سبانخ مش طبيخ (طريقة جديدة

[شذى العطر]

السلام عليكم
بالنسبة لينا مبنحبش السبانخ طبيخ ونادرلما نعمله
بس في مقولة اسمها الحاجة ام الاختراع

اختي الكبيرة إلي اخترعت
اولا وبكل سهولة
تجيبي السبانخ وتنظفيها
وتجيبي العيدان بتعتها تقطعيها صغير ام الورق نفسه تقطعيه نصين ثلاثة بس
بعدين
تجيبي طاسة تحطي فيها زيت وبصل وياريت بصل حلو كتير يعني بس مش اوي
وطبعا يحمر البصل
وتحطي العيدان ولما تدبل العيدان تحطي الاوراق
وتحطي ملح ولو عايزة تحطي فلفل اسود وكركم
وممكن تزودي توابل عادي بس مش محتاجة اوي


وتجيبي حاجة تانية طاسة حلة اي حاجة وتحطي فيها زيت وتجيبي ثلاث طماطمات اواكتر على حسب الكمية إلي بتعمليها
وتشوهيهم لغايط لما يدبلوا ويقربوا يكونوا صلصة تقفلي عليهم
بعديها تجيبي طبق بعديها تحطي السبانخ وبعديها فوقيها الطماطم
وبس بالهناء والشفاء إيه رأيكم