مبادىء الأنسجة الملساء - مدارس العلاج اليدوى

[DPT-Blue Phoenix]

#مبادىء_الأنسجة_الملساء Soft tissue principles
#Therapeutic_Massage
#مدارس_العلاج_اليدوى

-- الاول مادة ال soft tissue principles .. هى مادة بتدرس فى الترم التانى عليها 100 درجة .. وهى تعتبر زى تكملة للعلاج اليدوى ..

اتكلمنا عن التمارين العلاجية والعلاج اليدوى وهى مكملة فى الترمين وعليها فى كل ترم 100 درجة يعنى الاجمالى 200 درجة ..

ونفس الكلام فى الاختبارات والمقاييس عليها 200 درجة 100 درجة كل ترم ..

------------------

#ملاحظة كلمة Soft tissues : tissues that connect , support or surround other structures and organs of the body , not being bone

They include : Muscles - Nerves - Blood vessels - fat and synovial membranes - Fibrous tissues - Skin - Fascia - Tendons - Ligaments

مادة مبادىء الأنسجة الملساء دى عبارة عن 7 شباتر .. أول 4 شباتر هما الى تبع مجالنا فعلا #العلاج_الطبيعى اما باقى الكتاب بيعرفك عن بعض وسائل #العلاج_التكميلى وكلها مدارس من #الطب_الصينى طبعا مش دا مجالنا لكن انت بتعرف عن باقى مدارس العلاج اليدوى معلومات لأن فى حاجات مشتركة بينا وبينهم ..

------------------

1- الشبتر الأول .. Scientific back ground .. دا بيديلك خلفية علمية عن الجلد skin وعن الفاشيا Fascia وعن العضلات muscles والانسجة المحيطة بالعضلة .. هيكلمك ازاى ممكن تحصل اصابة فى الفاشيا دى وازاى ممكن تتكون ال triggers point وهيكلمك شوية عن التركيب الهستولوجى ل connective tissues واخيرا عن ازاى بيتكون حاجة اسمها التليف fibrosis ..

2- الشابتر الثانى .. عبارة عن تكملة للشبتر الأول هيتكلم بشكل مفصل عن Trigger points وتعريفها وال pathophysiology بتاعها ازاى بتتكون تفصيلا شوية وانواعها وازاى واعراضها symptoms وازاى تكتشفها physical findings وطرق علاجها Treatment .. وهيتكلم عن بعض المشاكل الى بتصيب العضلات وتعريفها الى هى Muscle spasm - Muscle Tension - Muscle Deficiency ..

3- الشبتر الثالث .. يعتبر تكملة برده اسمه Trigger point management .. ودا بقى شبتر كله عملى ازاى تعالج ال trigger points دى .. بوسائل اسمها ال Myofascial release والضغط ومنها وسائل سطحية superficial ومنها وسائل للانسجة العميقة deep .. ومن التكنيكس دى حاجات اسمها j-stroke - Skin rolling دول وسائل علاج للأنسجة السطحية

اما وسائل لعلاج الانسجة العميقة زى progressive pressure - Srumming - Scar release - وعندنا حاجات زى ال Spray and stretch وزى ما اخدنا فى الهيدرو الاسبراى دا بيطلع مواد عشان تعمل تبريد للأنسجة .. وانت ممكن هنا بتدمج الوسائل اليدوية دى مع الحاجات الى اخدتها قبل كدا زى الحرارة زى التبريد زى الاستثارة الكهربية وغيرها من وسائل العلاج الطبيعى ..

4- الشبتر الرابع .. يعتبر برده كتكملة بعنوان Medical ( Therapeutic ) Massage .. هتعرف بقى يعنى ايه المساج العلاجى وازاى استعمله دا كلمة عامة على فكرة .. فهتعرف بعض الانواع وازاى استعملها فى علاج المشاكل الى فاتت دى مع باقى الوسائل طبعا ..

----------------------------------

--- فى اثناء فترة دراستنا فى الكلية بناخد فكرة عن باقى مدارس العلاج اليدوى الى من ضمنها #الطب_الصينى دا مش مجاااااااااالنا لكن انت بتعرف عن المجالات دى لأن فى اجزاء مشتركة بين كله تمام كدا ؟!

5- الشبتر الخامس .. عبارة عن حاجة اسمها Acupressure .. ودا عبارة عن نقط معينة فى الجسم زى ما بيقولوا فى الطب الصينى بتضغط عليها عشان تحقق اهداف علاجية معينة .. زى ما بيسموها نقط الطاقة وقنوات الطاقة والكلام دا او Acupuncture .. ودا انك تحط الابر الصينية فى الأماكن دى ..

6- Reflexology .. دا بقى بيقولك برده ان فى نقط فى الجسم متجمعة فى الكفين والقدمين والقدمين بشكل خاص وليها ترتيب معين انت بتضغط عليها عشان تعمل تاثير فى مكان تانى فى الجسم برده قائمة على فكرة نقط طاقة وقنوات طاقة فى الجسم وكدا دى كلها نظريات تابعة للطب الصينى ..

7- Shiatsu ( Shaitzu ) Therapy .. دا برده من ضمن اساليب الطب الصينى الى بتستعمل وسائل تانية للضغط على اماكن معينة للجسم بس بطرق مختلقة عن ال acupressure ..

------ متقدرش تقول ان الكلام دا كله مش حقيقى يمكن النظريات هى الى غريبة ويمكن النظريات مش مظبوطة فى عدد كبير جداااااا من النظريات لتفسير الكلام دا منها نظريات احنا درسناها زى ال Gate Control theory .. لكن كلها تبقى نظريات بتحاول تفسر .. لكن دا ميمنعش ان الوسائل دى جابت نتائج وعالجت ناس كتير اقصد على وسائل الطب الصينى يعنى .. لكن طبعا المفروض الى يمارسها ناس مختصة ودرست سنين فيها مش نصب وكدا ..

----------------------------------------------------------------

#‎Medical_or_therapetuic_massage‬ ?!

الناس الى بتسال عن ال Medical Massage - Therapeutic massage

بص يا سيدى زى ما فرقنا بين مفهوم التمارين الرياضية .. الى هى تمارين بتتعمل لانسان سلييييييييييييييييييييم رياضة عادى ومجهود الانسان بيعمله بهدف اللياقة وتقوية جسمه وعضلات والشغل دا .. بتتعمل للناس الرياضية .. مش قائمة على العلوم الطبية بشكل كبير ..

على عكس مفهوم التمارين ‫#‏العلاجية‬ الى قائمة بشكل اساسى على علوم التشريح والحركة والميكانيكا والفسيولوجى وغيرها .. بهدف ‫#‏العلاج‬ الفرق مختلف جدا

طيب التدليك المساج .. الكلمة عامة انا بقولها لما انا ابدا اشتغل بايدى واعمل قوة ضغط pressure هو دا ..

طيب نميز بقى بين مساج بيعمله بتاع تربية رياضية او انسان عادى او ايا كان بهدف ‫#‏الاسترخاء‬ دا مساج استرخائى مش قائم على علوم طبية ملوش علاقة بحاجة مش بيستعمل فى العلاج ملناش علاقة احنا بالدنيا دى ..

-----------------

لكن تعالى بقى عندنا فى العلاج الطبيعى انت بتستعمل كل القوى المحيطة بيك سواء

Electricity - Electromagnetic Energy - Heat - Cold - Sound - Magnetic Force - Biofeedback - Water ( خصائص الماء الفيزيائية ) - Mud and Peloids -

واخيرا بنستعمل ال Mechanical Energy

كل الطاقات الطبيعية ( الفيزيائية ) دى ليها اجهزة ..

اما الطاقة او القوة الميكانيكية دا بنقدر نعملها يدوى بس انا هتكلم من العلاج اليدوى على نوعين ..

Traction - Compression .. الطاقة الميكانيكية هى لعب على كمية الضغط الى انا بوصلها لجسم المريض ..

فاما انا بقلل الضغط على جزء معين من جسم المريض ودا اسمه traction ممكن اعمله يدوى ممكن اعمله باجهزة ..

او انى ‫#‏بزود‬ الضغط على جسم المريض ودا ممكن يتعمل باجهزة زى حاجة اسمها مثلا intermittent compression units .. وطبعا الى درس فى الكلية عارف تاثير الضغط على الجسم دا حكاية لواحده ..

Medical Massage : Scientific Manipulation Of The body soft tissues
Manipulation here not mean joint manipulation but means : Skillful use of hands

‫#‏المساج_العلاجى_او_الطبى‬ بيكون قائم على اسس انى اعرف تركيب الجسم انى اعرف عن ال soft tissues انى اعرف عن ال fascia .. انى اعرف عن تاثير الضغط على الجسم انى اعرف عن امراض ومشاكل فى الجهاز الحركى انى اعرف عن ال trigger points ..

المساج العلاجى او الطبى بمعنى انى بدى للمريض ضغط متوسط الى ضغط عالى على جسمه عشان احقق بيه هدف علاجى وطبعا لازم المهارة اليدوية والحركة الى قائمة على اساس علمى ..

المساج العلاجى او الطبى بمعنى انى بدى للمريض ضغط متوسط الى ضغط عالى على جسمه عشان احقق بيه هدف علاجى ..

من ضمن المشاكل الى بتقابل المرضى حاجة اسمها trigger points ..

وان الفاشيا ( طبقة فوق العضلات وتحت الجلد ) بتتجمع فى مكان معين وتعمل حاجة زى nodule كدا تقوم تشد العضلات الى تحتها وتعمل نوع من الالم يضرب فى مكان تانى اسمه referred pain ..

الحاجات دى مثلا ملهاش الا حل يدوى واسترتشات وتقوية ومساج علاجى وخاااااااااصة وسائل العلاج اليدوى الى اسمها المساج العلاجى وال myofascial release .. فى الحالات المتاخرة أو الحالات المزمنة يعنى Chronic بيكون فى بعض انواع الحقن مع الكلام الى قلناه دا واكتر من كداااااااااااااااااااااا

عشان تعرف ان المشكلة بتكون كبيرة بيستعمل حاجات اسمها ال crutches حاجة زى العكازات كدا ثلاثية عشان المريض يمشى بيها انت متخيل ؟! حقن وعكازات .. واستثارة كهربية واهم من دا كله العلاج اليدوى عشان يشفى ايه رأيك ؟!

مع تجنب اوضاع معينة مع العلاج اليدوى مع الاستثارة الكهربية وغيرها من الوسائل الطبيعية ( الفيزيائية ) الى احنا عارفينها كلها ..

عايزين نفرق بين علم طبى وبين علوم لمجرد الرياضة او لمجرد الاسترخاء ..

مش عشان كلمة تمارين يبقى دى تمارين بتتعمل وخلاص لاااااااااااا فى فرق بين حركة عادية وحركة قائمة على علوم طبية ومتخصصة ..

وفرق بين ضغط واحد مش عارف حاجة بيعمله وبين حاجات قائمة على علوم طبية ومتخصصة بهدف العلاج ودى حاجات بتتعمل بطرق معينة وبتحتاج تدريب طويييييييل وبتتعمل فى ظروف معينة وبتتعملها فى الكلية وكمان بتاخد فيها كورسات براااااااا الكلية عشان تقدر تطبقها وتستعملها فى علاج المرضى .. دا الفرق

--------------------------------------------------------------

#‏مدارس_العلاج_اليدوى‬ ؟! Chinese medicine - Chiropractic - Osteopathy - Physical Therapy ..........

الحقيقة عايزين نتكلم عن حاجة مهمة فى مصر عندنا هنا فى كليات طبية كتيييييييير جدا مش موجودة هقولك مثلا ان فى وظائف اسمها Physician Assistant .. بيساعد الدكتور البشرى دا مش موجود ..

فى مثلا Physical Therapy Assistant .. مساعد لدكتور العلاج الطبيعى دا مش موجود برده فى مصر ..

فى مثلا Dental Hygienist .. دا غير دكتور الأسنان هنا دكتور الاسنان بيعمل كل حاجة ..

وفى وظائف تانية كتير ..

ومنها مدارس العلاج اليدوى باستنثاء العلاج الطبيعى طبعا مش موجودين فى مصر بشكل صريح يعنى ..

-----------------

العلاج زى ما احنا عارفين فى :-

جراحة - ادوية - اساليب طبيعية ( فيزيائية ) - اساليب يدوية - ووسائل تانية تكميلية حديثة ظهرت الى يقولك اعشاب والى يقولك أوزون والى يقولك اكسجين وغيرها كتير ..

خلينا نتكلم عن العلاج الطبيعى .. عندك الاجهزة سيبك منها وعندك التمارين سيبك منها خلونا نتكلم عن العلاج اليدوى ..

Mobilization - Manipulation - Traction - Myofascial release release and medical massage .

.. وسائل العلاج اليدوى هى العامل المشترك بين خريج العلاج الطبيعى
وخريج الاستيوباثى
وخريج الكايروبراكتيك
وخريج الطب الصينى
وغيرهم من مدارس العلاج اليدوى المختلفة ..

كل دول بيستعملوا وسائل يدوية فى العلاج .. بس فاكر انت زى ما كان فى مدارس للشعر هو كله شعر لكن اتجاهات مختلفة ووجهات نظر مختلفة ونظريات مختلفة هو دا الى موجود بالظبط ..

مثلا عندك الطب الصينى يقولك قنوات طاقة ونقط ضغط وحاجات كدا دا وجهة نظرهم لجسم الانسان ودى نظرياتهم فى العلاج وشغل الابر الصينية والكلام دا ..

احنا عندنا فى العلاج الطبيعى وجهة نظر مختلقة تماما بتكنيكات مختلقة وهكذا ..

الاستيوباثى برده من ضمن مدارس العلاج اليدوى وزيها الكايروبراكتيك ..

بس الاستيوباثى تركيزه كله على تكنيكات زى ال mobilization - Manipulation - Myofascial release .. طبعا بتكنيكس مختلفة بوجهة نظر مختلفة بنظريات مختلفة وان كانت العلوم الاساسية واحدة .. عشان كدا فى ناس بتروح تاخد دا بعد التخرج ..

لكن طبعااااااااااااااااا سيبك انت من كل المجالات دى الاشرف ليك انت تتعمق فى مجالك انت من وجهة نظر مجالك انت واعرف عن المجالات الباقية مفيش مشكلة بس مجالك فوق الجميييييييييييييع ..

وعايز اقولكم برده مش الاستيوباثى دا او غيره الى هيعلى العلاج الطبيعى انت يوم ما تفكر تاخد حاجة زى دى هتبقى ‫#‏مجرد_اضافة‬ ليك .. لكن الأشرف ليك طبعا تتعمق فى وسائل العلاج اليدوى الخاصة بالعلاج الطبيعى من وجهة نظر ‫#‏العلاج_الطبيعى‬ ..

ومجالنا فى وسائل علاجية تانية كتير التمارين فى حد ذاتها بحور ومراجع ..

الاجهزة الكهربية والكهرومغناطيسية والماء والحرارة والتبريد وغيرها بحور برده ..

فاحنا مجالنا واسع ومش محتاج اى حاجة من المجالات دى بس اتعمق فى مجالك وادرس واتعلم واتدرب بضمير لخدمة نفسك ومجالك ..

لكن احنا مش اى كلية من دول احنا كليتنا علاج طبيعى Physical Therapy ونفتخر طبعاااااااااااااااا بدون أى مجااااااااال دخيل على مجالنا ..

تعرفوا لو احنا نتعمق فى مجالنا هنثبت نفسنا وتعرفوا لو نتخصص (( فى مجالنا طبعا )) هنبدع ومش هنحتاج لكل الكلام الفاضى دا ..

وخليكوا فاكرين الكلمة دى العلاج الطبيعى الى هيعليه ان خريجينه يتعمقوا فى العلاج الطبيعى نفسه مش اى مجال تانى .. مش اى مجال يا ريت نفتكر دا كويس وسيبكوا من شغل التخسيس والحاجات دى على فكرة دا مش هو مجالنا دا ممكن بس يكون مجرد حاجة اضافية جنب شغلك على اساس ان فى اجهزة ليها اثر فى التخسيس وفى ناس بتاخد دبلومات بس التخسيس دا يكون جزء من ضمن برنامج العلاج وحاجة جنب مجالك مش شغلك كله تخسيس :P ولا ايه ؟!