اللي معندي شفيه غلطات
بس ياللا عشان محدش يزعل من حد
ع العموم سواء طلعت صح طلعت غلط مش فارقه كتير متهيالي مش هتفرق 41 من 41.5 قريبه يعني
حسبي الله ونعم الوكيل

[mikyta7n]

بصوا يا جدعان أنا مش عارف إذا كانت إجابة السؤال ده غلط ولا صح و لكن أنا شايف إن السؤال الرابع (ج) هو اللي اجبته غلط لأنه المفروض الحالة الأولي نفس قراءة الحالة التانية لأن التيار عمره ماهيمر في الفرع الوسطاني عشان تساوي فرق الجهد عند طرفيه و إجابة النموذج غريبةجداً في السؤال ده بصراحة