|
اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
![]() |
|
أدوات الموضوع | انواع عرض الموضوع |
#1
|
||||
|
||||
![]() سلام عليكم انا طالب للاسف فى الثانوية العامة فى تالتة مجموعة فى تانية الحمدلله عالى فوق ال 98.5 نفسي امنية جياتى و امل اهلى كلهم قريب و بعيد ماعدا اللى ما بيحبوليش الخير منهم انى ادخل طب انا نفسي فى كدة فعلا لكن دة مستحييييل انا مستوايا وحش جدا السنادى علما بانى والله جايب مجموع السنة اللى فاتت بمجهودى و ماغشيتش حتى فى المواد اللى مش فى المجموع مسوتايا مش راضي عنه ... وصعبان عليا اهلي اللي هيتصدموا ... و صعبان عليا حياتي اللى هتبوظ لو لا قدر الله المجموع ما جابش طب انا عارف نفسى طموح جدا بس للاسف بستسلم للاحباط جدا و بمجرد ما افشل مش هيبقى ليا نفس للحياة بصراحة كدة انا علمي علوم يعنى طب و اسنان و صيدلة .. بحب الاولى و بكرة الاتنين التانين و مفيش مجال انى ادخل حاسبات اللى ممكن احبها اواى حاجة يا جماعة انا كرهت حياتى حد يقولى اتصرف ازاى ؟؟ اخد دوا اكتئاب لا اعمل ايه؟؟ انا كرهتنفسى و ولا ان الانتحار حرام ماكنتش اتأخرت ربنا يسترها |
#2
|
||||
|
||||
![]() اقتباس:
مستواك وحش ليه يعنى .....................؟ يعنى نبقى جايبين أكتر من 5 .98 _ بسم الله م شاء الله _وخايفين ل مندخلش طب لأ إحنا نعمل إللى علينا السنادى ونموت نفسنا الشهر إللى فاضل ونسيبها ع الله ي جت _ وده إللى حيحصل إن شاء الله _ خلاص يبقى الحمد لله ي م جتش _ لا قدر الله _ ويبقى برده الحمد لله أكيد ربنا كاتبلك حاجه أحسن لا تيأس من رحمه الله وتوكل عليه بالتوفيق لك ي أخى ![]() ![]()
__________________
<( If You Can Dream It ,, You Can Do It )>
|
#3
|
||||
|
||||
![]()
من خبرتي ف السنة اللى فاتت اقولك ان لازم عشان الواحد يعدى فى مجموعه
لازم يكن بيراجع طوةل السنة و حافظ كويس جدا وياريت بالنص انا لاني ما راجعتش طول السنة..قبل المراجعة.. مذاكرتي بتاخد وقت و بنسى جدا): |
#4
|
|||
|
|||
![]()
بص انا اصغر منك وفي تانية وحضرتك بقيت مثلي الاعلى
انا بذاكر من اول السنة وجيت اخر 3 شهور وخربت خالص بدأت افوق وارجع انام شويا وهكذا بس عمري ما هيأس ان شاء الله فالحالة دي عندنا كلنا ايوا بطول مع ناس كتير لكن ان شاء الله تتغلب عليها ماشاء الله عليك انت متفوق اوعى تضيع نفسك على 3 اسابيع تطير بيهم حياتك كلها افتكر شكل اهلك يوم النتيجة وفرحتهم بيك عارف ان الكلام ده اتقلك كتيير لكن طبقه مش تقراه وخلاص صمم من جواك دول 3 اسابيع بقا تعبت سنتين وعايز تبطل على كام اسبوع خطوتين وتوصل لحلم حياتك في حد حسدك استعيذ بالله وذاكر وان شاء الله تدخل الطب
__________________
يارب وفقنا كلنا (ومن يجيب المضطر اذا دعاه ويكشف السوء) |
#5
|
|||
|
|||
![]()
ياريت الامل ف ربنا يبقى كبير عشان يوفقك
والامل ضرورى جداااا وياريت تعمل اللى عليك وربنا يسهل |
#6
|
||||
|
||||
![]() اقتباس:
|
#7
|
|||
|
|||
![]()
سبحان الله انا عندي نفس مشكلتك بالظبط كل اللي حصل معايا انا فعلا دلوقتي مستوايا غير السنة اللي فاتت لاني مريت بظروف صحية صعبة جدا لمدة 4 شهور من شهر 1 الي 30/4 بالظبط حتي اللي خفيت الحمد لله المهم دلوقتي ادعو ربنا كتير قوي انه يقف جنبك وماتخفش وبعد كدة راجع المواد قسمها بحيث تعمل فصل من كل مادة سيب العربي دلوقتي واعمله من اول 6 المهم ركز في باقي المواد وحل امتحانات كتيرة جدا ولو معرفتش سؤال ارجع للدرس نفسه واحفظ الاجابة كويس وعموما الحمد لله جدول السنة دي كويس يعني 9 ايام قبل الفيزيا تقدر تحفظ فيهم المنهج كويس قوي والاحياء بردو
اوعي تخلي الشيطان ياثر عليك وان شاء الله هتدخل طب وتفرح اهلك |
#8
|
||||
|
||||
![]()
يا جماعه انا حاسه انى انا مصطفىسالم ومرام احمد بصوا انا ضايعه جدا وكل ما افكر اكتب بصراحه بكسل اوى المهم انا السنه اللى فاتت جبت 96% المهم حاسه السنه دى انى مش قادره خالص اذاكر مع انى بجد والله انا اول ما يكون فى عليا امتحان فى الدرس بجيب اما الدرجات النهائيه او انقص اكتر حاجه درجه واحده فى اى ماده حتى الفيزياء انا علمى علوم السنه دى الكلام ده لكن بالرغم من انى لازم اذاكر كتييييييييير السنه دى بس فعلا مش قادره بضيع طوووول الوقت قدام التليفزيوون او سعات النت ومش بذاكر تقريبا اكتر من 2يوميا بادخل اودتى علشان ابدأ مذاكره اقعد اقلب فى كل كتاب شويه ومباذاكرش طب اعمل ايه قولت خلاص هبدا فى شهر 4 جد الجد ولحمد لله خلص 4 من غير مااعمل ولا اخلص اللى كنت عاوزاه قولت هبدأمن شهر 5 وان شاء الله هبدأ اخلص مش قاعدلى كتييييييير وسبت درس علم النفس ودرس الانجليزى ودرس الاحياء ومع ذالك مشااكل فى كل مكان والبيت فيه اكبر المشاكل مشاكل اتعقدت بين بابا وماما وانا واخواتى لكن خلالاص ربنا لوحده اللى يعلم بيا والله العظيم انا حاولت انتحر وكنت هشرب شريط مضاد حيوى كله لكن فى حاجه الهيه منعتنى من كده وشربت حبايه واحده بس مع ان الحمد لله علاقتى بربنا كويسه اوى لكن مش طايقه الدنيا ولا طايقه الحياه بحس انا انا فى حاله ميئوس منها يارب ساعدنى والله العظيم ربنا لوحده اللى يعرف انا بكتب الكلالالالام ده وانا حالتى ايييه وبعيط ازاى وخايفه جدا على حال مصر الللى شكلها بتضيع وبتغرق واحنا واقفين مكتوفى الايدى بنتفرج عليها وخايفه احسن مايكونش فيه جولة اعاده لانتخابات الرئاسه يعنى اللى هيفوز فى الجوله الاوله خلاص مش هيعيدوا مش قصدى خايفه على الرئيس انا خايفه احسن يلغوا الفتره بتاعت الاجازه اللى فيها الجوله التانيه اللى هى بعديها هنمتحن فيزياء من يوم16-6-2012 الى 20-6-2012 ياجماعه ادعوووووووووووولى ان ربنا يكون معايا ويصلح حال البيت بتاعى ويكرمنى السنه دى
|
#9
|
||||
|
||||
![]() اقتباس:
|
#10
|
||||
|
||||
![]()
ع فكره يا مصطفى انا زيك بالظبط
جايبه مجموع حلو الحمدلله السنة اللى فاتت بس خايفة مش اجيبه تانى السنة دى مستوى مذاكرتى ف النازل ![]() وكل شويه اشجع نفسى انى اذاكر وبرجع زى الاول واوحش من الاول كمان ![]() يارب عدى الثانويه ع خييييييييييييييييييييييييييير خير ان شاء الله يا جماعه باذن الله هنحقق احلامنا
__________________
إنْ گـانْ هنّـاگ ˛أمنّياتْ جَمّيلـۃ فيّ حيَـاتيّ فـ [ رضَـا ربيّ } ; هَيّ أجمّلهَـا♥ |
#11
|
||||
|
||||
![]() اقتباس:
هى داخله تفضفض مع إخواتها ... تقوم إنت تغلس بالطريقه دى ع فكره أنا مضايق منك جدا ع أسلوبك الوحش ده ي رب يفرج همك ويزيح عنك كل غم وتقدرى تذاكرى أحسن من كده وتحققى أملك
__________________
<( If You Can Dream It ,, You Can Do It )>
|
#12
|
||||
|
||||
![]()
ميرسىىىى جدا تبقى تعالى كل يوم
|
#13
|
||||
|
||||
![]()
لا يا خالد اوعى تزعل منى انا مقدرش على زعلك ولو عايزنى اعملها موضوع عشان اعتذر فيه معنديش مانع .....
|
#14
|
||||
|
||||
![]()
انا اسف ليس لى غير هذا القول
|
#15
|
||||
|
||||
![]()
ممكن اسالك سؤال يا خالد هو انا رجعت زى الاول يعنى رجعت حسن يونس انا خايف اكون اتغيرت وخايف اكتر علاقتى بالاعضاء تبقا وحشة بس والله انا ما قصدى ازعل حد بس للاسف هى دى طبيعتى
|
![]() |
العلامات المرجعية |
|
|