لو سمحت كل مدرسين الفرنساوى يدخلوا

[AbanoubAziz]

فى الامتحان بتاع الاثار الغارقة الى انا جاوبته ومسيو طارق صححه
فى نقطة دهشتنى اوى فى سؤال القواعد

"En rentrant , nous assisterons à la fête nationale de Louxor ."

( Mettez un pronom personnel )

انا جاوبتها كده
En rentrant , nous y assisterons
وهو قال ليا غلط والصح كده
En rentrant , nous assisterons
علشان الضمير الشخصى فى المستقبل البسيط مبتكتبش

طبعاً ديه كانت معلومة جديدة ليا
قلت لاصحابى عليها لاقتهم كلهم حلوها زى ما انا حلتها وكل ماقول لحد على الى انت قلته يقولى لا ده مع فعل aller بس فى المستقبل


انا دورت فى كل المراجع بتاعتى ملاقتش المعلومة ديه خالص لقيت الكلام ده:
-لا يستخدم الضمير Y
قبل فعل Aller
في زمن المستقبل وكذلك مع التعبير il y a
وذلك لصعوبة النطق

ياريت لو تقولى الكلام الى انت قلته ده يا مسيو طارق صح
ولا انت اتلخبط ولا ايه ؟

[الأستاذة أم معتصم]

ابانوب
مع احترامى لمسيو طارق

اجابتك صحيحة تماما
ومع العلم استخدام الضمير y مع فعل aller صح ايضا

المشكلة فقط تكون فى اللغة المسموعه " الشفوية " وليست اللغة المكتوبة

وسبق وان تناقشت فيها مع زملائى المدرسين
واثبت لهم وجهة نظرى برابط احد المواقع الفرنسية


وده كان الموضوع اقراه
http://www.thanwya.com/vb/showthread.php?t=36010

بس اقراه حتى النهاية والرد والرابط الموجود به افتحه وشوف الامثله فيه

[AbanoubAziz]

اوكى يا مس جنة
بس ياريت مسيو طارق يشوف الموضوع ويقول ايه وجهة نظره

[بهاء هاشم]

الاجابة مظبوطة تماما وليس بها اى اخطاء
En rentrant , nous y assisterons

[مسيو محمد عياد]

الإجابة صحيحة

[مسيو محمد حسني]

اعتقد الان الامر ربما التبس على مسيو طارق ولا مشكلة
فجميعنا معرض لذلك

وامن ذا الذي ما ساء قط
ومن له الحسنى فقط

لا مشكلة ابدا ربما اصحح لك خطأ بسيطا بدا
وعندي انا الكثير الذي اريد ان اتعلم منك لأصححه
كل الاحترام والتقدير لتلك الروح الطييبة السائدة بين مدرسي قسم اللغة الفرنسيية والذي يشرفني الاننتماء اليه
فكلنا نريد العلم والتزود وهذا امر طييب

[مسيو طارق]

السلام عليكم

" اللهم إن كان بي توفيق فمنك وحدك ، وان كان بي تقصير أو خطأ أو نسيان فمنى ومن الشيطان "

أولا أنا بعتذر جدا جدا عن هذه الجملة وإجابتك صحيحة تماما ، على فكرة وأنا بصحح الجملة كنت
بصححها على أنها مع الفعل (aller) وانا اسف جدا جدا .

واليك القاعدة لكي لا يلتبس عليك شئ :
- لا يستخدم الضمير ( y ) فى الحالتين الاتيتين :
1- اذا جاء قبل فعل (aller ) فقط المصرف فى المستقبل البسيط والمضارع الشرطي - لصعوبة
النطق :
- Tu iras au club ?
Oui , j'irai .

- Tu irais à Tanta ?
Oui , j'irais .
2- اذا جاء مع التعبير ( Il y a ) – لصعوبة النطق أيضا :
- Est – ce qu'il y a du sucre dans le thé ?
Oui , il y a du sucre .

[AbanoubAziz]

اوكى مشكور وياريت لو تعلملى الامتحان التانى الى ان حليته

[ashrafsat]

انت واد شاطر ابنوب وانتم اساتذه كرام وانا راى ان يكون قسم فى المنتدى للنقاش بين المدرسين لان الطلبه هيضيعوا معنا يا اساتذه لو دخلنا فى توضيحات ليست مقررة عليه ولكم جزيل الشكر
اشرف مدرس لغه فرنسيه

[مسيو محمد]

الاجابه صحيحهولكن ارجو التركيز علي مذاكرة المنهج بدلا من الاهتمام بنقطه واحده وانا متيقن ان فيه نقط سهله انت بتخطئ فيها وهذا للنصح والله اعلي واعلم

[سعيد نجم]

المشاركة الأصلية كتبت بواسطة مسيو طارق

السلام عليكم

" اللهم إن كان بي توفيق فمنك وحدك ، وان كان بي تقصير أو خطأ أو نسيان فمنى ومن الشيطان "

أولا أنا بعتذر جدا جدا عن هذه الجملة وإجابتك صحيحة تماما ، على فكرة وأنا بصحح الجملة كنت
بصححها على أنها مع الفعل (aller) وانا اسف جدا جدا .

واليك القاعدة لكي لا يلتبس عليك شئ :
- لا يستخدم الضمير ( y ) فى الحالتين الاتيتين :
1- اذا جاء قبل فعل (aller ) فقط المصرف فى المستقبل البسيط والمضارع الشرطي - لصعوبة
النطق :
- Tu iras au club ?
Oui , j'irai .

- Tu irais à Tanta ?
Oui , j'irais .
2- اذا جاء مع التعبير ( Il y a ) – لصعوبة النطق أيضا :
- Est – ce qu'il y a du sucre dans le thé ?
Oui , il y a du sucre .

شكرا مسيو /طارق على مجهوداتك الكبيرة فى قسم اللغة الفرنسية بالمنتدى
نتمنى منك المزيد
جعله الله فى ميزان حسناتك

[AbanoubAziz]

مشكورين يا جماعة على مروركم

[مسيو عبدالسلام عاشور]

الجملة صحيحة ومسيو طارق يمكن يكون مخدش باله وانا شايف ان مسيو طارق من ارهاق الشغل مخدش باله

مسيو طارق حضرتك ممتاز وهذا الامر يسعدنا كثيرا ان طلبة هذا القسم الجميل يبحثون ويتاكدون من صحة المعلومة وان دل على شئ يدل على قوة مستواهم العلمى

دايما للامام