اللى من الزقازيق هو احنا هنخلى من المدارس يوم 30\6

[terra]

السلام عليكم ورحمه الله وبركاته
ياجماعة هو احنا هنخلى من المدرسة من يوم 30\6 ولا هنمضى عادى فى دفتر الحضور والانصراف ولا اية موقفنا بالضبط لان المدرسة مش عارفة حاجة وبيقولولى اسالى فياريت اللى من الزقازيق يقولى هو عمل اية بالضبط هل اخلى ولا مضى ولا اية

[mmagdy_81]

السلام عليكم انا من الشرقيه ادارة شرق : فى نشره وصلت من القسم توضح موقف المتعاقدين جميعا يعنى

الحصه والعقد 110 والمعلم المساعد والعمال وتنص على استمرار المعلم المساعد عادى فى المدارس وده نشره


واصله فى اول شهر 6 وفى نشرة تانيه كانت واصله ايام استيفاء الاوراق ومراجعة اوراق فى الادارة وده ايضا

بتوضح نفس الكلام السابق واكيد مدرستك عندها النشرتين بس كالعاده بتترمى فى الدرج او محدش فكر يقراها

ويمكن مندوب المدرسه فى الاداره بتاعتك مرحش اصلا علشان يجيب الاوراق او مبيرحش فالبتالى النشره

موصلتش المهم لو انت معلم مساعد

انت مستمر ولو عقد 110 تم الفصل ليهم للاسف وربنا معانا كلنا والله المستعان

[إيمان عبد العزيز]

اعتقد ان النظام هيكون واحد على الجميع لاننا فى وزارة واحدة واحنا عملنا اقرار قيام بالعمل من 1/7 وبدون اخلاء وفى الاقرار جنب تاريخ وامر النقل يكتب سنة واحدة بامر الوزير وانا قريت النشرة اللى جاية من الوزارة بكده وكمان المدرسة اللى كانت بتخلى للمدرسين كان الموظف بيرجعلهم الورق ويطلب تغييره لان مفيش ولا ثانية اخلاء بناء على كلامه والموضوع ده مستمر لنهايه الشهر

[مستر /سامح على عبد العظيم اليمانى]

اللى معلم مساعد سيبقى بدون فصل أما العقود الأخرى والعمال تم فصلهم فى شهر سبعة

[محمدطعيمة]

المشاركة الأصلية كتبت بواسطة إيمان عبد العزيز

اعتقد ان النظام هيكون واحد على الجميع لاننا فى وزارة واحدة واحنا عملنا اقرار قيام بالعمل من 1/7 وبدون اخلاء وفى الاقرار جنب تاريخ وامر النقل يكتب سنة واحدة بامر الوزير وانا قريت النشرة اللى جاية من الوزارة بكده وكمان المدرسة اللى كانت بتخلى للمدرسين كان الموظف بيرجعلهم الورق ويطلب تغييره لان مفيش ولا ثانية اخلاء بناء على كلامه والموضوع ده مستمر لنهايه الشهر

هذا أيضا ماحدث معنا
وهذا يدل علي حسن النوايا ،
هناك إخوة يعتقدون أنه طالما تم تمديد العقد لسنة ، أننا سوف ننتظر عاما كاملا حتي ينتهي ثم يتم التثبيت بعدها ، من يعد منكم لعقده ويقرأ فقراته ،يجد أنه ينص فعلا بعد انتهاء العامين أن يجدد العقد لمدة عام آخر بقرار من الوزير لاتمام الحصول علي رخصة مزاولة المهنة .
وهناك العديد من المشاكل الآن لدي البعض من زملائكم من المتعاقدين ، فمنهم من لم يدخل الاختبارات السابقة لعدم حصوله علي دبلومة تربوية ويقوم بعملها الآن ، وهناك من لم يحالفه الحظ في اللغة الإنجليزية ،وهناك من لم يحصل علي ((i.c.d.l))بعد
ولا يعقل أن يصدر الوزير قرار تجديد لكل صاحب عقد علي حدة كحالة خاصة ، فتم تجديد للجميع ، وبعدها تتعامل الوزارة مع كل واحد علي حدة وعلي حسب حالته .
وبالنسبة للأخوة المستوفين لكل الشروط وعملوا كل ما عليهم ، التجديد هذا ما هو إلا أمر روتيني ، حتي يكونوا علي رأس العمل ويحضرون في مدارسهم حتي تكون لهم علاقة وصفة مع الوزارة وحتي يأتيهم التثبيت والذي سوف يكون قريبا بإذن الله تعالي ، وليس شرطا أن يستمر حتي ينتهي العام الباقي والذي لا يوجد بعده تجديد أبدا مرة أخري وحسبما ينص العقد علي ذلك .

[مستر /سامح على عبد العظيم اليمانى]

يا رب يا أستاذ محمد نثبت الواحد تعب

[ا/عبد الفتاح شبانة]

جزاك الله خيرا استاذنا الغالى على الكلام الجميل

[مستر /سامح على عبد العظيم اليمانى]

ويارب يعدلو المرتبات

[mo_shoeb1]

احنا اتفصلنا بالفعل فى 30/6/2010 بناء على نشرة من الوزارة احنا عقد 110 جنيه
ربنا معانا

[prof2007]

انت فين يا مستر شعبان