احب اعرفكم بفاطمة

[مستر ايمن محمد راشد]

أعضاء وزوار موقعنا الغالي

تفضلوا معنا لمشاهدة هذا المسلسل الجديد


°°•.♥.•°° ***"عجبني فيكي لون عينيكي "°°•.♥.•°° **

والآن مع الحلقة الاولي



الأول تعريف بفاطمة واسرتها
هي اخت محترمة اتربت في بيت محترم مبني ع الاصول والقيم وعارفة الصح من الغلط والحرام والحلال , زي معظم بيوت المسلمين .

فهذه اول سنة لها في عالم الجامعة بعد عالم الثانوية العامة
عالم الجامعة المليء بالمغامرات
والعلاقات
والاختلاط
والموضة
والاغاني
والمخيمات او " الاُسَر" التي تضم شباب × بنات × رقص × اغاني × الدي جي تحت مظلة هذه الاسر المنتشرة في جميع انحاء الكلية _ تيجي تسألهم بتعملوا ايه ف الاسرة دي غير الرقص ؟ يردوا عليك بصرامة لا يا فندم احنا هنا بنخدم الطالب _ اه فعلا ونعم الخدمة ! بيخدموه عشان يسقطوه دنيا وآخرة ولا حول ولا قوة إلا بالله _ .



فتبدأ فاطمة تجهيز نفسها للذهاب الي الكلية بعد مُضي اسبوع منها -ودا طبعا غلط لانك لازم تحضر المحاضرات الاولي لانها بتبقي مهمة جداااااااا وبتعرفك الدنيا فيها ايه _ _

المهم وصلت الجامعة وزُهلت bab:من المناظر واللبس والاختلاط والاغاني والضحك ووووووو الضياع .


ففاطمة انكرت دا واضايقت جداا من المناظر دي وذهبت بسرعة ع المدرج ولقت نفس الكلام وبشكل مُركّز اكتر اختلاط رهيب وكله قاعد جمب بعض والدنيا خلطبيطة ولا حول ولا قوة إلا بالله
وكل الأماكن كومبليت ففاطمة ملقتش مكان فاضي غير جمب شلة شباب ,
فطبعا هم الذوق كله مع البنات _ بالذات البنات الجديدة_ قعدوها جمبهم ووسع يا عم للاخت .
المحاضرة بدئت وهي طبعا مش فاهمة حاجة عشان اول محاضرة ليها فبعد انتهاء المحاضرة طلبت من بنت قدامها كشكول محاضراتها عشان تنقلها فالبنت اعتذرت لانها ماشية , فالاخ قاعد وسامع الحوار فطبعا الذوق كله لازم يقدم المساعدة _ دي كمان طلعت محتاجة مساعدة قشطة جدا , دا كلام الولد في سره او مع زمايله _

الاخ الذوق : اتفضلي كشكولي اهو تحت امرك ولو حابة اشرحلك اي درس انا في الخدمة ,
هي كانت رافضة في الاول ولكن الاخ البطل الحّ عليها وخدته وسابه معاها ومشي
_ عشان يضمن انها لازم تستناه عشان تديهوله _ .




ففاطمة احترمته مهي لسه خام مكلمتش قبل كدة شباب خالص في حياتها ودا ناتج عن عدم وعيها , ومحدش قالها علي مكائد الشباب ومكرهم .

وهنا فاطمة اخطأت خطئين مدمرين :

1- قعدت جمب الشباب , كان اكرملها ان تجلس علي سلم المدرج كما يفعل البعض عند الزحام انما تجلس جمب الشباب
لالالالا والف لالالالالالا .

2-- اخدت منه الكشكول , يعني يا اخت فاطمة المدرج مفهوش اخوات غير الاخت اللي طلبتي منها ورفضت ؟؟_



المهم نقلت المحاضرات , وفضلت قاعدة مستنياه لحد ما جه واديته كشكوله ,
وقالها ما شاء الله علي خطك رااااااائع ممكن بعد اذنك ابقي انقل منك المحاضرات ؟ ,
قالتله منتا بتكتبها اهو ملهاش لازمة تنقلها مني .
قالها معلش بس الخط بيفرق برده ,
قالتله ربنا يسهل وقامت ماشية .
و



وانتهي اليوم الاول لفاطمة في الجامعة ببعض الاخطاء والتخلي عن مبادئها ودا للاسف نهايته ندم وحسرة وتعاسة ولا حول ولا قوة إلا بالله


فترجع البيت تستشير ماما عن اللي هي عملته _ علي ان ماما هي القدوة _ :

فاطمة : ماما هو انا لو قعدت جمب الشباب غلط ؟ اصلي مكنتش لاقية اي مكان خالص , فلاقتهم هم وسعولي وكمان نقلت منهم المحاضرات ؟
ماما : طالما مكنتيش لاقية مكان خلاص يعني هم الشباب هيكلوكي ؟ وبعدين كويس انك نقلتي منهم المحاضرات اصلهم بيبقوا جدعان وبيحبوا يخدموا إنما البنات دول سِوَس ولُؤَمة .
فاطمة: اه صح يا ماما دانا طلبت من البنت واعتذرت .
ماما : اه شوفتي بقي ! لا انقلي من الصبيان الجدعان واسأليهم عن اي شيء مش فاهماه .



_ للاسف دا رد معظم الاُمهات واستهانتها بكل الامور وعواقبها

واقول لكِ يا كل ام فاضلة حافظي علي بنتك اوي احنا في زمن بشع وحرّصي عليها من ذئاب البشر ومتقوليش دانا واثقة في بنتي دي متربية ع الاخلاق ,لالالالا طالما فتحتي لها باب النار _وهو الشباب والاختلاط+ اللبس الغير اسلامي + الاغاني + عدم مراقبتها بطريقة غير مباشرة _ يبقي للاسف هتتحرق بالنار دي وانتي هتكوني من ضمن الاسباب ,
هل هذا يُرضيكي لإبنتك يا اُمنا الكريمة ؟؟ _

[مستر ايمن محمد راشد]

باقى التعارف والقصة


[/CENTER][/SIZE]


مرحباً بكم من جديد مع
اختكم فاطمة

والحلقة الثانية من :



تذهب فاطمة الجامعة لليوم الثاني

وناوية انها تحاول تتعرف ع بنات جديدة وتكون صحبة حلوة وشلة بس وصلت متأخرة برده


_ودا غلط قلنا يا فاطمة لازم تيجي بدري احتراماً للمواعيد وعشان تلاقي مكان تقعدي فيه بدل ما تتزنقي جمب الشباب زي امبارح _


وللأسف ملقتش مكان طبعا


فمين لمحها وهي داخلة ؟!


الاخ الشهم بتاع الكشكول


فمصدق انها مش لاقية مكان فراح بسرعة نادلها



وقالها انا جمبي مكان اتفضلي ,

قالتله : لا شكرا

قالها : انتي ممكن تقعدي المحاضرة الاولي بس وبعدين تدوري ع مكان تاني عشان الدكتور هيدخل .

فكرت شوية كدة وبرده قعدت جمبه
_ برخصة كلام ماما _





المهم حضرت المحاضرة الاولي

وقامت علطول

حاولت تقعد جمب بنات
وقعدت بالفعل
ولكنها لاحظت حد بيراقبها مين ؟

_طبعا الشاب الشهم _,
وهي ايضا بدئت تراقبه من بعيد , ولكنها تحاول إفاقة نفسها
ولمحاضراتها اول باول ,ولا تُلقي له بالاً .

فدردشت شوية مع البنات وتعرفت عليهن معرفة سطحية كدة وقالتلهم ياريت تحجزولي جمبكم لو اتأخرت بكرة إن شاء الله واديتهم رقم موبايلها وهي بتديهم رقم موبايلها ايه اللي حصل ومين كان سامع الحوار ؟؟
طبعا الاخ الشهم

كان قاعد ورا بس قاعد بظهره عشان هي متشفهوش وسمع الرقم وسجله عنده



وجاء ثالث يوم وحاولت انها تيجي بدري عشان تلحق مكان كويس ويكون جمب صحباتها ,


فدخلت المدرج وراحت للبنات لاقتهم مش حجزولها جمبهم رغم انها وصتهم امبارح والوقت لسه بدري يعني مفيش زحمة ,


فزعلت فاطمة منهم وراحت دورت ع مكان لوحدها , وقعدت لوحدها ,

فمين وصل المدرج ؟
عمو الشهم

فبص كدة لقي الاخت فاطمة قاعدة وجمبها كمان مكان فاضي _ يعني قشطة جداااااااا _


ودار الحوار الآتي :

الشاب: ازيك ؟ عاملة ايه

فاطمة: كويسة الحمد لله
الشاب :جيتي بدري اهو
فاطمة : اه
الشاب : في مكان جمبك اقعد ؟


_ مهي لازم تدفع ثمن عزومة امبارح واول امبارح لما قعدها جمبه _


فاطمة في تردد سلبي: اه في .

الشاب :طيب شكرا ,
اخبار المحاضرات ايه ذاكرتيها امبارح ؟

فاطمة مش حابة تتكلم معاه ولكن حرجها اللي هيوديها في داهية منعها من انها تكسفه _ : لا لسه
الشاب: طيب لما تذاكريها واي حاجة وقفت قدامك قوليلي علطول
_ وهو اصلا تلاقيه عايد السنة وفي الطراوة وعامل فيها دكتور بس, لزوم الشغل بقي _
فاطمة: شكرا
الشاب : طيب انا متعرفتش باسمك ؟
فاطمة : اسمي ...... فاطمة
الشاب: الله اسم رائع انا اسمي كذا ...
فاطمة : لا تعليق .
الشاب: هو انتي ساكتة ليه كدة ؟
فاطمة: هقول ايه يعني ؟
الشاب : باين عليكي محترمة اوي متقوليش حاجة خالص اقول انا ,
ساكنة فين بقي ؟ وكنتي مدرسة ايه في الثانوي ؟وبتخدي دروس فين ووووووو
وعمّال يسأل وهي تجاوب
ولا حول ولا قوة إلا بالله





وبدأت تتشد له طبعا وتُعجب به بالفطرة ،

ما هو لازم يحصل جذب بين الجنسين وعلشان كدى ربنا سبحانه حرّم الاختلاط.

وندمت فاطمة انها قعدت تتكلم معاه وتحكي عن نفسها كدة

ولكن شيطانها يرادوها : يا بنتي انتي محترمة معملتيش حاجة غلط وبعدين دا كلام عادي مش حب ولا حاجة , هو انتي تيجي حاجة وسط البنات التانية , دا انتي شيخة يا بنتي ,
استني عليا بس انا هوريكي يا فوفو
_عليك اللعنة يا شيطان وهداكِ الله يا فاطمة _

وروحت البيت سعيدة وزعلانة في نفس الوقت بس السعادة غلبت عليها لانها حست ان حد مهتم بيها بالذات من الجنس الاخر
ويااااا سلاااااااام عمالة تفتكر لما قعّدها جمبه و عمال يراقبها ويقدم مساعدته ليا انا بس وجه يقعد جمبي

وفي ظل السرحان العميق دا ...
ماما تنادي علي حبيبة قصدي علي فاطمة _ الوحشة _
ماما :يا فااااااااااااطمة
ماما : يااااااااااااااا فاطمة
ماما : يا بت فاااااااااطمة
ماما : ماتت دي ولا ايه ؟
فاطمة اخيرا فاقت : ايوة يا ماما
ماما : ايه يا بت انتي مش سامعاني كل دا ؟
فاطمة : انتي ناديتي قبل كدة ؟
ماما : اه يختي ناديت ميت مرة كنتي سرحانة ف ايه إن شاء الله ؟
فاطمة : سرحانة ايه بس يا ماما
ماما : وليه بقيتي تحطي روج وكحل وانتي راحة الكلية ؟
فاطمة : فين دا يا ماما دانا كنت حاطاهم من بالليل ودا اثرهم بس .
ماما : ماشي انا هعمل نفسي مصدقاكي بس بلاش الحاجات دي خالص ولا انتي عايزة تتعاكسي ؟
فاطمة ومش عاجبها الكلام : حاضر يا ماما



وفي اليوم الثاني


الاخ جاي بدري وحاجز للاخت فاطمة جمبه ومترقب باب المدرج اول ما تدخل يصطادها قصدي ينادي عليها و دخلت الفريسة قصدي فاطمة وبالفعل وقعت في المصيدة قصدي وافقت انها تقعد جمبه ولا حول ولا قوة إلا بالله ,

الشاب : اخبارك ايه النهاردة يا فاطمة ؟
فاطمة : كويسة الحمد لله .
الشاب : ايه رأيك حجزتلك عشان عارف انك بتيجي متأخرة ومش هتلاقي مكان .
فاطمة : شكراً

الشاب : بصي ابقي رنيلي علطول اول ما توصلي عشان اعمل حسابي , اه صحيح رقمك كام ؟
فاطمة : مفيش داعي انا هبقي اجي ع المدرج علطول .
الشاب : انتي مش عايزة تديني رقمك صح؟
فاطمة : اصله ملوش لازمة .
الشاب : طيب براحتك وقام زعل وقام كلم صاحبه .

فاطمة حست انه زعل وعلي نيتها ولا تدري ان هذه خطة جديدة _
هداكِ الله يا فاطمة

وقامت كلمته وقالته انت زعلت .
ساب صاحبه وفرح ان الخطة نجحت : لا عادي بس حسيت انك مش عايزة تكلميني فسبتك براحتك .
فاطمة : انا بس مش متعودة ادي لحد رقم تليفوني خاصة لو كان ولد .
الشاب : ما شاء الله عليكي احترام عالي جدااا . انا كنت بطلبه منك بس عشان لما المحاضرة تبدأ ارنلك او اتوسطلك عند فراش المدرج
_ عم الجدع بقي _
وعلي فكرة عايز اقولك ان رقمك سهل اوي
فاطمة باستغراب : رقمي سهل !
الشاب:اه سهل حتي مش هو ........01
فاطمة : انت عرفته منين ؟
الشاب : عادي يعني سمعتك وانتي بتديه لصحباتك امبارح .
فاطمة : حاجة غريبة اوي
الشاب : لو مضايقة اوي كدة همسحه متزعليش دا مكنش رقم يعني !!
فاطمة : .........

والمحاضرات كلها حضرتها معاه

وتروّح فاطمة

البيت
" الاخت الولهانة "

مش " التقية النقية " زمان .


وتدخل اوضتها وتقفل عليها الباب وتسمع الاغنية اللي حضرته بعتهلها بالبلوتوث "

وبعدين لقت التليفون يرررررن :
بتبص لقت :
عم الشهم يتصل بك ...
قلبها دددددق جااااااااامد ,
ارد ولا لأ ..ارد ولا لأ ..
لحد ما فصل ومردتش عليه
وعملته صامت .


راحت الجامعة واشترت علبة ميكب " مكياج " زي باقي البنات اشمعنا انا ,
ودخلت المدرج بتدور عليه طبعا وهو عارف انها هدور عليه
قام بصلها بصة عتاب ومورهاش وشه تاني
_ خطة عقاب لها عشان تحرم متردش عليا _
وعمالة تدور عليه في كل المدرج مفيييييش
وتروح الكافتريا مفيييييييييش


كان ناقص تجيب ميكروفون
واحد تايه يا ولاد الحلال محدش شافه ؟؟
وبعدين تتجرأ وتتصل به
لا وكمان بيكنسل عليها

وتروّح البيت مضايقة خااااااالص ولا حضرت محاضرات ولا صلت الظهر والعصر وقضت اليوم في البحث عن المفقود


ولا حول ولا قوة إلا بالله .

[MoHaMeD ELsHeRbEnY]

تم نقل الموضوع للقسم الصحيح
لان القسم العام ليس لاى موضوع دينى حتى لو كان نقاشى هادف
لان يوجد قسم حى على الفلاح فهو للمواضيع النقاشية الدينية الهادفة
والقسم العام فقط للمواضيع النقاشية العامة الهادفة
التى لا يوجد لها مكان فى اقسام المنتدى
فى رعاية الله

[MoHaMeD ELsHeRbEnY]

فى البداية موضوعك جميل ما شاء الله
ربنا يبارك فى حضرتك
ولكن للاسف دلوقتى الموضوع دا مينفعش مع 99 % من طلاب الجامعة
لان دا جيل الدش والانترنت والمحمول والعالم المتفتح
يعنى البنت الى بتكلم ولد وتندم مع احترامى ليها هيا الى اخطأت وهى كانت عارفة الصح من الغلط
مش هنقول مكنتش تعرف معتقدش ابداً
كل الناس عارفة اية الصح واية الغلط سواء الشباب او البنات
واية الحرام واية الحلال بردة لان الحلال بين والحرام بين
بس انا مختلف تماماً مع حضرتك فى جزء خطير جداً
اولاً انا فى اداب المنصورة من الاخر بيقولو عليها كعب عالى المنصورة او بؤرة فساد المنصورة
مش هقولك كلية الادب والاحترام لا هيا كلية الاختلاط والتعارف و كل حاجة حضرتك قولتها
بس مش معنى دا ان كل الى فيها نفس النظام
حضرتك قولت الاسر ومعنى كلامك ان هيا بؤرة الفساد فى الجامعات
ودا للاسف مش صح نهائياً يافندم لان الاسر دى هيا الى بتحارب الفساد
فأنا رائد اسرة فى اداب المنصورة وطبعاً مش الاخوان ولا الكلام دا
دى اسرة اسمها بيور لايف يعنى حياة نقية بنحارب التدخين
كل فترة لينا خطة الجامعة بتدعمها مع الكلية وحرس الكلية بينفذها لمحاربة لتدخين والتلوث وكل الكلام دا
مثلاً فى اسرة اسمها مكتبتى دى بتساعد الجميع على القرأة والنشاطات الثقافية واسر كتيرة
انا فى الاسرة دى دلوقتى بقالى 3 سنين مشفتش فيها حاجة مش كويسة نهائياً
الرحلات بتاعتها نفسها بيكون اتوبيس شباب واتوبيس بنات دا اذا اساساً طلعو فى يوم واحد
ممنوع نهائياً لو اختك فى الاتوبيس التانى تكلمها حتى او تبص لها او او
اقل شئ هتتمنع من انك ترجع فى الاتوبيس دا غير محضر تأديب لما ترجع داخل الكلية
الاسرة بتساعد على تنمية مهارات اى فرد داخل الكلية
دا غير ان فية ناس بتبقى داخلة الكلية تايهه ومش فاهمين اى حاجة الاسر دى بتوعيهم فى كل شئ
من الاخر وبصراحة انا وجهة نظرى الشخصية ان اسر الجامعات مفيدة جداً
فى رعاية الله

[أبو إسراء A]

نورت يا أستاذ محمد القسم
وبالنسبة للأسر ،فإن الحكم على الشىء فرع عن تصوره ، وصاحب الموضوع تكلم عن مخالفات معينة بالأسر مثل الإختلاط والغناء و وملابس الموضة المخالفة والعلاقات الغرامية والموسيقى ، وطبعا إذا خلت الأسرة عن هذه المخالفات وغيرها لا شىء فيها.
على كل نورتنا أخى الكريم

[Dr. Hoda Ahmed]

مستر الموضوع جميل جدا جدا وانا تابعته هنا او فى منتدى الطريق الى الله بس هو موجود فى البوابة فى قسمين على فكرة وكامل بجميع حلقاته ومهم اوى اوى لحماية البنات فعلا ومع احترامى لراى استاذ محمد كمان

بس القصة دى واقع شباب كتير فعلا مع بنات وانا شايفة انها واقعية اوى