اللي داخل 3 ثانوي

[مهاب احمد محمد]

انا كنت هذا العام في الصف الثالث الثانوي والحمد لله حققت حلم بتمناه من زمان وجبت 97.07% ودخلت هندسة عين شمس فاي حاجة عايز يسأل سؤال يتفضل يسأله وانا هجاوب واللي عايز اي حاجة بخصوص المدرسين مثلا ومين كويس وكدة لو مبداتوش يسال

[لميس الحديدى رمضان]

كنت بتذاكر الفزيا منين و ازاى

[AhmedIbrahimElsayed]

اول حاجه شكرا ليك علشان بتساعدنا
تاني حاجه عندي سؤال
ازاي الم النحو لاني فاشل بمعني الكلمه فيه

[مهاب احمد محمد]

المشاركة الأصلية كتبت بواسطة لميس الحديدى رمضان

كنت بتذاكر الفزيا منين و ازاى

الفزياء اهم حاجة تستوعب الدرس كويس من المدرس وبعدين تحل واحسن كتاب تحلي منه فزياء و كمياء هو الامتحان هذا ما كنت افعله وامتحانات السنوات السابقة تحليها بعد لما تخلصي

[مهاب احمد محمد]

المشاركة الأصلية كتبت بواسطة ahmedibrahimelsayed

اول حاجه شكرا ليك علشان بتساعدنا
تاني حاجه عندي سؤال
ازاي الم النحو لاني فاشل بمعني الكلمه فيه

شوف عايز تلم النحو المدرس بتاعي كان بيقولنا لازم تكون مذاكر القواعد كويس طبعا وبعدين لازم تحل علي الاقل في الاسبوع قطعتين نحو ولو عندك كتب تحل منها حل كتير عليه دا الحل الوحيد للنحو

[AhmedIbrahimElsayed]

المشاركة الأصلية كتبت بواسطة مهاب احمد محمد

شوف عايز تلم النحو المدرس بتاعي كان بيقولنا لازم تكون مذاكر القواعد كويس طبعا وبعدين لازم تحل علي الاقل في الاسبوع قطعتين نحو ولو عندك كتب تحل منها حل كتير عليه دا الحل الوحيد للنحو

الم القواعد ازاي ؟

[Bianka]

احنا عايزين نعرف ازاى كنت بتنظم وقتك وازاى كنت بتزاكر المواد وكمان كنت بتروح المدرسه ولا لاء وكنت مماشى السنه اززاى وايه الكتب اللى جبتها ف كل المواد واحنا عايزين كل حااجه وربنا يكرمك ويجعله ف ميزان حسناتك

[احمد هريدي محمد]

اخوكم الا ستاذ احمد هريدي ماجستير الرياضيات ومدرس الرياضيات بمدرسه نزه الهيش الثانويه اداره جهينه سوهاج

[asmaa232]

يابنى قول أى حاجة تحب تقولها عرفتها أو استفدتها او حتى عيب كنت بتعمله والمفرود نتحاشاه

[mohamed adnan]

'طب يلا حد فيكم يعمله ويكتب الرابط

[مهاب احمد محمد]

المشاركة الأصلية كتبت بواسطة Bianka

احنا عايزين نعرف ازاى كنت بتنظم وقتك وازاى كنت بتزاكر المواد وكمان كنت بتروح المدرسه ولا لاء وكنت مماشى السنه اززاى وايه الكتب اللى جبتها ف كل المواد واحنا عايزين كل حااجه وربنا يكرمك ويجعله ف ميزان حسناتك

اول حاجة تنظيم الوقت كنت بخلي درس الرياضة في يومين لوحده ودرس الفزياء في يومين لوحده ايضا كنت ارجع من درس الرياضة والفزياء اذاكر اللي خادناه كويس ومش هياخد وقت والله لو قعت ربع ساعة عليه هتخلصيه لان المسال هيا اللي كتيرة وليس الدرس كبير وبعدين اقعد احل المسائل بتاعت الواجب واحنا كنا بناخد واجب كتير دا بخصوص الفزياء والرياضة اهم مدتين وانا بنصح يبقي كل مادة في يوم لوحدة علشان محتاجين تطبيق كتير اما بالنسبة لباقي المواد فبراحتك وتذاكرهم بنفس الطريقة ترجعي من الدرس تذاكري وتحلي الواجب وهيبقا وقت تستريحي فيه وثانيا انا مكنتش بروح المدرسة انا روحت اول يومين فقط ومقعدش لاخر اليوم الدراسي وثالثا الكتب العربي الاضواء الانجليزي احنا كنا بنحل 3 كتب كتاب بنحل فيه كل اسبوع عادي وهو surprise وكتابين تانين كل لما نخلص 3 وحدات وفصل قصة نحل منهم هما جيم وذا باست والفزياء والكمياء الامتحان افضل كتاب علشان فيه مسائل كتير اوي والرياضة كنا بنحل كتاب 100% وشوية من الاضواء وفي اخر العام كنا نحل كتاب دليل التقويم وعلي فكرة كنا بنحل دليل التقويم في كل المواد سعات بتيجي منه حجات ولو عايزة حاجة تانية قوليلي او اي حاجة انا نسيت اقولها

[مهاب احمد محمد]

المشاركة الأصلية كتبت بواسطة ahmedibrahimelsayed

الم القواعد ازاي ؟

شوف حضرتك كل حصة نحو هتخدوا درس احفظ القاعدة اللي فيه كويس وحل الواجب بتاع المدرس وبكدة علي اخر العام تكون لميت القواعد وانا المدرس بتاعنا ادانا في اخر العام ملزمة فيها القواعد كلها فاسال مدرسك لو هيعمل ولو لا اطلب منه انه يعملك وانا اعتقد انكوا هتاخدوا حصتين عربي صح علشان المدرس بتاعنا قالنا السنة اللي جايا هدي حصتين عربي في الاسبوع وكما قلت لحضرتك حل قطع نحو كاملة من اي كتاب ولو عايز حاجة تانية اسال وانا هجاوب

[مهاب احمد محمد]

المشاركة الأصلية كتبت بواسطة asmaa232

يابنى قول أى حاجة تحب تقولها عرفتها أو استفدتها او حتى عيب كنت بتعمله والمفرود نتحاشاه

اهم حاجة استفدت منها هي لما ترجع من دروس مثل الفزياء والرياضة 2 لازم تحل عليها كتير وتطبق عليها وهو ده اللي كنت بعمله والعيب الوحيد اللي عملته اني كنت خايف جدا قبل ما ادخل امتحان العربي وهو ده اللي خلاني افهم اسالة غلط واو ابقا عارف الاجابة وابقا متوتر فعلشان كدة متخافوش من مادة العربي لانها خداعة وتاني حاجة لما تمسكوا ورقة الاسالة وتقروها وفي حاجات مش عارفنها متتوتروش علشان ده هيخليكوا متعرفوش تحلوا كويس وده اللي حصل معايا وجبت 26.5 ومتخفش لو اسالة انت متعرفهاش حل اللي انت عارفه واللي مش عارفه هيبقا علي الكل واديكوا شوفتوا اللي حصل في امتحان عربي السنة دي في الاخر قلك الي يحل 2 صح في الادي ياخد رجة الاربعة وحاجات تانية فانا ندمان اني اتخضيت لما شوفت العربي ونصيحة مني متخافوش لما تمسكوا الورقة وتلاقي الامتحان صعب لان امتحان 3 عربي بيبقا اسها من 2 وانجليزي 3 اسهل من تانية واي حاجة حضرتك عايزاها اساليني

[مهاب احمد محمد]

واي اسالة عايزينها تاني اسالوني وانا هحاول ابقا ادخل اجاوب ولو في الدراسة في اسالة صعبة قوليلي وانا هحاول احلهالكوا

[مهاب احمد محمد]

ارجو تثبيت الموضوع للافادة