هــــام جدا لجميع متعاقدى الازهر الشريف

[ahk15]

السلام عليكم و رحمة الله و بركاته
يا جماعة انا شايف ان الازهر الشريف و الدكتور احمد الطيب مهمشين دور المتعاقدين فى الازهر
و عشان كده يا جماعة انا من رأى المتواضع اننا لازم نبين لهم اننا قوة فى الازهر و ان العملية التعليمية تتعطل فى حالة اعتصامنا
عشان كده انا بقترح ان بعض الاخوة من معلمى اللغة العربية يكتبوا وثيقه بطريقة منظمة نقول فيها ان فى حالة عدم تثبتنا قبل بداية العام الدراسى هانقوم باعتصام مفتوح و مش هانطلع الفصول
طبعا يتم الكتابة بطريقه منظمة و بلغة عربية سليمة
و يتم نشرها على النت و يتم طباعتها و توزيعها على جميع معاهد الجمهورية و يتم توقيعها من قبل جميع المدرسين المتعاقدين و تقديمها لشيخ المعهد و رفعها لمديرين المناطق
عشان يعرفوا ان العملية التعليمية بالازهر الشريف بدون المدرسين المتعاقدين تعطل تماما
و الله الموفق
يا جماعة لو ماحصلش اى جدية و تكاتف بين جميع المتعاقدين عمرنا ما هانتثبت
شوفوا اخوانا فى التربيه و التعليم و فى جميع المؤسسات الاخرى
عايزين نبقى رجالة
مستنى الردود و التنسيق

[أحمد سعيد عبد العظيم]

معك في كل كلمة بس لازم نستغل موضوع التجديد لصالحنا
لا تجديد .......لا بديل عن التثبيت

[ام جنى]

احنا لسه هنستني العام الدراسي فين كرمتنا لما نجدد العقد بدل مانستلم جواب التثبيت

[مدرسة انجليزى مخنوقة]

انتواااااااااا فين يا بتوع الازهر فوقوا انتوا هتصحوا امتى ماهو الازهر ما فيهوش رجالة فين جبهة معلمى الازهر المتعاقدين متوا واللا ايه واللا يمكن خدتوا ان بتوع التربية والتعليم يعملوا الخطوة وانتوا تتفرجوا على الجاهز خليكوا هما اتثبتوا وانتوا جددوا ماهو الازهر ما فيهوش رجالة

[اسامه سنجر]

ارجو من العضوة(مدرسة انجليزى مخنوقة) ان تختار الكلامات المناسبة وتكون فية لياقة فى الكلام بالعكس احنا رجالة وان شاء الله الايام الجية هتبقى جحيم على شيخ الازهر

[sherifkhattab]

ندااااااااااء الى الازهرية النايميييييين . حرام عليكوا فئوا بئه كفاية ذل . موعدنا الاحد 14/8 امام منطقة الغربية لدفع الظلم البين والواضح وضوح الشمس.

[صفوت حمادة]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عادل الطويلة]

المشاركة الأصلية كتبت بواسطة مدرسة انجليزى مخنوقة

انتواااااااااا فين يا بتوع الازهر فوقوا انتوا هتصحوا امتى ماهو الازهر ما فيهوش رجالة فين جبهة معلمى الازهر المتعاقدين متوا واللا ايه واللا يمكن خدتوا ان بتوع التربية والتعليم يعملوا الخطوة وانتوا تتفرجوا على الجاهز خليكوا هما اتثبتوا وانتوا جددوا ماهو الازهر ما فيهوش رجالة

ايه اللى عرفك يا مدرسة يا انجليزى يا مخنوقة ان الازهر ما فهوش رجالة

على فكرة احسن رجالة فى الازهر ..........

[emadomda]

المشاركة الأصلية كتبت بواسطة مدرسة انجليزى مخنوقة

انتواااااااااا فين يا بتوع الازهر فوقوا انتوا هتصحوا امتى ماهو الازهر ما فيهوش رجالة فين جبهة معلمى الازهر المتعاقدين متوا واللا ايه واللا يمكن خدتوا ان بتوع التربية والتعليم يعملوا الخطوة وانتوا تتفرجوا على الجاهز خليكوا هما اتثبتوا وانتوا جددوا ماهو الازهر ما فيهوش رجالة

انتى اللى راجل ونص

[مسعد محمد السيد]

ربنا ياخدكوا يا ازهرية يا نايمين

[ابناء الصمت]

اللهم وفق كل احبابنا فى البحيرة والغربية اهل الكرم وقنا والسويس بؤرة الثورة المصرية واهلنا فى سوهاج والمنوفية و كفر الشيخ وكل محافظات مصر لازم يسمعوا صوتنا وليعلم كل مسئول فى الازهر ان يوم الحساب سيأتى والله الذى لا اله الا هو لن ينجوا احد من المسائلة القانونية امام المحاكم مثل مبارك من اصغر قيادى حتى اكبر قيادى وهى نفس سياسة طنش التى زرعها مبارك وقام عليها الازهر ولو نلاحظ ان شيخ الازهر يعلم بكل شئ ومع ذلك لا يحرك ساكنا ويتبع نفس خطوات النظام السابق ويوصى المناطق بازلال الغلابة المتعاقدين ويهتم فقط بالولاد امام ماسبيرو لانه يخشاهم . ترى هل ينتظر شيخ الازهر ان نرسل شكاوى الى المجلس العسكرى او البابا شنودة اوالدكتور عصلم شرف وان كان شيخ الازهر غير مسئول عما يحدث من ذل واهانة لنا نحن المتعاقدين فلما لا يتحرك ويطلب بشكل حازم حقوقنا

[ahk15]

عايزين مدرسين لغة عربية يبداو على صياغة المنشور اللى هانوزعه على جميع المعاهد و يا ريت قبل ما نوزعه اخوانا خريجى الشريعة و القانون يقولوا ردهم و يقوموا بتعديل المنشور عشان يكون منشور قانونى
بس يا جماعة بسرعة شوية
انا عن نفسى هاوزعه فى بورسعيد و اخواتى المدرسين فى معاهد بورسعيد موافقين على الفكرة بس يا جماعة يالا نبتدى الشغل و بسرعه لسة تقريبا شهر على الدراسة
و الله الموفق

[ahk15]

انا بحى كل الاعضاء اللى شاركو فى الموضوع
و خصوصا الاخ ابناء الصمت
يالا يا جماعة فين مدرسين اللغة العربية
عايزين نبتدى الشغل و ربنا معانا

[الشوكي55]

والله الواحد مخنوق يعنى انا خريج تربيه وتعليم ايه اللى رمانى الرميه السوده دى كان زمانى متثبت ومرتاح ولا وجع القلب بتاع الازهر ده حسبى الله ونعم الوكيل فى شيخ الازهر

[ahmed.www]

هو مفيش فى الأزهر الا التثبيت زهقنا من الكلام ثبتوهم او ارفدوهم