مين داخل جامعة المستقبل

كيمو 5 · #1 27-07-2011, 09:54 AM

يا جماعة انا الحمد لله قدمت في جامعة المستقبل طب اسنان
واتقبلت وعاوزة اعرف مين هيدخل الجامعة دي علشان نكون زمايل

‏Dr.KaR!MaN · #2 27-07-2011, 10:01 PM

بصراحه أنا كنت هاتجنن وأدخل جامعة 6 أكتوبر بس أهلي مش وافقوا للأسف . . بس أنا أعرف ناس داخلين جامعة المستقبل و الألمانيه ومصر للعلوم بس تصدق كلهم صيدله وبشري . !

كيمو 5 · #3 28-07-2011, 10:55 AM

أنا كمان كنت عاوزة اقدم في 6 اكتوبر بس سمعت ان الحد الادني لطب الاسنان لن يقل عن 96 _95
بس انا سمعت ان جامعة المستقبل من احسن الجامعات في طب الاسنان بس هي غالية شوية
علي فكرة انا بنت مش ولد وكمان اسمي كريمان زيك ...... ممكن اعرف هو انتي ناوية تدخلي جامعة ايه

happy rose · #4 29-07-2011, 12:06 PM

انتى دخلتى اسنان بكام ولو تعرفى صيدلة فيها بكام ؟؟

! SpY MaN ! · #5 29-07-2011, 02:31 PM

السلام عليكم
كاريمان امتحان الانجليزى عامل ايه عشان انا قلقان منه جدا انا هقدم حاسبات و معلومات
طيب لو انا هسكن فى نص القاهرة هقدر اروح الجامعة لوحدى ولا لسة اوتوبيس تبع الجامعة و تكلفة الاتوبيس طول الدراسة كام ؟
و شكرا كتييييييير

‏Dr.KaR!MaN · #6 29-07-2011, 09:52 PM

أهلا بيكي كريمان أنا هادخل إن شاء الله علاج طبيعي . . .
بس زي ماقلتلك أنا كان نفسي أدخل جامعة 6 أكتوبر بس محصلش نصيب . . وبالنسبه للأسنان والصيدله في الجامعات الخاصه كلها بتاخد من 75% والعلاج الطبيعي من 73%

كيمو 5 · #7 30-07-2011, 10:59 AM

اقتباس:

المشاركة الأصلية كتبت بواسطة happy rose

انتى دخلتى اسنان بكام ولو تعرفى صيدلة فيها بكام ؟؟

انا دخلت طب اسنان ب45 الف في السنة غير الباص والمدينة الجامعية
اما الصيدلة فيها ب39 الف في السنة من غير الباص والمدينة

كيمو 5 · #8 30-07-2011, 11:10 AM

اقتباس:

المشاركة الأصلية كتبت بواسطة ! Spy man !

السلام عليكم
كاريمان امتحان الانجليزى عامل ايه عشان انا قلقان منه جدا انا هقدم حاسبات و معلومات
طيب لو انا هسكن فى نص القاهرة هقدر اروح الجامعة لوحدى ولا لسة اوتوبيس تبع الجامعة و تكلفة الاتوبيس طول الدراسة كام ؟
و شكرا كتييييييير

والله وانا كمان خايفة من امتحان الانجلش بس انا ان شاء الله هروح امتحنه الاثنين القادم باذن الله عموما هو بيحدد مستواك في اللغة علشان يقدر يحطك مع المجموعة المناسبة لك واللي في مستواك وبس وملهوش دخل بالقبول بالجامعة
اما عن انك تسكن في نص القاهرة فده ممكن لانك ممكن تروح الجامعة مواصلات اما اذا حجزت باص ففي باص بيروح جميع اجزاء القاهرة والجيزة ب 3500 في السنة وفي باص بيروح مصر الجديدة والرحاب وده ب2500 في السنة

اقتباس:

المشاركة الأصلية كتبت بواسطة karimanmagdy

أهلا بيكي كريمان أنا هادخل إن شاء الله علاج طبيعي . . .
بس زي ماقلتلك أنا كان نفسي أدخل جامعة 6 أكتوبر بس محصلش نصيب . . وبالنسبه للأسنان والصيدله في الجامعات الخاصه كلها بتاخد من 75% والعلاج الطبيعي من 73%

شكرا ليكي علي التوضيح طيب والطب البشري من كام

‏Dr.KaR!MaN · #9 30-07-2011, 03:33 PM

البشري من 85% وعلي فكره 6 أكتوبر أرخص كتير عارفه الاسنان هناك ب29700 و17000 مدينه غرفه فرديه أو 12000 زوجيه و3500 باص إحسبي وشوفي الفرق تلاقيه كبير جدا مع العلم جامعة 6أكتوبر أحسن جامعه خاصه في مصر !

محمد احمد طارق · #10 30-07-2011, 05:41 PM

السلام عليكم ورحمة الله و بركاته الف مبروك ليكم و ان شاء الله تتفوقوا فى الجامعة
انا دلوقتى قدمت اوراقى فى كلية علاج طبيعى جامعة 6 اكتوبر و دفعت مصاريف التيرم الاول و استلمت ايصال بالدفع !
انا جبت مجموع 79 % نقصت حوالى 10 % لان كان حصل لي ظروف خاصة فى المنزل و الحمد لله على كل شئ .
المهم هل كدا انا قبول نهائى ؟ ولا فى تنسيق داخلى او ممكن اترفض ؟ انا خايف جدا .

محمد احمد طارق · #11 30-07-2011, 05:45 PM

السلام عليكم و رحمة الله و بركاته
الف مبروك ليكم كلكم و ان شاء الله تتفوقوا فى الكلية اللى قدمتوا فيها !
بس انا عندى سؤال : انا دلوقتى قدمت اوراقى من 3 اسابيع بجامعة 6 اكتوبر ووديت ليهم الاستمارة اول اما طلعت و دفعت مصاريف التيرم الاول و استلمت ايصال بكدا !
هل كدا انا قبول نهائى ؟ ولا ممكن يتعمل تنسيق داخلى و وورقى يترفض لان مجموع 79 % ؟
مع العلم ان مجموعى نقص حوالى 13 % بسبب ظروف مرضية و الحمد لله على كل شئ . فأنا خايف جدا .

كيمو 5 · #12 31-07-2011, 07:50 AM

اقتباس:

المشاركة الأصلية كتبت بواسطة محمد احمد طارق

السلام عليكم و رحمة الله و بركاته
الف مبروك ليكم كلكم و ان شاء الله تتفوقوا فى الكلية اللى قدمتوا فيها !
بس انا عندى سؤال : انا دلوقتى قدمت اوراقى من 3 اسابيع بجامعة 6 اكتوبر ووديت ليهم الاستمارة اول اما طلعت و دفعت مصاريف التيرم الاول و استلمت ايصال بكدا !
هل كدا انا قبول نهائى ؟ ولا ممكن يتعمل تنسيق داخلى و وورقى يترفض لان مجموع 79 % ؟
مع العلم ان مجموعى نقص حوالى 13 % بسبب ظروف مرضية و الحمد لله على كل شئ . فأنا خايف جدا .

انا معنديش فكرة عن موضوع القبول النهائي ده بس طالما انت دفعت فلوس التيرم الاول يبقي اكيد اتقبلت بس علشان تطمئن اكتر اتصل بيهم واسئل في الجامعة

$ Hager $ · #13 31-07-2011, 04:52 PM

يعنى يا جماعه اللى جايب مجموع 85% ينفع يدخل كليه الطب البشرى ؟؟؟؟؟؟؟

‏Dr.KaR!MaN · #14 31-07-2011, 05:34 PM

أيوا اللي جايب 85% يقدر يدخل طب بشري خاص!

$ Hager $ · #15 31-07-2011, 07:50 PM

شكرآآ ليكى كتييييييير
بجد طمنتينى جداا