عندك أي سؤال عن كليه العلاج الطبيعى أو المواد الدراسيه ....أتفضل أدخل

[s . diaa]

المشاركة الأصلية كتبت بواسطة هشام عادل2011

المواد في اولي تشريح anatomy
علم انسجة histology
كيمياء حيويةbiochemistry
علو وظائف اعضاء physiology
وسائل علاج طبيعي modalities
ميكانيكا حيوية biomechanics
فيزياء حيوية bophysics

دا بالنسبة للمواد

القسام : احنا عندنا في الكلية 8 اقسام عظام ونسا واعصاب واطفال وباطنة وعلوم اساسية وجراحة وحروق وقسم لميكانيكا وفي كلية خاصة افتتح فيها قسم جديد قسم الجلدية والتناسلية

دا بالنسبة للاقسام

الشغل بتاعها كتيير جدا لاننا قليييييلين جدا وبنتكلف اول ما نخرج علطول لاننا كلية واحدة بس في مصر
وطبعا الكلية بتبقي معتمدة علي العملي اكتر من النظري بكتير

شكرا جدااااااااااااااااااااااا وجزاك الله كل خير

[mayar a. ibrahim]

انا عايزة اعرف هو ال 8 مواد دول في الترم الواحد ولا متقسمين علي الترمين و لو غير كدا يبقي بدرس كام مادة في الترم ؟؟ و ياريت لو حد يعرف التنسيق بتعها في حدود من كاااام لو انا اميريكان دبلومة لاني مش عارفه السكووور المفروض اجيبه علشان احصل علاج طبيعي جامعه القاهرة و بليز المصاريف بتعتها اد اييه وهل في بصات بتوصل لخارج القاهره ؟؟ شكرااا و اسفه علي الاسئله الكتيره

[Nada_Mohsen]

المشاركة الأصلية كتبت بواسطة mayar a. Ibrahim

انا عايزة اعرف هو ال 8 مواد دول في الترم الواحد ولا متقسمين علي الترمين و لو غير كدا يبقي بدرس كام مادة في الترم ؟؟ و ياريت لو حد يعرف التنسيق بتعها في حدود من كاااام لو انا اميريكان دبلومة لاني مش عارفه السكووور المفروض اجيبه علشان احصل علاج طبيعي جامعه القاهرة و بليز المصاريف بتعتها اد اييه وهل في بصات بتوصل لخارج القاهره ؟؟ شكرااا و اسفه علي الاسئله الكتيره

بالنسبة لل8 مواد
هما ممتدين طول السنة
يعنى عندك الترم الأولانى 8 مواد و هم نفس مواد الترم التانى

أما بالنسبة للتنسيق فى المعادلات معرفش للأسف و المصاريف لو زى اللى داخل من ثانوى عام يبقى بتبقى مبين ال100 و ال200 و فى 100 فى الأول عشان الأنترفيو

أما الباص مش متأكدة أوى لكن على حد علمى مفيش لكن ممكن تسألى

[mahmoud888]

انا عايز اعرف هي علاج طبيعي ولا صيدله احسن

[john99]

المشاركة الأصلية كتبت بواسطة mahmoud888

انا عايز اعرف هي علاج طبيعي ولا صيدله احسن

بص يا دكتور انا واحد من الناس السنة اللى فاتت كان تنسيقى جايب صيدلة و علاج طبيعى و كنت محتار زى حضرتك بالضبط لكن بعد ما سألت و عرفت كل حاجة عن الكلية تقريبا و جدت انها بتعادل الطب البشرى كمان و امكن افضل لان فرص العمل المتوفرة اكتر و عدد الخريجيين اقل و فرص السفر كبيرة و هى بتختلف عن صيدلة فى انها فى تقدم مستمر ... ده غير ان علاج طبيعى مصر بيحتل المركز الثالث عالميا ..... سلبياتها فى نظام التعليم فى الكليو نفسه من عدم تنظيم و مشاكل فى الامتحانات لكن دى مشاكل موجودة فى كل الكليات بس كده ..

[EL.kaymoo]

المشاركة الأصلية كتبت بواسطة s . Diaa

شكرا جدااااااااااااااااااااااا وجزاك الله كل خير

طاب انا عايز اعرف احنا في سنة اولي هناخد كام مادة؟؟؟؟؟؟؟

[الغيورة على الدين]

ممكن اعرف دكتور الرجيم بيبقى خريج علاج طبيعي ولا لاء ؟؟

[فداء فلسطين]

للمغتربيييييييين 95.7 يدخل علاج طبييعي ؟؟؟ من السعودية؟؟؟

[محمد حسين14]

علاج طبيعى تقريبا والله اعلم

[dr/nor pt]

يا جماعة بجد الى دخل الكلية دى لاوم يفرح دى مستقبلها رائع وهتعرفوا القيمة بتاعتها قريب اوى


عاشقة العلاج الطبيعى

[H a l a h]

ياجماعة لو سمحتوا خريج علاج طبيعي شغله بيكون إزاي بيعمل إيه ؟

[Nada_Mohsen]

المشاركة الأصلية كتبت بواسطة h a l a h

ياجماعة لو سمحتوا خريج علاج طبيعي شغله بيكون إزاي بيعمل إيه ؟

بصى ديلوقتى فى جامعة القاهرة أقسام عظام و أعصاب و أطفال و نسا و باطنة و جراحة و حروق و فى جامعة خاصة مش عارفة أنهى فتحت قسم جلدية
هو كلية علاج طبيعى فى واحدة بس حكومة و تلاتة خاص أولا كدا فعدد الخريجين قليل مقارنة بالطلب علينا فكله بيلاقى الشغل اللى عايزة إن شاء الله
نيجى بقى لأنواع الشغل
ديلوقتى إنتى أما تتخرجى إن شاء الله ليكى تكليفى فى مستشفيات وزارة الصحة "ده بالنسبة للحكومة الخاص معرفش فى منهم ملهوش تكليف ولا لأ فمقدرش أقتى "
و الخاص أنتى ممكن تشتغلى تدريب فى عيادة أو مركز "و فى ناس بتشتغل من تالتة و رابعة و أمتياز" أو إنك تفتحى حاجة مستقلة بيكى و زى ما دكتورة نور قالت ليكى تفتحى مركزين أو عيادتين
حبيتى بقى تسافرى برا
عندك دولة عربية أو أوروبية أو أمريكا عليكى طلب كبير لأن اولا العلاج الطبيعى فى مصر فى الترتيب العالمى واخد مركز من المراكز العالية و كمان احنا واخدين أعتماد من أمريكا يعنى مبنعملش المعادلة الأمريكية زى باقى الكليات الطبية كلها "و ده مش عشان سفر أمريكا بس دول كتير كمان"

يعنى باختصار كدا
عايزة تشتغلى حكومة أو خاص.تقتحى عيادة او تشتغلى تحت أيد حد.تشتغلى فى مصر او تسافرى برا
كله موجود

بالنسبة لطبيعة شغلنا بقى فده فى توبيكس كتير فى القسم هنا بتشرحه بأستفاضة و ممكن ع الفيس كمان تلاقى أكتر بكتير
لكن أنتى هاتتعاملى مع المريض اطول فترة من أى تخصص تانى و كمان كمستوى علمى انتى المفروض تبقى كمستوى علمى من نواحى كتير عالية أوى فيه لكن ده هاتعرفى فى الكلية أكتر و كدا

[الاميرة المرحة]

كليات العلاج الطبيعى الخاصة ليها تكليف زيها زى العام

[H a l a h]

المشاركة الأصلية كتبت بواسطة nada_mohsen

بصى ديلوقتى فى جامعة القاهرة أقسام عظام و أعصاب و أطفال و نسا و باطنة و جراحة و حروق و فى جامعة خاصة مش عارفة أنهى فتحت قسم جلدية
هو كلية علاج طبيعى فى واحدة بس حكومة و تلاتة خاص أولا كدا فعدد الخريجين قليل مقارنة بالطلب علينا فكله بيلاقى الشغل اللى عايزة إن شاء الله
نيجى بقى لأنواع الشغل
ديلوقتى إنتى أما تتخرجى إن شاء الله ليكى تكليفى فى مستشفيات وزارة الصحة "ده بالنسبة للحكومة الخاص معرفش فى منهم ملهوش تكليف ولا لأ فمقدرش أقتى "
و الخاص أنتى ممكن تشتغلى تدريب فى عيادة أو مركز "و فى ناس بتشتغل من تالتة و رابعة و أمتياز" أو إنك تفتحى حاجة مستقلة بيكى و زى ما دكتورة نور قالت ليكى تفتحى مركزين أو عيادتين
حبيتى بقى تسافرى برا
عندك دولة عربية أو أوروبية أو أمريكا عليكى طلب كبير لأن اولا العلاج الطبيعى فى مصر فى الترتيب العالمى واخد مركز من المراكز العالية و كمان احنا واخدين أعتماد من أمريكا يعنى مبنعملش المعادلة الأمريكية زى باقى الكليات الطبية كلها "و ده مش عشان سفر أمريكا بس دول كتير كمان"

يعنى باختصار كدا
عايزة تشتغلى حكومة أو خاص.تقتحى عيادة او تشتغلى تحت أيد حد.تشتغلى فى مصر او تسافرى برا
كله موجود

بالنسبة لطبيعة شغلنا بقى فده فى توبيكس كتير فى القسم هنا بتشرحه بأستفاضة و ممكن ع الفيس كمان تلاقى أكتر بكتير
لكن أنتى هاتتعاملى مع المريض اطول فترة من أى تخصص تانى و كمان كمستوى علمى انتى المفروض تبقى كمستوى علمى من نواحى كتير عالية أوى فيه لكن ده هاتعرفى فى الكلية أكتر و كدا

شكرا ليكي يادكتورة
بس سؤال إيه هو طبيعة العمل
يعني لما أتخرج مثلا أعمل تمارين للمرضى وكدا ولا أشخص حالة ولا إيه بالزبط ؟
وآسفة على الإزعاح

[Nada_Mohsen]

المشاركة الأصلية كتبت بواسطة h a l a h

شكرا ليكي يادكتورة
بس سؤال إيه هو طبيعة العمل
يعني لما أتخرج مثلا أعمل تمارين للمرضى وكدا ولا أشخص حالة ولا إيه بالزبط ؟
وآسفة على الإزعاح

ديلوقتى فى مصر المريضض بيتحولك من دكتور بشرى فى أى تخصص مبيجيش ع طول
لكن الحمد لله فى خلال وقت قليل هايجيلك المريض من الأول و أنتى اللى تشخصى كل حاجة من الأول خالص زى ما فى باقى الدنيا
طيب ديلوقتى أيه اللى بيحصل
المريض بيتحولك و أنتى بتبصى فى اللى كاتبه الدكتور و برضه بتشخصى أنتى حسب حالة كعلاج طبيعى لأن فى الأغلب الحالة بتبقى مبعوتة بتشخيص عام
و بيبقى مع المريض الأشعات و التحاليل و الروشتة بتاعته و كدا و بعد ما تكشفى عليه بتبصى عليهم و تحددى المشاكل أيه و تحطى برنامج العلاج
موضوع التمارين ده مش كدا خالص
التمارين ديه أنواع كتير و بتبقى بعد مثلا لما المريض يبدأ يتحرك و كدا و بتدريج لكن طرق العلاج الطبيعى كتيرة جدا جدا
انا حاليا رايحة تانية و عندك المفروض أولى و تانية بتدرسى فيهم الأساسيات اللى من ضمنها طرق العلاج الطبيعى المختلفة و بعد كدا فى تالتة و رابعة بتدرسى الطرق ديه بتستخدم أزاى و تتحد أنهى يستخدم فى أيه فى كل قسم و لكل مرض و كدا و بتبقى جزء كبير من الدراسة فى المستشفيات و بعدها سنة الأمتياز ديه بتبقى شغل بس
ده اللايحة القديمة اللى إن شاء الله هاتطبق عليكى أما اللايحة الجديدة اللى ممكن تكونى سمعتى عنها و هى خمس سنين دراسة و سنة أمتياز...ديه لسا مش عليكى أنتى إن شاء الله تطتبق ع الدفعة الجاية بقى بإذن الله