ممنوع دخول الفتاييين

[t123456]

نفسى حد يقولى هيعملوا إيه مع اللى عقودهم مكملتش 3 سنين وهم بالمكافاه الشامله هلى يا ترى هياخدوا مميز ولا هيتجدد على مكافأه شامله برضو ب105
ياريت اللى عنده خبر أكيد يتفضل يقوله
وشكراااااااااااااااااااااااااااااااااااااااااااااا ااا

[أ/أحمدعبد العال]

تقدم أحمد قاسم إبراهيم الموظف بديوان عام وزارة التربية والتعليم ببلاغ للنائب العام ضد أحمد زكي بدر وزير التربية والتعليم السابق والدكتور رضا أبوسريع مساعد الوزير للاتصال السياسي بتهمة إهدار المال العام والتربح وإساءة استعمال السلطة.
وكشف البلاغ عن الفساد الذي كان يحدث في وزارة التعليم منذ أن كان الدكتور يسري الجمل الوزير الاسبق للتعليم، ومنها تستر الدكتور بدر علي قضايا فساد بالمستندات قدمت له في لجنة التعليم بمجلس الشعب ولم يقدمها لأى جهة، ومنها إهدار 2,7 مليار جنيه منحة أمريكية والتي تم الإخلال ببنود الاتفاقية بتوجيه المساعدات إلي جميع المحافظات بدلا من خمسة كما كان ينص الاتفاق مع الدولة المانحة وذلك بتوجيه القائم عليها وهو الدكتور رضا أبوسريع مساعد الوزير .
وكذلك تستر بدر - بحسب البلاغ- على أموال مهدرة في قطاع وحدة التخطيط الاستراتيجي بالوزارة بدليل اختفاء 56 مليون يورو من أموال المنح الأجنبية التي كانت مخصصة لتطوير التعليم في مصر دون أن يتم العثور علي أي مستندات رسمية تكشف بالأرقام عن اوجه انفاق هذه الأموال .
كما تقدم قاسم ببلاغ ضد تخصيص 25 مليون جنيه لتطوير موقع الوزارة الالكتروني والذي تم علي الورق فقط وقد ظهر ذلك حينما ظهرت صور *****ة علي الموقع في مادة الفيزياء .
واتهم البلاغ الدكتور بدر أيضا بتحويل 30 مليون جنيه لوزارة الاتصالات لتوفير أجهزة حاسب آلي بالمدارس لإدارتها الكترونيا بالرغم من حصول الوزارة على منحة أوروبية لذات المشروع إلا أن حجم التطوير لم يتناسب مع حجم التمويل المرصود .
وأما رضا أبو سريع مساعد الوزير فقد اتهمه البلاغ بقبوله تكليف أن يكون نائب رئيس عام الامتحانات رغم وجود ابنته بالصف الثانى الثانوى وهو ما يخالف القبول واللوائح وأدي الأمر إلي حصول ابنة المسئول علي 392 من 410 هي الدرجه النهائية، والامر المثبت بالمستندات، وحصدت الدرجات العظمي في أربع مواد حينما تقدم والدها رئيس عام الامتحانات بطلب إعادة أربع مواد .
وقام رضا كذلك بصرف مكافآت الامتحانات للعديد من الادارات والأشخاص لم يقوموا بعمل فعلي في الامتحانات، بينهم من هم محرومون من أعمال الامتحانات بقرار من النيابة الإدارية

[miss nora2]

انا أطلب من ادارة المنتدى أن تثبت هذا الموضوع
علشان كل اللي عندة معلومة عن هذا الموضوع يتفضل يكتبها

[المريسي]

والله ما حتلقي اي حد عندو معلومة كلها اجتهادات وجرب هاااااااااااااااااااااااااااااااا

[علي عضاضلي]

ربنا يوفقكم ..والله لو اعرف حاجة عن الموضوع ماكنت اتأخرت..

[Observer]

يا أخى عنوان موضوعك مستفز ويجعل حتى من يملك المعلومة لا يقدمها لك
يعنى إيه فتايين؟
ربنا يسهلك أمورك وجميع المسلمين

[mhyo2008]

لايوجد معلومة محددة عن هذا الموضوع ابدا ..........

[اميرة مهران]

معنديش فكرة وياريت اثبات
عموما كلنا عارفين ان كل وزاء التربية السابقون مخطئون جدا والا كانت التعليم بقا حاجة تانية

[t123456]

عفوا العنوان ليس مستفذ ولكن سبق وأن طرحت مثل هذا الموضوع ولقيت ناس بجد بتتخيل وبتنجم وبتقرر وتنفذ واضايقت جدا من الطريقه بتاعتهم فى الفتوى بدون أى علم عن أى شىء فسامحونى إن كنت كتبت عنوان ضايق حد أو زعله ولكن من ضيقتى وغلبى فأنا معلم مساعد بالمكافأه الشامله ولم أكمل ال3 سنوات ومرتبى 105 ومتزوج ومخلف و و و و و و و و و و و و و و
أقول إيه ولا إيه ولا إيه
عارف إن فيه اللى حاله أسوء منى ولكن
أقول حسبى الله ونعم الوكيل فى كل ظالم

[هدايه 1]

هيتثبتوا علي معلم مساعد لحين استكمال المده

وهذه المعلومه من اشخاص مسئولين في الاداره

[t123456]

طب حضرتك صاحبه الخبر المفرح ده تبع ادارة ايه

[هدايه 1]

إدارة الحسينيه - شرقيه

[t123456]

يارب الكلام ده يكون حقيقى فى الغربيه ليكى الحلاوه بتاع السيد البدوى

[soma elsaied]

الواحد فى الايام دة يتوقع أى حاجة

[Observer]

المشاركة الأصلية كتبت بواسطة t123456

عفوا العنوان ليس مستفذ ولكن سبق وأن طرحت مثل هذا الموضوع ولقيت ناس بجد بتتخيل وبتنجم وبتقرر وتنفذ واضايقت جدا من الطريقه بتاعتهم فى الفتوى بدون أى علم عن أى شىء فسامحونى إن كنت كتبت عنوان ضايق حد أو زعله ولكن من ضيقتى وغلبى فأنا معلم مساعد بالمكافأه الشامله ولم أكمل ال3 سنوات ومرتبى 105 ومتزوج ومخلف و و و و و و و و و و و و و و
أقول إيه ولا إيه ولا إيه
عارف إن فيه اللى حاله أسوء منى ولكن
أقول حسبى الله ونعم الوكيل فى كل ظالم

ربنا يسهل لك جميع الأمور
ويوسع علينا وعليك
آمين يارب العالمين