ما الكليات التي تؤهلني لأصبح هكر او مبرمج فى مصر(موضوع حياه او موت)

[youssef848]

السلام عليكم ورحمه الله و بركاته

ازيكم يا شباب

اولا و قبل اي حاجة الموضوع ده مش مجرد استفسار ده موضوع حياة او موت

و أي اجابة هتتقال هيكون ليها تأثير فى تحديد مستقبلي "بعد ربنا طبعا"

بسم الله الرحمن الرحيم

انا بحب الكمبيوتر و الانترنت و الاختراق و الحماية و البرمجة و عندي خلفية عن لغات البرمجة و اتقن لغة بايثون ونفسي اكون هكر او مبرمج و مش عارف اخش كلية ايه بالظبط و دورت كتير علي النت ملقتش الاجابة الكافية

واللى عرفته اني عشان ابقا مبرمج لازم اخش كلية حاسبات و معلومات

وعشان اخش كلية حاسبات و معلومات لازم اخش ثانوية عامة علمي رياضة

وزي ما أنتم عارفين ان الثانوية العامة فى مصر ملهاش أماان و ممكن أجي فى اخر سنة و مجبش مجموع يدخلني حاسبات و معلومات و كمان انا مش بحب الرياضة أوي

و مع العلم اني جايب 96% فى الصف الثالث الاعدادي

و ناقص 3 درجات بس فى الرياضة

بس انا خايف جدا من ثانوية عامة لأن اخويا فى ثانوية عامة ولسه مخلصها و كان بيتعذب بمعني الكلمة و كمان بيذاكر اكتر مني بشوية و مع ذالك غلط فى الامتحانات ولسه مستنين النتيجة

فـ بحاول ادور علي اي طريق اخش بيه كلية تهتم بالبرمجة و الاختراق و الحماية غير ثانوية عامة بس مش لاقي حد يدلني علي الطريق

فــ ياريت اي حد يعرف اي حاجة يقولها بالله عليكم لأن الموضوع ده مأثر فى نفسيتي اوي لأني مش بحب أي حاجة قد ما بحب البرمجة والاختراق و الحماية و الكلام ده و حاسس اني لو دخلت اي كلية تهتم با لحاجات دي هيكون ليا مسقبل كويس و هكون متميز لأني هكون بدرس المواد عن حب



و فى حاجة تاني ان التقديم قرب ولازم اقرر هدخل ايه بالظبط