مربع الزجل (لو كويس ادخل واكتب)

y/m · #1 12-04-2009, 11:15 AM

الموضوع هيكون خاص بفن الرباعيات
والتى برع كثير من الشعراء بها
ومعنى الرباعيات هو ان تلخص حكاية او حدوتة فى اربع ابيات شعرية
ويالا بينا نشوف مين يقدر يكتب
وانا هكون الاول
.................................................. ............................
(1)
حنبتدى الموضوع رباعى
وحنختمه برضه رباعى
ولجل ماقدر أعيش معاكو
حقى راح اخدو بدراعى

y/m · #2 12-04-2009, 11:18 AM

(2)
يا صيلى الحب قولى ايه الدوا
أنا لسة جديد فى الحب وطبع الهوا
زى الثمر غلى الشجر
نفسى اتقطف ويقول خلاص استوى

y/m · #3 18-04-2009, 09:06 PM

كالعادة مفيش تفاعل

بندق__2007 · #4 19-04-2009, 03:56 AM

موضوع حلو و فكرته حلوة جدا

انا ثبته و يارب يلقى استحسان الناس

شكرا يا باشا على الفكرة الجميلة

y/m · #5 19-04-2009, 09:28 PM

اولا ربنا مع والدك ويشفيه
ثانيا شكرا لك على تثبيت الموضوع

y/m · #6 19-04-2009, 09:31 PM

فى بلدنا غابة مليانة بالبشر
فى يوم صباعى فى زور زميلى انحشر
قلتله اكلت حرام قالى وماله
ما هو الحرام عى بلدنا هو المنتشر

بندق__2007 · #7 19-04-2009, 11:51 PM

من التى سكنت فى قلب وجدانى
من التى قتلت برقتها أحزانى
من التى كانت و لا زالت عنوانى
إنها حبيبتى ... من تسكن أجفانى

أحمـدنجـم · #8 20-04-2009, 12:26 AM

يا مصري فتش جوه نفسك عن حضارة
سبعين تلاف مليون سنة راحو خسارة
دلوقتي ابنك تحت كوبري في ايده كوز
أو يبيع مناديل وفل في 100 إشارة
وعجبي

رباعية نجم المشاعر انتظروا المزيد بإذن الله وشكراً على هذا الموضوع المتميز

الشاعر/محمد علي · #9 20-04-2009, 02:07 AM

يا بت أنا حبيتك
وحلفت أعيش جنبك أسير
حلفت أكون بين العيون مجنون
مجنون جنونى إنى حبيتك

الأستاذة ام فيصل · #10 21-04-2009, 12:52 AM

الكلام بيجيب كلام
والعتاب بيجب عتاب
وانا عندي السكوت
هو قمة الكلام

سبارتكوس · #11 21-04-2009, 02:24 AM

الموضوع راائع ..
هو ممكن تكون حاجه منقوله ..
ولا اقولك .. خليها من عندى أحسن ..
ثوانى بقه افكر ..

عينى على بلد فيها الكل ملعون ..
من الغفير .. لشيخ الغفر .. و العمده مش مضمون ..
و صاحب الحسب والنسب بيقول كلام مش كلام ..
واللى يقول كفايه .. واللى يقول عاوزين ..
يبقى مين فينا عاقل .. ومين مجنون ..

شكرا على الموضوع ...

Sherif Elkhodary · #12 21-04-2009, 11:00 PM

انا كنت ناوي انزلها كقصيدة
بس يلا هنزل ابيات منها هنا
لان موضوعك جميل بجد
و علي فكرة دي للانسان المنافق
بقا معظم اللي في المنتدي كده
------------------------------------
----------------------------------------------
انت تعرف اصلا يعني ايه عبادة؟
مش مجرد انك تمسك سبحة وتمشي بسجادة
توب لربك و اقعد فضفض ليه
و ناديه وقبل النداء هتلاقيه
دعوة لكل المنافقين

_ كفااااية نفااااااااق_

فيفا · #13 22-04-2009, 01:41 AM

وازى هبطل ابكى
وانا قلبى مدبوح
وجروحه لسه بتتنهد
فى كل يوم بيروح

احمد رضا · #14 22-04-2009, 10:32 AM

احـ..لي كلام راح أقوله لشعبنا المكتوم
أحـ..مد رضا لكني مش راضــــــــــــي
ومين دا فينا يرضي الجَلد للمظــــلوم
ويقول ياعم انكتم ما الظلم ده عـــــادى
وعجبي

أحمـدنجـم · #15 23-04-2009, 10:22 PM

(لامك) مخاصمها (الألف) وبتئتلف (نونك) في كلمة (عم)
صلح كمان القفا
بالغ في وقفة صفا
نفسي في ساعة صفا رجليك بقى تنضم
وعجبي