اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > ركن الأسرة > ركن العائلة

ركن العائلة منتدى يهتم بكل ما يخص الأسرة

إضافة رد
 
أدوات الموضوع انواع عرض الموضوع
  #1  
قديم 19-02-2012, 11:27 PM
abomokhtar abomokhtar غير متواجد حالياً
مشرف سوبر ركن مسك الكلام فى الاسلام
 
تاريخ التسجيل: Jan 2008
المشاركات: 11,696
معدل تقييم المستوى: 28
abomokhtar is just really nice
New الخطة اللولبية للميزانية الأسرية


لنفترض أنك رب أسرة وعندك 3 أولاد وتتقاضى ألفين جنيه شهرياً

تعالى نقسمهم ونشوف العيشة هتكون إزاى --

لحمة مرة فى الأسبوع , يعنى 4 كيلو فى الشهر , 260 جنيه .

فراخ مرة فى الإسبوع , يعنى 5 فرخات وننسى البط والحمام والرومي نشوفهم في الأفلام كفاية - 150 جنيه .

سمك مرة واحدة في الإسبوع ونخليها سمك بلطي أو روسي و بلاش بورى اصله غالى شوية , 2 ك فى الإسبوع - 120 جنيه .

بقية الأيام إما عدس أو فول " غاليين برضه " أو ---- أو إيه كل حاجة غالية مفيش حاجة تانية .

خلينا نقول 4 أيام أوُرديحي فى الأسبوع و الأورديحي بيتكلف 15 جنيه فى اليوم--- قُليل قوى

" محدش يزعل -- الله يخليكم " -- يبقى 60 جنيه فى الأسبوع يعنى فى الشهر 240 .


عيش "100" أرز" 80 " مكرونة " 50" بيض " 60 " زيت" 50" سمنة" 40" سكر وشاي "60" ومفيش مشروبات الرفاهية زى النيسكافيه و المياه الغازية " شاى وبس" - 380 جنيه .

خضار وفاكهة " قول الفاكهة مرتين فى الشهر بس كفاية " -- 250 ج على أقل تقدير .

الأجبان والألبان - قول 150 مع إن كوباية الزبادي من 1- 2 جنيه والجبنة الرومى فوق الأربعين جنيه

" بلاش جبنة رومى , إبقوا خذوا صورة بجوار قرص جبنة رومى كبير وحطوا الصورة في المطبخ " .

مستلزمات الطبخ من ملح وبهارات " متحطوش كتير " مرقة دجاج ,صلصة وخلافه .. 50 جنيه .

حلويات ... هى رفاهية صحيح .. خلوها مرة فى الشهر , 30 جنيه " 2 كيلو بسبوسة " وخلينا نجيبها من المحلات اللي تحت بير السلم " رخيصة شوية "

-- وبقية الشهر شوية سد الحنك " بيتكلف برضه " .


مستلزمات النظافة من صابون ومنظفات ومسحوق غسيل وخلافه " وما أدراك " نقول 100 جنيه "قُليل " ميهمش عدوها لى المرة دى---

ومترغوش الصابونة قوى خليها تعيش فترة أطول .


هنسكن بكام بقى- قولوا أنتم بقى - 500 – 1000 فى الشهر والله يكون فى عون المستأجر


" ومحظوظ بقى اللى عنده شقه إيجار قديم " والله يكون فى عون المالك .


هنلبس بكام - خد بالك - 5 أفراد وصيفى وشتوى وأحذية وخلافه -- حسابها صعب ولكن خلينا نقول كل فرد ينكسى ب 1000 جنيه فى السنة

خليها 700 يعنى فى السنة 3500 إقسم على 12 يعنى 300 جنيه فى الشهر .


مصاريف المدارس والجامعات والدروس الخصوصية -- حدث ولاحرج مش أقل من 1000 في الشهر ,

نخليها 750 علشان شهور الصيف وبلاش دروس خصوصية فى كل المواد !


المواصلات , كل واحد 2.5 جنيه فى اليوم يعنى 375 جنيه , وممنوع إستخدام التاكسى لأنه رفاهية , مشى أو أوتوبيس أو ميكروباص أو تك تك أو هرساً في قطار .


فواتير المياه والكهرباء والتليفون الأرضى والمحمول والنت والوصلة بتاعة الدش والمكوة والحلاق والغاز إن وجد ورسوم النظافة , كله على بعضه نقول 300 جنيه ,

والله أنا عارف إنه قُليل جداً --- بس مشوها كده الله يخليكم علشان أخلص المقال !!

مصاريف العلاج -- أظن مفيش أسرة مصرية إلا وفيها واحد إوإثنين أو أكثر مصاب بمرض مزمن ويحتاج لعلاج ومتابعة وتحاليل ناهيك عن الحالات الطارئة , نقول 300 فى الشهر .


المجاملات الاجتماعية فى الأفراح والأتراح ومساعدة الوالدين أو الفقراء من الأقارب أو الجيران وعيادة المرضى وخلافه ,

ليس لهم بند إلا المشاركة الوجدانية أ و السلف والسداد من مرتب الشهر القادم .

بند الطوارئ مثل الثلاجة عطلت, البوتاجاز عايز تصليح , لمبات الكهرباء أتحرقت ,السيفون ضرب , الزجاج أنكسر ,

وخلافه من المفاجاءات الحزينة والتي تكلف رب الأسرة مالايطيق -- وندعو الله ألا تحدث !!


لن أزيدكم صداعاً بالجمع فالناتج 4505 شهرياً --- كتير جداً

طيب بلاش لحمة وفراخ وسمك " فى الهند نباتيين وعايشين زى الفل " يعنى نطرح 530 يبقى المطلوب 3975 جنيه شهريا ,

يعنى 132 جنيه فى اليوم -- برضه كتير !

يعنى اللى مرتبه 2000 يعيش بيهم 15 يوم

واللى مرتبه 1200 يعيش بيهم 8 أيام


أنا أحتار دليلي !


أ رجوكم حد يقسمها تانى وثالث ورابع ويعرفني اللي دخله 1200 جنيه يعيش إزاى!


وأرجو ملاحظة الأتي-- هذه الأسرة لن تذهب للمصيف فى جمصة أو بلطيم " مصايف الغلابة " لمدة أسبوع

و إذا أخطاءت مرة بدخول السينما واتعشوا ساندويتشات عادية وصرفوا 150 جنيه سيضطرون لعدم أكل فراح لمدة شهر تعويضاً لهذا البند .


هذه الأسرة تدعو الله أن يبقى أثاث البيت كما هو أبد الدهر " يغيروه إزاى" ويبتهلوا إلى المولى عز وجل أن تظل الأدوات الكهربائية المنزلية بحالتها وألا تخرب , لأنه مفشي بند للتغيير.

ولن تفكر هذه الإسرة فى الإدخار علشان جهاز البنت أو خطوبة الواد -- منين!!!

الحل :

على قد لحافك مد رجليك – عيش بالمرتب 10 أيام أو 12 يوم وخد الأسرة وروح على حديقة مجلس الشعب أو مجلس الوزراء أو قصر الرئاسة وهم سيقومون باللازم بقية الشهر

مش كلكم راع وكل مسئول عن رعيته –


وسوف نقول لهم : ياأولى الأمر


خدوا المرتب كله وعليه مليون بوسه وإصرفوا إنتم وعيشونا !!!


وعلى الله قصد السبيل
بقلم د.محمد ابراهيم الدسوقى

__________________
رد مع اقتباس
  #2  
قديم 22-02-2012, 03:40 PM
الصورة الرمزية صوت العقل
صوت العقل صوت العقل غير متواجد حالياً
نجمة العطاء
 
تاريخ التسجيل: Jun 2010
المشاركات: 11,351
معدل تقييم المستوى: 25
صوت العقل is a jewel in the rough
افتراضي

هههههههههههههههههه.. على الله قصد السبيل ..
ربنا يوفق الجميع بس كنت اتمنى الخطة اللولبية لمن
يتقاضون اقل من الف جنيه كحال البعض .

شكرا .. جزاكم الله خيرا ..
__________________
استودعكم الله ..


رد مع اقتباس
  #3  
قديم 23-02-2012, 07:10 PM
T!to T!to غير متواجد حالياً
عضو خبرة
 
تاريخ التسجيل: Feb 2010
المشاركات: 2,786
معدل تقييم المستوى: 17
T!to is a jewel in the rough
افتراضي

جزاكم الله خيرا
رد مع اقتباس
  #4  
قديم 08-03-2012, 11:18 PM
mido181173 mido181173 غير متواجد حالياً
عضو ممتاز
 
تاريخ التسجيل: Jun 2008
المشاركات: 275
معدل تقييم المستوى: 16
mido181173 is on a distinguished road
افتراضي

هو ده حال بلدنا ربنا مش هايصلح امرها
لان :ان الله لا يغير ما بقوم حتى يغيروا ما بأنفسهم
رد مع اقتباس
  #5  
قديم 09-03-2012, 09:44 PM
alasadalasad alasadalasad غير متواجد حالياً
عضو مجتهد
 
تاريخ التسجيل: Oct 2010
المشاركات: 137
معدل تقييم المستوى: 14
alasadalasad is on a distinguished road
افتراضي

والله ضحكت من قلبي
رد مع اقتباس
إضافة رد

العلامات المرجعية


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 04:16 PM.