هل هذا جبروت ام انها خيانة ام انانية ام خداع ام ماذا؟؟؟؟؟؟؟؟؟؟؟؟؟؟

[Moon Light_FMAA]

قمة الحب ان تحب بل ان تعشق وتنسى الكون من حولك ليبقى حبيبك هو كل الكون بالنسبة لك
قمة الالم ان ترى من تعشق يطعنك من الخلف وانت مخدوع بحبه الذى لا يعقل ابدا انه مزيف
انا هقولكوا قصة حقيقية حصلت لواحدها بحبها جداااااااااااااااااااااااااااااااا ومش عارفة اعملها اى حاجة
بس بطلب منكم طلب عايزاكوا تفسروا لى اللى حصل ده وتقولوا لى لو اقدر اعمل حاجة

كان يحبها بجنون بل اكثر من الجنون بكثير وكان الكل يعلم بحبهما منذ الصغر فلقد نمى الحب معهما وترعرع وكان يزداد يوما بعد يوم انه يحبها منذ ان كانت صغيرة جدا وكان قريب منها جدا نعم فهما اولاد خالة بدات القصة انه كان يحبها جدا وكثيرا ما كان يقول للاقارب ان يوصلوا لها حبه وان يقنعوها ان تحبه فلقد كانت لا تريد سماع اسمه وكانت لا تطيقه فلقد اشاع بين الناس بحبهما وانها له وحده وكثيرا ما صارحها بحبه الى ان انغمرت فى حبه وصارت تحبه اكثر مما يحبها مع انها تعلم انه يتكلم مع الكثير من البنات بل انه ايضا يخرج معهم ولكنها كانت تثق انها الحب الوحيد فى قلبه وكانت ما اروعها من قصة حب ولكن كل شئ جميل لا بد له من شئ يعكر صفاءه فلقد كان اهلها يرفضان ارتباطهما باى شكل من الاشكال مع انهم يعلمون بحبهم المستمر لسنوات عديدة وكثيرا ما اهانوها وحلفوا لها بانها لن تكون له ولكنه كان لا يهدئ فلقد فعل الكثير حتى يرضى اهلها وبعث اليهم الكثير من الاقارب
ليقنعوهم ومضت السنين وهما على حبهما لا يتغير بل انه يزداد كل ثانية وشاءت الاقدار ان وافق اهلها اخيرا حتى لايكسروا قلبها مع انهم يرفضونه لشخصه تماما وما زالوا لايقتنعون به ولكن وافقوا وتمت الخطوبة وكانت ما اجملها من ليلة وكان الاثنا لايصدقان ان كلا منهما للاخر ومضت الايام وهما مخطوبين لبعضهما ولكن ماذا تتوقعون ان يفعل فى تلك الايام هل كانت هذه الايام كتلك الماضية قبل الخطوبة لا انها كانت ايام تعيسة فلقد كان كثير الغضب عليها بدون اى اسباب ولكن كان يتحول احيانا الى حبيب الماضى ذو الكلام الرقيق الذى يذيب القلب ولكنه كان فى الوقت ذاته لازال يتكلم مع البنات ويقابلهم الى ان ينتهوا الى النهاية الماساوية تخيلوا ماذا حدث
انه تركها بدون اى مقدمات وبدون اى زعل مسبق تركها صار لا يكلمها ولا يعبرها حتى برسالة ولا يذهب ليراها تركها كثيرا وكانت تتصل عليه لا يرد وتبعث اليه رسائل فلا يستجيب لها ولا يلقى لها بالا وتركها عدة اشهر الى ان حن واتصل ولكنها لم يتصل على موبايلها ولكنه اتصل على التليفون الارضى ولكن شاء القدر ان ترد هى عليه فتقول له (ازيك يا .......)فيرد فين مامتك فتعطى السماعة لامها ليقول لامها تلك الكلمات القاتلة(كل شئ قسمة ونصيب يا خالتى وما تزعلوش)ثم لا يلبث ان يضع السماعة ويغلق الخط ويتركها لالمها الذى لا يهدأ ابدا وكان يتصل اخوته بهم ويقولون لهم انه لم يرد ان يظلمها نظرا لعلاقاته مع البنات ويقولون لهم لا تفقدوا الامل وادعوا له بالهدايه ويؤكدون لهم انهم لن يكونوا معه الا اذا كانت هى شريكته ولكنها الان معلقه لاتريد ان تفقده وفى نفس الوقت لا يريد اهلها ان ينهوا الخطوبة نظرا لشكلهم امام الناس وهى المسكينة نحل جسمها وصارت لاتنام ولا تهدا من البكاء فقولوا لى لماذا فعل هكذا فيها بعد ان فعل المستحيل حتى يوافق اهلها على خطبتهم هل انه لم يتذكر انه سيظلمها الا الان بعدما صارت تحبه حتى الجنون وبعدما تحدت الجميع من اجله
لماذا ادمى قلبها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟لماذا؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟
ارجوا انكوا تقراوا القصة كلها هى طويلة بس ده رجائى منكم وارجوكوا عايزة رايكوا فى اللى عمله وتشوروا عليا لو بايدى حاجة
شكرا على وقتكوا اللى ضيعته فى القصة

[الأميرمحمد]

السلام عليكم
// انا هقول رأيي //
واضح من اول القصة انه شاب مش كويس
.. علشان البنات والكلام ده
اولا الشباب اللي بالطريقة دي عمرها ما تعمر في شئ
ولا في عمل ولا في دراسة ولا في زواج
وانا شابف ان البنت اخطأت خطأ شنيع لما اتخطبت له
لانها عارفه هو ايه !!
واهلها كمان غلطانين ..
لان المفروض الناس توافق ع العريس علشان دينه اولا
قال رسول الله صلي الله عليه وسلم ( إذا جاءكم من تردون دينه فزوجه )

ومش بعيد واحد زي ده يكون فعل اشياء اخري
و ممكن تحل عليه بغضب .. هيضره و هيضر زوجته في المستقبل
وانا شابف انه من الافضل انها تنسي الموضوع دهـ .. وتحمد ربنا
كان ممكن تتزوجه ولا يودم الزواج وتصبح مطلقة ..!!
و تدعي له بالهداية صلاح الحال ,,
و ممكن يكون ربنا بعده عنها علشان ربنا بيحبها
وربنا يوفقها ويوفقه و يوفقنا جميعاً في الحياة

[سؤئة الطيوبة]

قــصة جميلة بجد ..... فى اولها وبس..........ومن رائ المتواضع ........انة بيكلم بنات كتير...........ودة سبب رئيسي ........لانة يسبها ........بس اقولها .............انة شخص مش عندة احساس ولا مشاعر.............وميستهلش حبها...........لانة لو كان بيحبها .........بجد كان هيتمسك بيها زى الاول.....وهية تحاول تنساة .........ومتفكرش فية ..........


شكرا لية يا moonlight_fmaa.........ويارب تلاقى لصحبتك حل ........واكيد ناس هيقولو رايهم .......وانتى قرري .بالتوفيق

[Moon Light_FMAA]

شكرا على رايكوا وعلى الرد بس بجد ما حدش قالى اعملها ايه لانها صعبانة عليا اوى

[Doctor S.E]

بصي انتي متقدريش تعمللها حاجه غير الدعاء ليها و انك تقفي جنبها في محنتها
و بصراحه احنا مش المفروض نحط السبب على انه بيكلم بنات
لان الي بيكلم بنات كتيير معروف انه عمره ما هيرتبط بواحده فيهم و انما هيختار واحده ذات خلق و دين تكمل معاه حياته و عمره ما يسيبها
ف انا من رايي ده مش مقياس خصوصا انه نادر الزمن ده وجود شاب مش بيتعامل مع بنات ...بس طبعا انا كل ده قصدي انه متجاوزش حدود دينه في تعامله معاهم ...
الحكايه و ما فيها انه كان واخد الموضوع تسليه او ممكن كان معيش نفسه في قصه حب و بعدين لما دخلت في الجد حس انها هتقيد حريته فخلع بس .. يعني العيب في ان شخصيته مش بتتحمل المسؤليه ...مش في انه بيعرف بنات ما الي بيعرف بنات مسيره يتجوز و يبعد عن الشله و الاصحاب و يحترم نفسه
و لا انا كلامي غلط ؟؟؟؟*

[bosyy cat]

المشاركة الأصلية كتبت بواسطة doctor s.e

بصي انتي متقدريش تعمللها حاجه غير الدعاء ليها و انك تقفي جنبها في محنتها
و بصراحه احنا مش المفروض نحط السبب على انه بيكلم بنات
لان الي بيكلم بنات كتيير معروف انه عمره ما هيرتبط بواحده فيهم و انما هيختار واحده ذات خلق و دين تكمل معاه حياته و عمره ما يسيبها
ف انا من رايي ده مش مقياس خصوصا انه نادر الزمن ده وجود شاب مش بيتعامل مع بنات ...بس طبعا انا كل ده قصدي انه متجاوزش حدود دينه في تعامله معاهم ...
الحكايه و ما فيها انه كان واخد الموضوع تسليه او ممكن كان معيش نفسه في قصه حب و بعدين لما دخلت في الجد حس انها هتقيد حريته فخلع بس .. يعني العيب في ان شخصيته مش بتتحمل المسؤليه ...مش في انه بيعرف بنات ما الي بيعرف بنات مسيره يتجوز و يبعد عن الشله و الاصحاب و يحترم نفسه
و لا انا كلامي غلط ؟؟؟؟*

لأ انت فعلا كلامك صح ورايى من رايك لان فعلا فى هذا الزمان قليل جدا بل نادرا ان تلاقى واحد لا يتكلم مع البنات


وربنا مع صحبتك ويكون فى عونها ويارب تقدر تختار وشكرا ليكى ياmoon light

[Magic Sword]

قولي لها
وعسى ان تكرهوا شيئا وهو خير لكم
فهذه اراده الله ومن يدري اذا تزوجت به ستكون حياتها تعيسه
قدر الله وما شاء فعل

[w7da 3i4a]

يعنى هيه هتقبل تتجوزه وهو بيعرف بنات غيرها وخرج معاهم
ازاى اصلا من الاول فكرت فيه ده انسان ميستحقش
ومفيش حاجه اسمها شكلهم قدام الناس هيه هتسيبه عشان عيب فيها طالما معروف عنها انها كويسه
وبعدين كل شئ قسمة ونصيب ممكن يجيلها اللى احسن منه باذن الله

[canavar000]

بصي انا قولك رايي يا moon light_fmaa

هو احسن ليها ان الواد ده سبها دلوقتي احسن لما يسبها بعد الجواز
وهي المفروض لازم تنساه
انا عارفه ن نسيانه هيبقي صعب عليها جدا
وهتاخد كمان وقت علشان الحكايه دي تتنسي

بس انتي ايه الي تعمليه علشانها ؟
انتي المفروض تقفي جنبهاالوقتي جدا وكمان مش لوحدك لا كل اهلها وكل الناس الي يعرفوها ويحاولوا ينسوها شويه
و لازم تقولي لحد كبير ان يعرفها ان ده خير ليها
ودعاواتك ليها ان ربنا يصبرها علي المصيبه دي

وان شاء الله هيجلها احسن منه ميت مره

وبصراحه هي جبروت وخيانه وخداع................................

[الامبراطور محمد]

جزاكم الله خير

[Moon Light_FMAA]

شكرا جزيلا
بس هل ده فعلا خوف عليها انه يظلمها ولا تفسير اللى عمله ايه؟

[canavar000]

من وجهة نطري ياmoon light_fmaa
ده انانيه لانه لو بجد بيحبها زي مابتقولي او بيخاف عليها كان ساب البنات الي بيكلمهم مش سابها هي
او حتي عرف ان هي ضحت علشانه ويقدر ده
بس هو فعلا ميستهلهاش
ربنا يعوض عليها بالاحسن ان شاء الله

[Doctor S.E]

الله اعلم وجهه نظره ايه يا جماعه
مش يمكن اكتشف ان عنده مرض خطير عشان كده سابها
الي انا عايزه اقوله ان ممكن يكون عنده اسبابه او ظروفه او عمل حاجه و حس بالذنب او بأنها ممكن تسيبه لما تعرف او ممكن حس انها متستاهلوش لانه مش كويس يعني احنا برضو مش عايزين نظلم حد

زي ما قلنا ربنا يكتبلها الخير و الزوج الصالح و الذريه الصالحه ... و الله اعلم بنوايا الناس
.... و عسى ان تكرهوا شيئا و هو خير لكم ....

صح و لا غلط !!!!

[Moon Light_FMAA]

مرض ايه بعد الشر ايه يا جماعة من فضلكوا بلاش تفولوا على حد
وشكرا على الرد

[مشتاقه للجنة]

حبيبتى moon light_fmaa

واقع مرير بجد وحدث مؤسف

يمكن انا اكون اكتر واحده قريبة ليكى دخلت الموضوع وشاهدته معاكى بس بالرغم من ده مش قادرة اقولك حل صريح كالعاده كل ما نتقابل مفيش شئ نقدر نقوله غير ندعى لهااااااااااااااااا

اما انتى يا بطله عليكى حِمل كبير اوى ... لازم تكونى قريبة منها اوى اوى اليومين دول لانك اكتر حد فاهمها وحاسس بيها كل الاقارب هيتعاملوا مع موضوعها كنظرة اجتماعية تقليدية ومفيش على لسانهم غير كلام الناس والحاجات دى ومش هيحطوا فى اعتبارهم ان دى انسانه بتحس يعنى .... الله المستعان

وكل اللى حصل ده لو عايزه له تفسير مش هلاقى له تفسير غير حاجه واحده بس انه انسان غير متزن

لان من الجوانب اللى بتحدد توازن الانسان من عدمه هو الجانب الروحانى يعنى التزامه بالدين ومن الواضح طبعا انه لا يوجد بالمرة

وطبعا ده كان خطا منها ازاى قلبها يتعلق بانسان وتريد الزواج منه وهو ليس على خلق ودين

كل هذا بكاء على اللبن المسكوب ...... خلاص اللى حصل حصل لكن دلوقتى علينا اننا ندعى لها............. وعليها هى انها تمسك بزمام العقل وتطرح قلبها جانبا ( وعارفه انه موضوع صعب جداااااااااااااااااااااااااا ) ..... ربنا يعينها يارب

قولوا آآآآآآآآآآآآآآآآآآآآآآآآآآآآآآآآآآآآآمين