|
#1
02-10-2009, 03:19 AM
|
|||
|
|||
7- حضور المحاضرات مهم أم مضيعة للوقت ؟؟ - دليل الطالب
بسم الله الرحمن الرحيم بالنسبة لحضور المحاضرات ياترى نحضر ولا نكبر ؟؟؟ حيتقال علينا دحيحة بقى وكده ؟؟؟؟ فارقة يعنى ولا مش فارقة ؟؟؟ نشوف يا شباب مع بعض اجابات الاسئلة دى وان شاء الله لو فيه اى اسئلة تانية تخص هذا الموضوع نرجو منكم طرحها بلا تردد # أولا نحضر ولا نكبر؟؟؟؟ مش حقولك طبعاااااااا احضر لكن حقول بامانة على حسب المحاضر او الدكتور لو بتفهم منه او بتحصل ولو كلمة واحدة فعلا احضر واتأكد ان الكلمة دى حتنفعك ف يوم ما اما لو الدكتور كان بيقرأ من ورق مثلا او من على الباوربوينت مجرد قراءة مبتستفيدش منها اى حاجة على الاطلاق بل بالعكس ممكن لو فريت المحاضرة لوحدك تحس انها اسهل من كده يبقى احسن انك متحضرش ولا توجع دماغك فالامر يحتاج لموازنة عاقلة وحاول قدر الامكان ماتاخدش فى الحتة دى بخبرة اللى اكبر منك مااخدش؟؟؟؟؟؟!!!!!! طب لييييييه؟ عشان ممكن دكتور حد ميفهمش منه وانت تفهم منه او العكس فخلى حكمك منك وبسسسس ودى بالفعل حصلت قدامى كذا مرة ان تكون الاراء مختلفة تماما # ثانيا شكلنا بقى حنبقى عيال دحيحة وبتاع؟؟ مبدأيا الناس اللى عاملة نفسها ايزى (او كما يعتقدون فى انفسهم) وبيتفاخروا ان هم مش بيحضروا على انهم كده بقى الناس اللى مش معقدة دول من جواهم بيكونوا نفسهم يحضروا لكن معندهمش صبر مثلا او لاى سبب مبيحضروش واللى يدعو حد انه ميحضرش معاه محاضرة مفيدة بجد يبقى تعرف انه بجد غيران منه مش اكتر وربنا يبعدنا عن امثال هؤلاء : ) فمن الاخر سيبك من شكلك قدام اى حد لان محدش حينفعك اطلاقا واللى بتعمله فقط هو اللى حينفعك ان شاء الله لو كان صح # فارقة يعنى ولا مش فارقة؟؟ هى طبعا حتفرق معاك ف الفهم ومواكبة المنهج جدا واقل فائدة ممكن تاخدها من حضور المحاضرات هى انك تبقى كأنك قريت المنهج مرة فلو مادة حتى مفتحتهاش لاخر السنة حتكون عارف الدنيا فيها ماشية ازاى تمام؟؟ لكن لما تفتح حاجة وانت لسة اول مرة ف الاخر فعلا شئ مفججججججججججع جدااا ومتحاولش نصيحة لوجه الله تعمله لانى لما عملته مرة فى حياتى ....... الله المستعان وربنا ستار بقى على اللى حصل .........المهم ان حضور المحاضرات بيكون من الحاجات اللى بتنجز معاك فى الاخر ايام الزنقة الجامدة والامتحانات حتى لو كانت متعبة شوية طول السنة لكن حتحس بمتعة التعب ده اخر السنة وانت الحمد لله مذاكر او ع الاقل عارف المادة فيها ايه ومش قلقان اوى وساعتها اقولك بقلب قوى ان الامتحانات مش حتبقى زنقة فظيعة عليك بجد والله عن تجربة لان فيه مواد حضرت فيها وفيه مواد محضرتش وشفت الفرق بين الاتنين وشفت الفرق بينى وبين صحابى اللى حضروا اللى انا محضرتوش وازاى هم استريحوا واطمنوا ف الاخر اكتر منى ربنا يوفقكم يا شباب ونصيحة اخيرة ف الحتة دى حاولوا تنشطوا عقولكم وقت المحاضرات بانكم تسترخوا خمس دقايق والدكتور مثلا بيعمل حاجة او تطلعوا بره المدرج بين المحاضرات وبعضها يعنى بلاش التثبيت فى مكان واحد طووووول اليوم بحيث تملوا حتى من المحاضرات المفيدة هاتوا معاكم عصير يوصل الدموية كويس عشان التركيز يعنى ابتكروا طرق تنشطوا بيها عقولكم وتكسروا بيها الملل بين المحاضرات عشان تكملوا بأعلى تركيز ممكن وفقكم الله تعالى إعداد د. أمنية عبد الرحمن
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#2
02-10-2009, 03:32 AM
|
|||
|
|||
شكراااااااااااااااااااااا يا دكتورة نغم
|
|
#3
02-10-2009, 03:38 AM
|
|||
|
|||
اقتباس:
بس بلاش يا دكتورة دى  شكرا لردك ومرورك وربنا يوفقك يارب
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#4
02-10-2009, 04:13 AM
|
||||
|
||||
|
الموضوع جميل جدا ...بس حتة اذا كان الدكتور ماتستفيدش منه ولا بتستفيد فانتا لازم تحضر عشان اعمال السنه
وشكراا يا دكتوره ع الموضوع المهم دا
__________________
Don't wait until it's too late to tell someone how much you love, how much you care. Because when they're gone, no matter how loud you shout and cry, they won't hear you anymore.
|
|
#5
02-10-2009, 07:52 PM
|
|||
|
|||
اقتباس:
أنا أعتقد والله أعلم ياعنى ع حسب معلوماتى أن المحاضرات معلشهاش حضور وغياب أنا م رأى ان طبعا المحاضرات مهمه جدا ولازم نحضرها امال هنفهم منين
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#6
02-10-2009, 10:46 PM
|
||||
|
||||
|
بالنسبة لاعمال السنة فالمحاضرات مش عليها اعمال السنة انما العملي هو اللي عليه وبعد غيان 3 مرات من العملي بتتحرم من دخول الامتحان بس نالنسبة لحضور المحاضرات فده مهم جدا لان الدكاترة بتقول ايه المكرر وايه الاجزاء اللي داخلة في الامتحان وايه اللي مش داخلة وفي صيدلة عين شمس مثلا دكتور الماث الامتحان بيكون في المحاضرات نفس المسائل وغييييييييييييييره وبشهادة ناس كتير اكبر مننا قالوا انها مهمة جدا وانهم ندموا لانهم ماكنو بيحضروا وربنا يوفق الجميييييييييييييييع
__________________
راجية رضا ربي راجية عفو ربي راجية جنة ربي
|
|
#10
07-10-2009, 09:58 AM
|
|||
|
|||
اقتباس:
دكتور الفيزيا كمان تقريبا كان اسمه جمال هيديكوا المحاضرة اللى جايه ان شاء الله يا وسام قال ان كل اللى هيقوله هيجيبيه ف الامتحان وان اهم حاجه عندو الكشكول اقتباس:
_منورة يا دكتورة فاطمه _وان شاء الله تلاقى معاكى منهنا ف الكليه تقريبا كان فيه توبيك لصيدله حلوان شوفيه
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#11
07-10-2009, 03:43 PM
|
|||
|
|||
|
بالنسبه لحضور المحاضرات الدكتور محمد عزازى كويس و دمه خفيف اما دكتورة المصطلحات الطبيه مش فاهم حاجه منها و دمها واقف و مش عارف حتى اسمها و غصبن عنى ح احضر عشام محسش انى اقصرت فى حاجه
بالنسبه لسكشن الاورجنيك المعيده بتتكلم بسرعه وكل شويه تقول طبعا ً فاهمين و تدخل على بعده و تجربة خليط الكربونات مع البيكربونات مش فهمها شفوى و حكاية ورق الترشيح بيفصل ايه عن ايه على العموم ربنا بصيرنا
|
|
#12
07-10-2009, 04:03 PM
|
|||
|
|||
|
محمد عزازى ده بتاع ايه؟؟؟
أصل ما ركزتش ف اسامى حد؟ محاضرة المصطلحات بردك فهمتش منها ولا كلمه مع انى حضرتها مع مجموعه أ و ب بس برده مفرقش ماده زى الزفت ربنا يستر ويكون مدخل الصيدله ماده عدله مش عارفه هحفظ الحاجات اللى قالتها دى ازاى؟؟ الكيميسترى تقريبا محدش فهم حاجه انا الدنيا كانت بايظه معايا لانى كنت عربى ومش واخده ع اسامى المركبات انجليزى وهى عماله تكلم انجليزى حاولت أفهم حاجه لما روحت الحمد لله حتى الحبه اللى كنت فهماهم طاروا تانى يوم سألت أصحابى لاقينهم هما كمان مش فاهمين ربنا يستر
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#13
07-10-2009, 11:59 PM
|
||||
|
||||
|
جزاكى الله خيرا يا دكتورة نغم
احنا الحمد لله اول اسبوع ده ما خدناش غير محاضرةzoology
__________________
]قال رسول الله-  - ان الله قد حرم على النار من قال لا اله الا الله يبتغى بذلك وجه الله)
|
|
#14
08-10-2009, 09:34 AM
|
|||
|
|||
|
اقتباس:
اشمعنى احنا خدنا كل حاجه يلا ان شاء الله خير
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:51 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
