"البلاك بلوك" تنقلب على جبهة الإنقاذ وتصفها بالغباء

[darch_99]

"البلاك بلوك" تنقلب على جبهة الإنقاذ وتصفها بالغباء


انقلبت حركة البلاك بلوك على جبهة الإنقاذ الوطنى ووجهت لها اتهامات بالفشل، وعدم القدرة على اتخاذ القرار، وعدم قدرتها على وضع خطط واضحة للتحرك.
ووجهت الحركة فى بيان لها على موقع التواصل الاجتماعى "فيس بوك" انتقادات لاذعة للجبهة، معتبرة أن سبب تناقص الحشد فى القاهرة هو "غباء" الجبهة، حيث إنه ساعة الإعلان الدستورى خرجت الملايين وملأت التحرير والاتحادية وكل محافظات مصر فماذا فعلتم بالحشد؟
وقال البيان: "ليس هناك تخطيط للتحرك.. يعنى كل دورك كجبهة إنقاذ تدعى الناس تنزل وهى ونصيبها بقي.. كل واحد يطلع الطاقة اللى جواه ويهتف يروح بدون ما تحدد أماكن مهمة زى الشورى وقت كتابة الدستور أو الدستورية وقت حصار الإخوان".
وأضاف: "معندكش قدرة على اتخاذ قرار واضح زى اعتصام عند الاتحادية والنتيجة قلت إللى عايز يقعد يقعد واللى عايز يروح يروح، فالناس روحت والمعتصمون تانى يوم حصلت معاهم الم***ة.
وتابع: "بغباء وسذاجة وتخلف سياسى منقطع النظير بعد ال*** والمظاهرات والموت وتهديدك بالمقاطعة قررت تشارك فى مسخرة الاستفتاء وأعطيته شرعية.. فلما تيجى ساعة جنابك تدعى لخروج ضد الإخوان فى 25 يناير لازم تتوقع إن العدد يقل لأن الثقة فيك قلت كقيادى، وده على فكرة من أهم أسباب خروج الناس بعدد قليل، الناس حست باليأس.. هتروح تهتف وتروح.. مفيش تغيير.. مفيش قيادة بتفهم أو عندها مقدرة على تحمل مسئولية، مش ال*** أو رد ال*** زى ما بتقولوا يا بتوع جبهة الإنقاذ اللى قلل الحشد".
واختتمت الحركة بيانها بقولها "واجهوا نفسكم بفشلكم وبغبائكم عشان تعرفوا تصلحوا نفسكم الأول إذا كان عندكم نية للإصلاح أصلا أو شوفتم إنكم كنتم ساذجين".
كما أعلنت "بلاك بلوك" عن حشدها لتظاهرة عصر الثلاثاء أمام قصر الاتحادية، مضيفة عبر صفحتها على فيسبوك "ندعو للتظاهر ضد المزورين والكاذبين والمنافقين، نثق فى الانتصار.