♥♡ღ◦˚° إوعى تخلع المغفر .. هيطيروك .. انت حر

[عزتى في دينى]

♥♡ღ◦˚° إوعى تخلع المغفر .. هيطيروك .. انت حر

تخيل ان الذنب اللي بتعمله بلطجي واقف بره بمطوة وحالف يجيبك نصين
تخيل بقى انك عملت مثلا 7000 او 8000 ذنب (طبعا ذنوبنا لا تحصى ) ب7000 بلطجي بقى عايزينك
اوعى تخلع المغفر .. والله العظيم هتطير .. انت حر .. هيطيروك .. هيقطعوك
..............
اوعى تخلع المِغفر ...
هيطيروك
انت حر
انا نبهتك اهو
المِغفر ده يعني ايه ؟؟
الغطاء الذي يوضع على الرأس من شدة الحر . فلما ينزل على راسك سيف
المِغفر ده يحميك
طيب موضوعنا بقى
يعني ايييييييييييييه استغفار
اهو الاستغفار ده من المغفر
كأن الذنوب دي سيوف هتنزل على راسك تقسمك نصين
علشان كده اللي بيحمي العمارة اسمه اييييييييه
اسمه غفير


طيب يعني ايه ذنب ؟؟
الذنب من الذَنَب اللي هو الديل
عملت ذنب وانت فاكر انه خلاص ؟؟
الموضوع انتهى ؟؟
لا يا حبيبي ده فيه توابع .. هتفضل تدفع تمنها في الدنيا وعند الموت وفي القبر ويوم القيامة
لو متبتش الى الله من هذا الذنب .. لو مستغفرتش من هذا الذنب


علشان كده النبي بيقول
(أعوذ بك من شر ما صنعت )
يبني مفيش ذنب مش هينزل عليه عقوبة
في قلبك وفي دنيتك وفي الرزق وفي الاخرة
طب والحل ايه ؟؟
الحل الاستغفار
الذنوب بتمنع اجابة الدعاء
بتسد
كأن جدار واتحط فوقك
الفتوحات مش عارفة تنزل
الدعاء مش عارف يطلع بسبب ذنوبك
كــأن بالظبط ماسورة مسدودة
وانت فاتح الحنفية والحوض مسدود
ليه ؟
يبني المسورة مسدودة اصلا
يبني مش بتسلك


حديثين وان كان في سندهما كلام الا ان معناهم صحيح 100%
(إن العبد ليحرم الرزق بالذنب يصيبه )
(من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب)
الاتنين تبع ان الذنوب تمنع الرزق او ان الاستغفاغر يفتح باب الرزق


واحد يجي يقولي
طيب أستغفر ربنا ليييييييييييه ؟؟
انت عارف الذنوب عاملة فيك ايه؟
عارف انت محروم بسبب ذنوبك اد ايه ومن ايه؟
انت مشخص انك مش بتقوم الليل ليه ؟؟
اصلي بنام متاخر ووووو
يبني ذنوووووووووووووب
انت مشخص ان ايمانياتك قليلة ليه؟
يبني ذنوووووب
انت مشخص ان سكك الدين مش مفتوحة ليك ليه ؟؟
يبني ذنووووووب
انت مشخص ان طريق الدين مش متيسر ليك ليه ؟؟
يبني ذنووووووووووب
ياما ناس اتحرمت من الدعوة بذنوب
ياما ناس اتحرمت من القيام بذنوب
ياما ناس اتحرمت من طريق الدين بذنوب والعياذ بالله



الاستغفار هيغيرلك حياتك هيعمل مفاجئات في حياتك
عشان كده ركز معايا في اللي جاي شوف الاستغفار هيعملنا ايييييه؟؟
وأنت خارج من المسجد بتقول اييه
(اللهم اغفر لي وافتح لي ابواب فضلك )
إفتح
من الفتح
الذنوب كانت قافلاها عليها والاستغفار فتح


طيب وانت داخل المسجد بتقول ايه ؟؟
(اللهم اغفر لي وافتح لي ابواب رحمتك )
فتح
كانت مقفولة وهتتفتح
الاستغفار هيفتحلك ابواب الدين والدنيا في حياتك هيفتح ما بينك وبين مولاك


* عشان كده سبحان الله العظيم سيدنا نوح بيقول (فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين )
الذنوب كانت قافلة الرزق
كانت قافلة الارحام
كانت قافلة المطر
الذنوب دي كانت قافلة
بالاستغفار فتح من الله


في اول الصلاة بنقول
(اللهم باعد بيني وبين خطاياي كما باعدت بين المشرق والمغرب .اللهم نقني من خطاياي كما ينقى الثوب الابيض من الدنس .اللهم اغسلني من خطاياي بالماء والثلج والبرد)
ده اسمه دعاء الاستفتاح
فتح
كأن كانت مسدودة وعاوز يفتح ما بينك وبين الهشوع ويفتح عليك في الصلاة


اوعى تمل من الاستغفار
الذنب خطييييييييير
ابليس بذنب واحد بعد عبادة 70000 سنه اطرد من الجنة
سيدنا آدم بذنب واحد خرج من الجنة
وانت بتعمل الذنوب دي ؟ كلها
شوف انت عملت كم ذنب وفاكر ان الجنة دي ببلاش يوم القيامة كده
الذنوووووووووب خطيييرة جداااااااااا


واحد تاني يجي يقولي
طيب انا دلوقتي عرفت استغفر ربنا ليه
سؤال تاني بقى
انا هستغفر ربنا على ايييييييييييييه بقى بالظبط ؟؟
يعني انا بعد اقول ديما استغفر الله استغفر الله ؟؟
على ايه بقى

يتبع بالمشاركة القادمة

[عزتى في دينى]

أنا دلوقتي هستغفر على اييييييييييه ؟؟
أنواع المعاصي اللي هتستغفر ربنا عليها :
1) معاصي السر
ايه معاصي السر دي (عادة سرية * مواقع *****ة * قنوات محرمة * كل منظر وحش شفته *كل نظرة حرام في الشارع * كل معصية عملتها في خلوتك *)
كل ده معاصي سر .. يبقى معاصي السر كتير جداااااااا
وحتى الملتزمين فيهم معاصي سر
معاصي السر لا تترك احد


2) معاصي القلوب
يعني اللي متعاملش بالربا
مزناش
مسرقش
م***ش
يقولك انا هستغفر من ايه
ياعم قول استغفر من ايه ولا ايييه ؟
معاصي القلوب زي
تعلق القلب بغير الله : لما تحتاج حاجة تجري على المخلوق وتترك الخالق
الشك:
هو انت يقينك كامل بالله ؟؟ الشكوك والوساوس في الدين
الشرك الخفي
الرياء
النفاق
هو انت قلبك مش فيه رياء ولا نفاق
استغفر من الرياء والنفاق
سوء الظن بالله
لما ربنا يبتليك شوية تقول هو ربنا عمل فيا ليه كده ؟؟



معاصي رواسب الجاهليه
يا جماعة ابليس انتكس بعد 70000 سنه عبادة
اوعى تفتكر انك لو سكت على مرض جوا قلبك انه مش في يوم من الايام هتقع بسببه
فجأة يقولك فلان انتكس
ازاي ؟
كان فيه معصية بيعملها ومستهتر بيها
هي دي اللي وقعته
يبقى اللي بحياته ذنب مستهين بيه لحد دلوقتي
يستغفر منه


ممكن والعياذ بالله
تبقى ارتداد مش انتكاس بس والله
عارفين فتنة الممات ؟؟
(إن الذين تولوا منكم يوم التقى الجمعان انما استزلهم الشيطان ببعض ما كسبوا )
بسبب ذنوبهم يعني
افرض بقى الشيطان استزلك بسبب ذنوبك ببعض ما كسبت في ساعة الموت (فتنة الممات )
هو ممكن الواحد يترد والعياذ بالله ؟
يبني انت 17 مرة بتدعي ربنا في الفاتحه انك متمتش يهودي ولا نصراني
بتقول
(غير المغضوب عليهم ولا الضالين )


هو ممكن الواحد والعياذ بالله قلبه يقلب عن الاسلام ؟
سيدنا ابراهيم بيقول (واجنبني وبني ان نعبد الاصنام)
ليه (ربي انهن اضللن كثيرا من الناس )
بص للامريكان
انت اذكى ولا هما
انت اذكى ولا اللي حصلوا على جابزة نوبل ؟
هما الاذكى مش انت
هما كفار
وانت مسلم
ليه ؟
مش لانك اللي فاهم اكتر
ولا لأنك اللي اذكى
هما احسن منك في كل حاجة
بس هما كفرة
وانت الحمد لله مسلم
يبقى اذاً خاف على قلبك يقلب عن الاسلام
لأنه مش بالاسباب
دي حاجة هبة من الله سبحانه وتعالى
(اللي عايز ربنا يحميه من الانتكاس في العقيدة
يدعو الكفار للاسلام فربنا بشكر ليه دعوتهم فربنا يثبت الاسلام في قلبه )



أمراض القلوب
ودي غير معاصي القلوب
وهي 3 حاجات
الرانوهو كتل تراكمت على قلبك بسبب النظرة الحرام والكلام الحرام والسماع الحرام والغيبة والنميمة ... إلخ
والنكت السوداء : ان كل ذنب عمل بالقلب نكته سوداة عندك
والغين : الغين ده حتجة خفيفة جدااااا لا يلاحظها الا المديم الاتصال القلب بالله ... يعني احنا منفهمش موضوع الغين ده


3) معاصي النفوس
نفسك بقى
الانا اللي عندك دي
الحسد
الكبر
العجب ,,كل دي مصايب
لا يدخل الجنة من كان في قلبه مثال ذرة من كبر
مثقال ذرة من مرض واحد من امراض النفس تمانع من دخول الجنة
يبقى تستغفر دلوقتي منها ولا لأ ؟


4) معاصي الفرائض
آآآه
صلاة الفجر
ده كل مرة صلاة الفجر بتروح عليك وانت كان ممكن تظبط منبه وانت استهنت ونمت
(يا جماااااعة ترك صلاة الفجر من الكباااااااااااااااائر )
* في الفرائض اه في نقص ده غير اللي في الخشوع في الصلاة وانت قاعد تفكر في الشرق والغرب جوا الصلاة .. مش راضي تجاهد علشان تجمع قلبك على الله
احياناً ممكن الصلوات تتلف وتلقى في وجه صاخبعا وتقوله (ضيعك الله كما ضيعتني )
الصلاة تدعي على اللي صلاها
فما بالك باللي مصلاش اصلا!


5) معاصي زمااااااااان
هو انت فكرك انت تبت منها ؟؟
انت مش تبت
انت سبت وتركت
فيه فرق بين تبت وبين سبت
انت كنت بتكلم بنات
بتنظر نظرات حرام
عينك هيئة ارصاد
بتشرب خمرا وسجائر ومخدرات
انت تركت كل ده مش تبت منه
يبقى لما تيجي تستغفر دلوقتي على معاصي زمان
انك تفتكر معاصي زمان
وتتوب منها
مش تسيبها
يعني تبكي وانت بتستغفر ربنا عليها
يااااااااااارب انا ندمت عليها يارب مش هرجع تاني



6) معاصي الاخلاق والمعاملات والحقوق
معاملات اجتماعية
اللي عملته مع والدك ووالدتك من زعيق وعصبيه وعقوق
ارحامك اللي انت قاطعها (ده من كبائر الذنوب والعياذ بالله )
شغلك الدنيوي اللي انت مقصر فيه
الامانه تنتظر العبد على الصراط
الموظف اللي بيعد على مكتبه ويترك الناس
الدكتور اللي بيخون مرضاه
(الامانة في الشغل الدنيوي ) ربنا يرزقنا الامانه ويتوب علينا
في عقوبات معاصي بتنزل وكتييير جداااا
___ اعرف واحد كان شغال في الدعوة واتحرم من ذلك لتقصيره في حاجة دنيوية مش دينية


المعاملات المادية : اللي انت اخدت منهم امانات
سلفني كتاب
سلفني كذا
والبتاع ده
ومرجعتهوش المدرس اللي اخدت عنده درس في يوم من الايام وخدت فلوس الدرس ضربتها في جيبك وانت الوقتي ناسي مين المدرس ده اصلاً


7) السيئات الجارية
قبل ما تلتزم
علمت حد التدخين ..بيشرب لحد دلوقتي بسببك
قبل ما تلتزم علمت واحد كريق موقع معين .. او قناه معينه .. اغنية معينه
انت التزمت وهو لسه بيشوف الحاجات دي لحد دلوقتي بسببك
قبل ما تلتزم شيرت حاجات على الفيس بوك لزمايلك كلها اغاني وصور محرمه ومعاصي
ولسه الى الان الناس بتشيرها لبعض بسببك



8) معاصي في حق الاسلام
كل منظر شفته ومغيرتوش
كا نازلة حصلت في الامة وانت مشاركتش فيها
كل مرة كان مطلوب تنصر الاسلام فيها ومنصرتوش
كل مرة كان ممكن تنصر دينك بحاجة وانت منصرتش دينك بيها
تقصيرك في الدعوة الى الله وهي فرض
تركك للدعوة الى الله وهي فرض ده ذنب عليك
(سيدنا كعب بن مالك تخلف مرة واحدة عن غزوة تبوك ..شوفوا اللي حصل ليه ؟؟
انت بقى تخلفت عن 1000 تبوك وانت مش حاسس انك عملت حاجة

ومع اخر نوع من انواع المعاصي اللي هنستغفر ربنا منها وبعدين نقول توصيات عملية ان شاء الله
يتبع

[عزتى في دينى]

) معاصي بالإستعلاء بالطاعة
هو اللي بيذنب معاصي
واللي بيطيع كمان معاصي !!
انك تطيع ربنا وتقوم متكبر بالطاعة بتاعتك
انك مثلا تقيم ليل وتصوم نهار وتقرا القرآن
يتهيألك بقى انك عملت حاجة وانك ياما هنا يا ماهناك ومحدش عمل زيك ابدا



عشان كده
عباد الرحمن(يبيتون لربهم سجداً وقياما) طول الليل بيصلي
بعدها ( والذين يقولون ربنا اصرف عنا عذاب جهنم )
لم تزدهم الطاعة الا انكسار .. عشان كده بعد الصلاة بتقول استغفر الله 3 مرات
لا تزيدك الطاعة الا انكسار
عشان كده
(سمعنا واطعنا ) بعدين (غفرانك ربنا )
ده انت سمعت وأطعت
وبعدين غفراااااانك ربنا
لا تزيدك الطاعة الا انكساااار



الرسل استغفروا على إيه يا جماعة
الرسول عليه الصلاة والسلام : له استغفار بيستغفر فيه ربنا من 13 نوع من انواع الذنوب والمعاصي
(اللهم إغفر لي خطيئتي وجهلي وإسرافي في أمري وما أنت أعلم به مني , اللهم إغفر لي جدي وهزلي وخطئي وعمدي وكل ذلك عندي , اللهم إغفر لي ما قدمت وما أخرت وما أسررت وما أعلنت وما أنت أعلم به مني أنت المقدم وأنت المؤخر وأنت على كل شئ قدير)
13 نوع من الذنوب النبي صل الله عليه وسلم بيستغفر منهم
بيقول اغفرلي خطيئتي وجهلي
المصيبة انك تعصي وانت مش عارف عظمة من عصيت هو ده الجهل
المصيبة انك تبقى عارف ان ده حرااااام و ان ربنا قال ان ده حرام وبرده بتعمله
مصيبة الغيبة مش انها غيبة
مصيبة الغيبة انها خطيئة
(وجهلي ) انك وانت بتغتاب مش عارف عظمة من امرك ألا تغتاب
(واسرافي في امري) انك اغتبت النهرده وربنا غفرلك فاغتبت بكرة واغتبت بعده دي مصايب تانية
(وما أنت أعلم به مني) وانت بتغتاب كان في قلبك امراض تجاه اللي بتغتابه ده حسد على حقد على غيرة .. فالقضية مش على الغيبة بتاعة اللسان وخلاص
(اللهم اغفر لي جدي وهزلي وخطئي وعمدي : انك وانت بتغتاب فاكر انها لعبة
(هزلي ) فاكر ان الغيبة دي وايه يعني اما اغتاب انك تستحقر المعصية
(وعمدي)انك وانت بتغتاب عارف انها حرام وبرده هغتاب (وكل ذلك عندي) عارف لما اقول يارب انا كل المعاصي الوحشة عملتها مفيش حاجة وحشه الا وعملتها .. انك تكون على اعتاب العبودية بالانكسااااار
(كل ذلك عندي) ده لازم يكون اعتقادك طول منتا في طريق ربنا
(اللهم اغفر لي ما قدمت) انا ياما اغتبت يااااارب (وما أخرت ) ما اخرت ده اللي لسه جاي في المستقبل . انت بتستغفر ربنا على ذنوب لسه معملتهاش .. آه .... ليه ؟؟ لأنك عارف يقيناً انك هتعصي هتعصي
انما مش ضامن انك تُرزق الاستغفار في المستقبل
فإنت بتستغفر مقدماً
(وما أسررت ) اللي جوا قلبي (وما أعلنت ) الذنوب الجهر اللي عملتها ادام الناس والناس اتعلمت مني ونشرت المعصية
(وما انت اعلم به مني انت المقدم وانت المؤخر) ذنوبك اللي بتقدمك وبتأخرك .ذنوبك اللي بتطلعك ادام او بتجيبك ورا
(وأنت على كل شئ قدير)
يبقى ده استعفار للنبي بيعلمك تستغفر على ايييييه
ده كل ال13 دول تزودهم على كل ذنوب حياتك كمان
اننا اذنبت وانا عارف انه حرام
اننا اذنبت وانا مش معظم مقام الله اللي نهاني عن الذنب
اننا اذنبت وانا في قلبي امراض هي اللي خلتني عملت الذنب
اننا اذنبت الذنب ده وانا ممكن اقع فيه تاني بالمستقبل
اننا اذنب واصريت على الذنب
فده استغفار النبي عليه الصلاة والسلام
شوف اخر سورة المزمل (وأستغفر الله إن الله غفور رحيم )
بعد قيام الليل وتفتر قدمه
بعد اجتهاده في الدعوة
بعد حاجات كتير
(وأستغفر الله إن الله غفور رحيم )



إستغفار سيدنا سليمان :
لما دبح 20000 خيل
قال (رب اغفر لي )
بيستغفر على كل دقيقة قلبه انشغل فيها بغير الله
شوف بيستغفر على ايييه؟؟



استغفار سيدنا داوود
(إني تبت إليك وإني من المسلمين )
بيستغفر ربنا على كل خدشه خدشت في الاسلام لله
اي معصية مهما كانت هي خدشه في الاسلام لله


استغفار سيدنا نوح
سيدنا نوح بعد 950 سنه دعوة
اخر سورة نوح بيقول
( رب اغفر لي ولوالدي ولمن دخل بيتي مؤمناً وللمؤمنين والمؤمنات )

.......


كده عرفنا هنستغفر لييييه
وهنستغفر من ايه
نيجي بقى لآخر نقطة وهي التوصيات العملية بقى
شغل عملي
تطبيقي
يتبع

[محمد محمود بدر]

شكرا على الموضوع الرائع
مجهود طيب محضرتك ما شاء الله
متابع معكم


جزاكم الله خيرا وبارك الله فيكم

[عزتى في دينى]

بارك الله فيك استاذ محمد
والله لي شرف مرورك

[دى برولى]

جزاكى الله خيرا
وجعله فى يزان حسناتك ان شاء الله

ويا رب اغرفر لينا وسامحنا جميعا