تثبيتنا بايدينا ولازم نعمل الاتى!!!!!

[عماد الشاطر2010]

زملائى واخوانى الاعزاء لابد ان نخرج عن دائرة المالوف والمعروف حتى نصل لحلول ابتكاريه واليكم افضل الحلول:
الوقفه لازم تكون فى26 رمضان(5 سبتمبر) والناس صيام وهذه الاسباب:
1- الوقفه لاتبطل الصيام لانها ليست رجس من عمل الشيطان
2-عندما تدعو ستكون مستجاب الدعاء(عن تجربه خصوصا قبل الافطار)
3-ستكون حدث نادر وفريد مما يعطيها زخم اعلامى رهيب وغير مسبوق
4-احنا مش هنخليها وقفه وبس لا دا هنخليها وقفه وافطار كمان
5- الصيام يدى عزيمه كبيره واكبر دليل نصر السادس من اكتوبر وعين جالوت
6- الوقفه مش هتتعبك لانك مش ضرورى تقف لا ممكن تقعد عادى امام مبنى الوزارة وتروح تصلى وتيجى والاخوه الازهريين يعملوا نفس الكلام امام مشيخه الازهر الى مش هاتقدر ترفض تدى حد حقه فى ليله القدر والا سمعتها هتبقى فى الحضيض
7- سوف تحرج المسؤلين وتبرز لهم الى اى حد احنا طفح بينا الكيل
8- الكثير من المسؤلين ورجال الاعمال يتظاهرون بالتقوى والورع والجود فى ليلة القدر ولو بتابعوا برنامج البيت بيتك سابقا مصر انهارده حاليا هتلاخظوا انهم بيتبرعوا بشقق للناس الغلابا فى حين ان الاولى والاحق رد الامانات لاهلها واعطاء كل ذى حق حقه
بناء على ماسبق لازم تكون الوقفه فى يوم 26 رمضان مع احتفالات مصر والامه الاسلاميه بليلة القدرلاحراج المسؤلين المطنشين
9- حى نديهم فرصه لتثبيت وال نقدر نرتب لاضراب مع اول يوم لافتتاح المدارس

[ABDOURAGAB]

فيه تثبيت وانت دمك خفيف ولازم تقفوا او تفعدوا لمهم في هتثبيت واحمدوا الله

[إيهاب النجار]

المشاركة الأصلية كتبت بواسطة abdouragab

فيه تثبيت وانت دمك خفيف ولازم تقفوا او تفعدوا لمهم في هتثبيت واحمدوا الله

حضرتك مطمئن جداً وواثق مش عارف ليه
طيب طمنا معاك ويكون لك الشكر

[محمود 511]

لازم نكون يد واحده والايام هتثبت نوايا الحكومه ان كانت طيبه ام سيئه وربنا يطلع ظننا خاطأ

[محمدطعيمة]

يا أخوة يا أفاضل
يعني ربنا أكرمكم وصبرتم كل هذا الصبر
مش قادرين تصبروا شوية ساعات وبعدها كل واحد من حقه يقول اللي هو عاوز يقوله

[mmagdy_81]

المشاركة الأصلية كتبت بواسطة عماد الشاطر2010

زملائى واخوانى الاعزاء لابد ان نخرج عن دائرة المالوف والمعروف حتى نصل لحلول ابتكاريه واليكم افضل الحلول:
الوقفه لازم تكون فى26 رمضان(5 سبتمبر) والناس صيام وهذه الاسباب:
1- الوقفه لاتبطل الصيام لانها ليست رجس من عمل الشيطان
2-عندما تدعو ستكون مستجاب الدعاء(عن تجربه خصوصا قبل الافطار)
3-ستكون حدث نادر وفريد مما يعطيها زخم اعلامى رهيب وغير مسبوق
4-احنا مش هنخليها وقفه وبس لا دا هنخليها وقفه وافطار كمان
5- الصيام يدى عزيمه كبيره واكبر دليل نصر السادس من اكتوبر وعين جالوت
6- الوقفه مش هتتعبك لانك مش ضرورى تقف لا ممكن تقعد عادى امام مبنى الوزارة وتروح تصلى وتيجى والاخوه الازهريين يعملوا نفس الكلام امام مشيخه الازهر الى مش هاتقدر ترفض تدى حد حقه فى ليله القدر والا سمعتها هتبقى فى الحضيض
7- سوف تحرج المسؤلين وتبرز لهم الى اى حد احنا طفح بينا الكيل
8- الكثير من المسؤلين ورجال الاعمال يتظاهرون بالتقوى والورع والجود فى ليلة القدر ولو بتابعوا برنامج البيت بيتك سابقا مصر انهارده حاليا هتلاخظوا انهم بيتبرعوا بشقق للناس الغلابا فى حين ان الاولى والاحق رد الامانات لاهلها واعطاء كل ذى حق حقه
بناء على ماسبق لازم تكون الوقفه فى يوم 26 رمضان مع احتفالات مصر والامه الاسلاميه بليلة القدرلاحراج المسؤلين المطنشين
9- حى نديهم فرصه لتثبيت وال نقدر نرتب لاضراب مع اول يوم لافتتاح المدارس

واضح ان حضرتك دمك خفيف.. روح اقف فى رمضان .. ده اللى ناقص اننا نخسر الشهر الوحيد اللى بيجى كل سنه ونضيعوا فى الاعتصامات علشان نبقى ضعنا من النحيتين( التثبيت والاولى لينا شهر رمضان) ما كان قدمنامن قبل شهر 7 جايين نوقف فى رمضان ياخى اتقى الله وارحمونا من الاراء التعبانه ده كفايه الحكومه

[eslamkobessy]

الناس مش هتبقي فاضية تسمع حد نص البلد مشغول بالصلاة والدعاء ةالاعتكاف والنص التاني مشغول بكعك العيد وهدوم العيد بتاعة العيال والاعلام كذلك .
وكل سنة وأنتم طيبين

[mahmoud20002010]

تنمنى ان يكون هناك تثبيت

[تامر سرواح]

يارب على الظالمين الذين يبخسو الناس اشيائهم ويقللوا من جهدهم ولا يعطوهم حقوقهم

[مستر /سامح على عبد العظيم اليمانى]

الواحد مش ناقص ضغطه يرتفع أكتر من كده

[إيمان عبد العزيز]

احنا هنستنى لما يعدى اول تمانية ويا يوفوا بوعودهم يا مش هيسبولنا حل غير اننا ناخده بنفسنا وبشتى الطرق لاننا خلاص زهقنا وكفاية مماطلة بقى ولعب باعصابنا

[ايهاب بدر الدين]

وقفة فى اى يوم مش هتفرق

[طارق حامد2]

مينفعش فى رمضان علشان الناس حتكون متعبه شويه
لو عيزين وقفه يبقى فى بداية الدراسة

[مسيو عاطف]

قبل رمضان افضل حل
بس ده لو مفيش تعيين

[ghoneem84]

التعيين أولا
مفيش تعيين
الوقفة الاحتجاجية
الاعتصام
الاضراب
كل الحلول ستكون مطروحة امامنا جميعا نتناقش فيها ونتفق على رآى واحد
نحدد يوم يكون بالدراسة ويكون بعد بدء المدارس بفترة مثلا اسبوعين حتى نستطيع ابلاغ جميع المتعاقدين بمعاد ومكان ما سنتفق عليه


وان شاءالله
يصدقوا معنا ويعينونا ويكون مفيش آى حاجة من اللى قلتها