محتارة بين طب المنصورة و القصر العيني ...

[nany ashraf]

يا دكاترة أنا فعلا محتارة جدا و مش عارفة أعمل إيه ؟؟؟
أنا حاليا جالي في التنسيق و بناء على التوزيع الجغرافي طب المنصورة ، و أنا نفسي أحوّل لطب القصر العيني ...
و الآراء حواليا كتير أوي
فيه ناس بتقوللي القاهرة طبعا أفضل ، كفاية الدكاترة هناك ، متعاطفين مع الطلبة مش زي بتوع المنصورة متعنتين و صعبين مع الطلبة ، و كمان كفاية الحالات الكتيرة اللي بتمر على الطلبة في القصر العيني و علشان كدة دكاترة القصر العيني بيكتسبوا خبرة حتى أثناء الدراسة ، علاوة على إني سهل أجيب تقدير فيها ...

و ناس تانية قالولي ، لا طبعا طب المنصورة ليها مستقبل عن القاهرة ، و هي دلوقتي في الطليعة بعد ما أخدت شهادة الاعتماد ، و كمان الدكتور اللي بيتخرج من المنصورة بيبقى دكتور صح ، لأنه عانى كتير ، مش زي بتاع طب القاهرة اللي كان بيجيب تقدير بسهولة ...

حد يفيدني أرجوكم ... و رجاء خاص أي حد يقرأ الموضوع و عنده أي معلووومات يرد عليا ، مع العلم إني جايبة 100% و مجموعي عادي ينفع طب القاهرة ...

[أنين الأنين]

انا زيك بالضبط واتقالى نفس الكلام بالضبط
صلى استخارة اولا
ثانيا لو هترتاحى انك تعيشى فى القاهرة أوكى خلاص
اما لو مبتحبيش تتغربى وكده يبقى المنصورة افضل
انا معاكى المنصورة صعبة فعلا بس كلية محترمة
انا ان شاء الله ناوية المنصورة ومتوكلة على الله
فانتى شوفى نفسك وبرده شوفى آراء تانيه
وربنا يوفقك

[nany ashraf]

ميرسي على الرد يا أنين ...

[Ameen333]

كلمه حق:
انا طالب في قصر العيني
مكان عظيم والاساتذه ناس محترمين جدا وبيشرحو بضمير ويكفي ان انت اللي بتحدد تحضر لمين لان مفيش غياب في المحاضرا
وهتلاقي طلبه شداد جدا جدا
واوئل جمهوريه وعرب بياخدو دروس
يعني متتوقعش ان تكون الامتحانات سهله
لكن لو انت شاطر محدش هيقف امامك انك ترتب لان الحقيقه مفيش تمييز حتي الاوائل عندنا مش اولاد الدكاتره الخلاصه هتاخد حقك
(يمكن تكون كل المميزات دي موجوده في المنصوره لكن انا بتكلم عن اللي اعرفه)

[mohamed marey mabrouk]

القصر العيني وتوكلي وهي مش غربة ولا حاجة وفي بنات كتير مغتربات من الصعيد كمان

[سلوى25]

اومال هو طب اسكندرية ايه نظامه فى الكلام دا كله ؟