ممكن زملائى المعلمين يفيدونى بمعلوماتهم التفصيلية عن مميزات وماركات افضل طابعات الكم

[ياسر محمد المقدم]

أرجو من زملائى المعلمين المشاركين فى منتدى معلمى الازهر ان يفيدونى بمعلوماتهم
التفصيلية عن افضل طابعات الكمبيوتر الليزر (الابيض والاسود

) التى تعمل بالحبر الجاف (بودرة)التى يمكن شرائها فى مصر سواء كانت حديثة أو استيراد الخارج بشرط ان تكون طابعة فقط
وليس ملحقاً بها اجهزة اخرى كماكينة التصوير والاسكانر

لوسمحتم اللى عنده معلومة عن نوع طابعة كمبيوتر ليزر ابيض واسود كويسة يقوللى ايه هو
اسم الماركة والبلد المنتج لها ،وكم عدد الاوراق التى تكفى المرة الواحدة لملأ الحبر لطباعتها وكم سعرها فى
السوق
؟ ،وهل تطبع على الوجهين ام على وجه واحد فقط للورقة ،وهل هى جديدة ام استيراد
الخارج
لو سمحتم ما تبخلوشى علينا بمعلوماتكم
لأنى بادور على طابعة تستطيع طباعة أكبر عدد من الاوراق فى المرة الواحدة لملأ الحبارة

وكل عام وانتم بخير ورمضان كريم☻☻♥☺☺☺☺

[نسمات هادئة]

افضل الانواع hp ليزر لسهولة صيانتها واعادة ملئ حبرها مرة تانية
بتطبع كام ورقة مش عارفه بس بتكفي كتير وبتطبع علي الوجهين
انا كنت شارية واحدة موديل 1018 من سنة 2007 ماشاء الله شغاله زي الفل كل الي بعمله بملاها لما تفضي وبس
لكن معدتش بتنزل

[basha33]

Hp2300---------------------------------------------------

[النسر المصرى]

بص يا عم ... هات من الاخر واشترى الطباعة دى hp laser jet p1102 هى او اصدار احدث منها فى نفس الفئة انا شاريها من سنتين وشغالة تمام ... تمنها حيكلفك بالكابل حوالى 580 او 600 جنيه ... طباعتها وضوح ممتاز للكتابة وللصور فى نفس الوقت .. حبرها بيتغير بسهولة ..الملوة الواحدة ب 35 جنيه عندنا وبتطبع فى الملوة الواحدة رزمتين ورق يعنى حوالى الف ورقة بعد الرجرجة فى الكارتج بتعتها ... حتسمع كتير عن طباعات استيراد مشهورة زى ليكسمارك باصدارتها .. ما انصحكش بيها .. غبية فى التعامل ومشاكلها كتير زائد انهه طباعتها للصور بتبقى باهتة برغم انها جيدة جدا فى طباعة الكتابة ....

تحياتى

[ياسر محمد المقدم]

جزى الله كل من رد على موضوعى خيراً
وياريت اللى عنده معلومات زيادة يفيدنا بيها

[abdonady100]

عندى hp وشغالة جيدا

[أحمد الكوباني]

كل ما قاله النسر المصري صحيح وانا أؤيده لان الطابعة HP Laser Jet P 1102 معايا بقالها اكتر من 3 سنين وحاجة روعة بسم الله ما شاء الله مفيش بعد كده . توكل علي الله وهاتها

[الفيلسوف]

أنا عندى Hp1005 (متوفرة جديدة)
طابعة جيدة جداً الحبر والصيانة متوفرة بسهولة بتطبع كمية كمية كبيرة من الورق لكن دا طبعاً حسب محتوى الورق
لكن لاحظ أنا طابعة شخصية بمعنى لا تستطيع الطباعة عليها بكميات كبيرة فى وقت واحد يجب أن ترتاح ن درجة الحرارة
هناك طابعة أخرى Aficio تسمى nashuatec7527 (لو عاوز استعمال خارج)
دى طابعة كبيرة ثمن ملو الحبر حوالى 40-50 جنيه
بتطبع حوالى 10000 ورقة
بتطبع وش وظهر
سريعة جداً
ممكن تطبع عليها لحد 400 ورقة مرة واحد ثم ترتاح نصف ساعة وتكمل 400 غيرهم
الاتنين عندى والكلام دا عن تجربة
وأى استفسار أنا تحت أمرك

[MR.Mamdouh Ramadan]

جزاكم الله خيرا

[الشوكاني]

Lexmark حمارة شغل . وموفرة جدا

[خالد بن الوليد 77]

أنا عندى ( Hp1200 )طابعة جيدة جداً الحبر والصيانة متوفرة بسهولة بتطبع كمية كبيرة من الورق

[ياسر محمد المقدم]

ولكن الكثير من اصدقائى قالوا ان الطابعة hp بتطبع (الصور) بطريقة سيئة وباهتة ،ولكنها جيدة فى طباعة النصوص (الكتابة)؟ فهل هذا صحيح؟
لأنى باصور كتب فيها بعض الرسومات وبالشكل ده هتطلع الرسومات غير ظاهرة

[Mr. Mohamed Kamal Kamel]

يوجد طابعة نوعها Canon 3360LBP تطبع أحجام مختلفة من الورق وتطبع الوجهين سعرها غالي شوية حوالي 900 أو 1000 في هذه الحدود

[مصطفى عبد المغنى ساقولا]

فى طابعه ريكو استيراد تعمل 500 جنيه بس خطيره وعمليه جدا

[BORHAN]

ى طابعه ريكو استيراد تعمل 500 جنيه بس خطيره وعمليه جدا