ألغاء ملف الأنجاز والجودة من المدارس المصرية

[EsraaRizk]

نداء الى كل معلمي مصر :
اذا كنا نسعى الى التغيير وتحسين التعليم تتضامن معنا في هذا المطلب وهو الغاء ملف الانجاز والجوده
فجميع المعلمين يدركون جيدا مدى اعاقة ملف الانجاز والجوده للعمليه التعليمية.... وهذا الكلام بناء على النسب والاحصائيات التى توضح مدى تراجع مستوى الطلبة في كل عام ... فانا معلمة لغة انجليزية اقضى معظم وقتى في رصد الدرجات بالملف والوقت المتبقي اقضيه في تستيف ورق من اجل الجوده ... وفي بعض الاحيان يتم اخراجي من الحصة وذلك بعلم ادارة المدرسة لكي اكتب ورق ليس له اي قيمه وبذلك يتم اهدار وقت الطلبه والقضاء على اي وقت يحاول المعلم فيه مساعده الطلبه....
وقد نظم معلمي محافظة السويس وقفة احتجاجيه يوم الخميس القادم الموافق 24فبراير الساعة 11 صباحا للمطالبة بذلك ....
انضم الينا على جروب (الغاء ملف الانجاز والجوده) على الفيس بوك وشارك برايك سواء كنت طالب او ولي امر او معلم

[احمد هشام مجدى]

طبعا لازم تتلغى انا اختى فى تالتة اعدادى عندها حاجة اسمها ملف انجاز
تعد تضيع وقت كتير اوى فيها
حرام لازم تتلغى

[alfa]

أنا أؤيد إلغاء هذا السخف من المدارس طبعا

[vouta]

طبعا يلغى ملف الانجاز والجودة المدرسية فهذه الملفات غير مناسبة مع واقع التعليم فى مصر
جودة ايه ده كله حبر على ورق حتى ملف الانجاز ده جعل مستوى الاولاد ينحدر

[teacher_2]

طبعا يتلغى نهائى د كلام فارغ
وبعدين موضوع ان ادارة تقبل درجات ولا لا ده كمان غير مقبول بالمرة
هو احنا هنفصل درجات للإدارة حسب ماهما عاوزين
ولا نطلع النتيجة الحقيقية للطلاب؟
وبعدين امتحانات لازم تكون معممه وليس اقليمية
يعنى طالب اولى اعدادى فى البحيرة والشرقية والغربية
يمتحن نفس امتحان اسكندرية والدقهلية زى الثانوى بالظبط
امتحانات موحده حتى فى النقل
مش كل واحد يفصل امتحان على كيفه
ويطلع مليان اخطاء وزمايله يتستروا عليه
مشى حالك والكلام الفارغ ده كله
غير مقبول بالمرة
مفيش وزير ييجى يظبط الحاجات دى
بقالهم قرون ومفيش فايده

[momw5]

مين يسمع ومن يقرر

في ناس مبسوطة من الكلام دة

[ocean.girl]

والله نظام فاشل ولازم يتلغى بجد ياريت نستغل التغيير ده

ا

[amr samy samy]

اقترح جعلها 20 فى المائه للسلوك والانضباط

[yousri_2000]

نلغي التهريج طبعا يلغى ملف الانجاز والجودة المدرسية

[elmahla22]

روتين عقيم النفع والفائده ملف الانجاز والجوده
ملف الانجاز يقوم بعمله اولياء الامور لكي يحصد ابنائهم الدرجات وبدن استفاده من جانب التلاميذ فاصبح ملف الانجاز روتين شهري يقوم به اولياء الامور
الجوده هي اوراق ورتين يقوم به اشخاص يستفيدون ولهم مصالح مع ادارات المدارس وهم ايضا لايفهمون مايقومون به ولكنه اوراق ورتين شهري يقوم به القائمون علي الجوده بدون فهم واعي لتجنب لجان التفتيش ولايستفيد من هذه الجوده احد علي الاطلاق عالم ورق ورق عديم النفع للتلميذ المصر الذي يتلقي تعليم ليس ذو قيمه في مصر

[اشرف المصرى]

العيب ليس فى ملف الانجاز ولا فى نظام الجودة
فهما معول بهما فى النظم التعليمية المتقدمة مثل امريكا
لكن العيب عندنا هو ظروف التعليم نفسها
فالفصول كثيفة العدد والمدارس غير مهيأة لتطبيق هذه الانشطة والجوده
والاهم ثقافة المعلم والطالب والمجتمع ليست معدة لتقبل هذه الافكار الحديثة

لو اردنا تعليما حقيقيا فعلينا اخذ نظم التعليم من دول حققت فعلا تقدم فى تعليمها
ونطبقه تدريجا فى مصر مع توفير كل ما يخدم هذا النظام
وليس ان نقتطف منه الازهار بلا اعداد للتربة التى نغرسها فيه

[سعادتي في عبادتي]

و الله اتمنى ان شاء الله كل الهبل ده يتلغي و الله ده هبل ياريت نرجع لنظامنا القديم اللي اتعلمنا عليه احنا و اهلينا دانا بحس العيال دي دلوقتي عندها تخلف عقلي و ان شاء الله خير

[وليد فوده]

الاهتمام أولا بتدريب المدرس مهنيا وتفعيل دور الاكاديمية المهنية لمعلم فى التدريب واعادة النظر فى الجوده حيث انها عبء على كاهل المعلم يجب تفريغ المعلم للتدريس وليس لاعمال الإدارية

[الاستاذه وفاء صلاحي]

في مصر اصبح المعلم كاتب طول اليوم يكتب اوراق اوراق دون فائدة وضاع العلم والتعليم وسط كومة الاوراق اليومية

ملف الانجاز جعل مستوي التعليم صفر والجودة جعلت مستوي المعلم تحت الصفر ( عالم ورق)

[الأستاذ علاء سليمان]

يلغى ملف الانجاز
ومايسمى بالجوده
واختبارات كادر المعلم ورخصه الحاسب الالى
نعم احترام المعلم وتقديره وتدربيه وليس ارهابه