عندي إستفسار وأرجو إجابة سريعة أرجوكم

[ميكو666]

يا جماعة انا كنت بكتب الرغبات المهم انا نفسي ادخل كلية تجارة انجلش انا جايب 89% ادبي وفي الانجلش جايب 42 وفي المستوى الرفيع انجلش جايب 8 من 10 المهم تسجيل الرغبات مش موجود فيه كليات لغات لا تجارة انجلش ولا حقوق انجلش ولا سياسة واقتصاد انجلش ولا اي حاجة مع ان السنة اللي فاتت الكليات دي كانت موجودة السنة دي مش نازله خالص في التنسيق فانا عايز اعرف هي مش موجوده زي السنة اللي فاتت ليه انا اخويا كان بيكتب رغباته السنة اللي فاتت وكان ممكن يختار تجارة شعبة اللغة الانجليزية جامعة حلوان مثلا وكتبها وجاتله لكن السنة دي مش موجود اي كلية فيها لغة في اي جامعة من الجامعات المدرجة في لائحة الكليات يا ريت حد يرد عليا يقولي ايه السبب ارجوكم انا هتجنن ومش عارف ايه السبب ؟؟؟؟؟؟؟؟ يا ريت حد يفيدني ارجوكم

[Alsunian1]

بعد ماتتقبل فى كلية تجارة
فالكلية بتختار الشعبة بقى
لسة شايفة الكلام دا

[ميكو666]

المشاركة الأصلية كتبت بواسطة بنوتة مصرية1

بعد ماتتقبل فى كلية تجارة
فالكلية بتختار الشعبة بقى
لسة شايفة الكلام دا

طيب حضرتك شوفتي ده فين بس يا ريت تقوليلي او تبعتيلي اللينك علشان اتاكد؟

[Alsunian1]

اتفضل فاللينك دا
http://www.thanwya.com/vb/showthread.php?t=444476

[The king Boy]

الكلام ده مش كان موجود لحد السنة الي فاتت ومن السنة الي فاتت عملوهم كليات لوحدهم رجعوها تاني ولا ايه

[aya jevara]

معلش يا جماعة فيه هنا موضوع بيقول ان الحد الادنى علمى 93.9 و الكل بيقول الحد الادنى 96,34 هو ايه النظام ؟ حد ارجوكم يرد بسرعة

[ميكو666]

المشاركة الأصلية كتبت بواسطة the king boy

الكلام ده مش كان موجود لحد السنة الي فاتت ومن السنة الي فاتت عملوهم كليات لوحدهم رجعوها تاني ولا ايه

هو فعلا كان زي ما انت بتقول انا اخويا كان بيختار عادي واختارها ككلية منفصلة لكن السنة دي مش موجوده يبدو انهم رجعوا النظام القديم تاني

[ميكو666]

المشاركة الأصلية كتبت بواسطة aya jevara

معلش يا جماعة فيه هنا موضوع بيقول ان الحد الادنى علمى 93.9 و الكل بيقول الحد الادنى 96,34 هو ايه النظام ؟ حد ارجوكم يرد بسرعة

93.9 بالنسة لعلمي رياضة و96.34 بالنسبة لعلمي علوم

[aya jevara]

طيب انا جايبة 95.73 علوم ممكن الحق سياسة و اقتصاد او حتى اعلام ؟ و شكرا

[ميكو666]

هو اللي اعرفه ان الكليات الادبية مجموعها بيزيد في علمي عن ادبي بس الله اعلم بتبقى اد ايه بس عمتا السنة اللي فات سياسة واقتصد خدت 95% من ادبي و 97% علمي الله اعلم بقى هتبقى اد ايه بس بإذن الله ربنا يكرمك وتخشيها

[The king Boy]

المشاركة الأصلية كتبت بواسطة aya jevara

طيب انا جايبة 95.73 علوم ممكن الحق سياسة و اقتصاد او حتى اعلام ؟ و شكرا

لا تلحقيهم الاتنين ان شاء الله انتي جايبة مجموع سياسة واقتصاد بتاع السنة الي فاتت بالظبط وانا لسه شايف في موقع الحكومة الالكترونية في تنسيق 2011