|
#1
24-02-2011, 07:45 PM
|
|||
|
|||
خواطر اب الى ابنائة ابطال الثورة
انا لست شاعر انما هى خواطر 
|
|
#2
26-02-2011, 12:33 AM
|
||||
|
||||
|
اقتباس:
نورت هذا القسم لكن من الأفضل تنزل الصورة والخاطرة فى نفس الصفحة أمام كل الأعضاء - دا بيكون أسهل لهم فى التعليق
__________________
Minds, like parachutes, only work when opened 
|
|
#3
26-02-2011, 10:03 PM
|
|||
|
|||
|
عجوز بيتحسر اول مرة اتحسر على شبابى اللى ضاع ايام حسنى و اصحابة و راح هدر اول مرة اتمنى ارجع شباب و اقول لا من غير خوف و لا جبن و لا حذر اول مرة احس انا ظلمت نفسى مش اللى ظلمنى القدر اول مرة اكرة نفسى لانى ما قلتش للظالم ارجع وبلاش ظلم اول مرة اكرهك يا ريس بعد ما كنت بحبك حتى فى الحلم اول مرة افهم سياسية و اعرف يعنى لية معنى الظلم طول عمرى ماشى جنب الحيط بدور على لقمة لي و لعيالى ادور على هدمة و غرفة تلمنى انا ومرتى و عيالى كنت فرحان ان لى فى البنك كام الف بعد طول حرمانى بعد الثورة احتقرت نفسى احتقرت اصحابى و كل اجيالى لية احنا صبرنا و خوفنا من الرصاص و حفظنا كلمة و انا مالى كرهت ايامى الاولى لانى رضيت بالظلم لى و لاهلى و لكل اصحابى ندمت كل يوم حبيتك فية لانك نهبت البلد انت و اصحابك نسيت ان فية رب شايف ويمهل و يعطى فرصة تراجع كل احوالك الشيطان لعب بيك و خلاك تنسى انك مش مالك مالك و انك هتكون بين ملكين و القبر ضيق ومش هتغير اقوالك نسيت ان الظالم لية يوم تترد فية المظالم ابيض على المظلوم و اسود على كل ظالم جبيت شوية حرامية خوفوك منا زى ما نكون احنا حرامية حبيب اللى مش حبيب و شريف اللى مش شريف و عز ملك البلطجية باعوك و نسوك انك مقاتل و طيار و كنا بحبك حب الابوية كرهتنى فى نفسى لانى مش شاب و اتحسرت بعد ما شفت فى التحرير الشباب شفت العزيمة و شفت الشجاعة و حاجة تشرح الاباب خليتنى اندم انا قلت عليهم شوية عيال ومفيش عليهم لوم ولا حتى عتاب اسف يا الاودى طول عمرى ادرس طلاب سقناهم شراب الجبن و الاستكانة و علمناهم ان حب الريس و اولادة و تقبيل السيدة الاولى هو الكرامة علمناهم ان البعد عن السياسة و الصلاة بعيد عن الاخوان فية السلامة اسف خوفتكم من الحاج ممدوح و الاستاذ محمد عبد المنعم بتوع امن الدولة ولا عمى ريان لما يبص من تحت النظارة و زى ما تكون البلد خربانة خوفت الطلاب منهم لانهم خوفونى حذرت الطلاب منهم لانهم حذورنى اسف يا اولادى بعد الخمسين هل ممكن ارجع اقف فى التحرير هل ممكن افرش الرصيف و اتغطى مع اتنين و انسى نوم السرير هل ممكن اهتف و اقول الشعب يريد اسقاط النظام هل ممكن اهتف و اقول الشعب يريد تطهير البلاد هل ممكن اشوف الرصاص من القناصة و اثبت مكانى اة ليت الشباب يعود يوما لاذهب الى التحرير و انام مع الاولاد و الشباب و نحكى و نشيل اللى هيموت و نداوى المجروح ونسقى العطشان ونغطى البردان و نتسامر مع الشبان اسف يا اولادى ظننت بكم ظن مش معقول قلت دول بياكلوا كنتاكى و اللى يروح ياخد فلوس اسف للمرة الالف انا عايز محاكمة لانى لم اكن معكم عايز اعدام لانى لم ارسل ولدى يناضل معكم عايز حرمان من اكل الحرية لانى مكنتش بسمعكم. الاستاذ/سمير فهمى معبد مدرس اول لغة انجليزية مدرسة احمد عبد الرحيم ث بنات القوصية-اسيوط آخر تعديل بواسطة samir Meabed ، 26-02-2011 الساعة 10:08 PM
|
|
#4
27-02-2011, 03:49 PM
|
|||
|
|||
|
وهذة خاطرة اخرى
اللى بيحصل فيك ولا حاجة اللى بيحصل فيك يا مصر خلى الحجر يتكلم و فاكر ان الكلام احسن واى كلام من غير فائدة يبقى قلة الكلام فية احسن نفسى عواجيز الزفة ويقضوا بقية عمرهم فى الجامع يكون احسن سيبوا الشباب اما تغرقنا ام تنقذنا و الاتنين بالنسبة لينا هتكون احسن كفاية اللى اتعمل و انتوا قاعدين تجمعوا المليارات و فاكرين ان دة احسن مفيش حد قال لكم كفاية سرقة و ان القناعة حتى فى السرقة احسن لكن الشيطان تمكن منكم و ضحك عليكم و لما و قعتوا طلع لسانة و قال كدة احسن و هو مش غافل بس انتم كنت بعيد عنة و فاكرين الحج و العمرة بفلوس حرام احسن وفية ناس من الجوع قالت ننام النوم بالنسبة لهم احسن ***** ندمت يا ريس انى فى يوم من الايام حبيتك و عايز تمن حبى ليك قلت هو شبع مش هيسرق و اتارىبتعبى انت و كل اللى حواليك فضلت تسرق انت والى معاك و مفيش حاجة مالية عنيك مفيش مرة قعدت بينك و بين نفسك و قلت ان الشعب مش عايز افعالك يا راجل انت كنت فاكر ان الدنيا هتبقى ليك طول العمر و من بعدك لاولادك و الله حرام مش عارف هتقابل ربنا ازاى و ازاى ترد على الملكين من كتر افعالك الله يلعن كل يوم حبيتك فية و زعلت من الشباب اتارى هم من بحرى و عارفين كل اموالك **** احنا فى الصعيد همنا البيت ياخد سبعة ارغفة و ياكل عيش بتاوا اللى بقى مش موجود كنا بنفرح لما تزودنا كام ملطوش و بطرس بتاعلك يسممهم علينا و يخليهم سود يفضل يقول مفيش مفيش سبحان الله نسيتوا ان الرزاق اللى بيرزق موجود يعطى الناس بلا حساب و يخليهم يصرفوا الفلوس فى الحرام و الحرام عندهم مالوش حدود رقصات و مطربات و مليارات تتصرف عليهم و النبى دى حاجة تغير الدم و تحرك الحجر ***** قلنا نحب الريس يمكن يدينا حاجة خفنا نتكلم احس الجماعة اياهم يعرفوا حاجة و من غير تهم ممكن يلفقوا لينا اى حاجة رحنا نتوظف قالوا شهادتكم طظ هى ولا حاجة لازم تدفع فلوس و الواسطة دى اهم حاجة رتبة كنيرة و لا مستشاريدخل نفسة فى كل حاجة اسال اى ظابط رحت الشرطة ازاى يقول دفع فلوس و كام حاجة فى الجامعة قل للمعيد مين خلاك معيد تلاقية مش عارف حاجة اسال وكيل النيابة بقيت وكيل ازاى يقول دفعت لفلان حاجة البلد كلها كانت فى ايد الشلة اياها و احنا ولا حاجة حتى اللى عملوا الثورة مفسدين بس مخدوش كل حاجة لما اختلفوا اللصوص طلعوا لبعضهم كل حاجة ***** و لسة يا ما هنشوف و كلة ع المكشوف ارحمونا يا ناس عايزين شوية هدوء مش كل شوية غليان انتم ما صدقتم المهم الفلوس ترجعو يحس بيها الغلبان خايف الكبار ياخدوهاو هم عارفين اللف و الداورن عايزين نشوف الشعب ونحل له مشكلة الاكل و الاسكان و نشوف المنافقين و الحرامية نايمين مع السجان و ننادى السياح يزورا مصر و ناخدهم للميدان اوعى يارب تخيب ظنى و ترجع الحرامية للى الكان اقبل دعائى تنجح الثورة و لا تشمت فى انسان الكل خايف ان الدايمقراطية تكون نكبةع الغلبان ياخوانى انا مش شاعر اناكنت فاكر انى انسان اتارينا و لا حاجةو الموت افضل للى قعد ثلاثين سنة جبان خايف يقول حاجة ويقول للظالم كفاية ظلم يا حيوان يا ريت حيوان كنت حيوان كنت هتنعر لماتكون جوعان اوعى يا صاحبى تقول كل شى لة مواعيد ولية اوان و نسيت ان ربنا بيقول هو مش هغير غير لما يتغير الانسان والشاعر اللى قال اذا الشعب اراد الحياةهيستجيب القدر اعدو معايا ان الرب يقبل دعانا و ينصرنا و السلام آخر تعديل بواسطة samir Meabed ، 27-02-2011 الساعة 03:51 PM
|
|
#5
27-02-2011, 07:50 PM
|
||||
|
||||
|
بجد جميييييل اوى
اكتر ما عجبنى وضوح الصدق والصراحة مع النفس بجد شكرا لحضرتك
|
|
#6
28-02-2011, 12:56 AM
|
|||
|
|||
|
شكرا لحضرتك كتير
|
|
#7
06-03-2011, 06:27 PM
|
|||
|
|||
|
يا ريت بعض من يلعب بدم الشهداء يسكت شوية انا واثق ان بعض الناس بتاجر بدم الشهداء و ان بعض الامهات مش عارفة يعنى اية شهداء بلاش تلعبوا باعصاب الامهات اتركوا الشهداء عند ربهم و خلونا فى الهم اللى احنا فية الناس بداءت تمل و اسالوا عامة الشعب مش اللى عندهم نت انا 90%من طلابى مايعروف من هو وائل غنيم و ليس لديهم نت و اكلام دة ممكن اى واحد يعمل مسح على القرى و الاماكن الشعبية و شوف الناس عايزة اية
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:33 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
