خبر هيفرح كل اللى دخل فنون جميلة ديكور ادخل وشوف

[bahaaeldeen]

بسم الله الرحمن الرحيم

البداية:
قليلا ما تجد كليات تجدد من نفسها وتحاول تطوير مناهجها ونظم دراستها اول بأول ويوما بعد يوم وتسمو الى القمة وترنو الى الحفاظ على المربع الذهبى وكلية فنون جميلة بمشيئة الله سوف تظل القمة وبايدينا سنجعلها منارة فى مجال الهندسة المعمارية والديكور فى مصر بل والوطن العربى باكمله

جامعة حلوان بتأخذ طلاب علمى فى قسم الديكور فقط
ويتم دراسة ديكور اعدادى السنة الاولى

بالنسبة لباقى الجامعات تاخذ من ادبى ولكن بمجموع اعلى من التنسيق ولكن يتم دراسة فنون جميعها ويتم التخصص باول تقدير فى بعض الجامعات

الخبر الحلو هى مواد الدراسة واقروا على مهلكم لانكم هتتصدموا بجد

نوع و مــــــــــــــــــــــــــــــــــــواد الدراسه : --

مبدئيا تشمل الدراسه العلميه ( الاساس) و النظريه -- مادة الانشاءات ( مساقط افقيه و قطاعات رأسيه و معماريه كأسس البناء و القواعد الاساسيه للانشاء و قواعد انشاء المبانى و انواعها, و الانشاءات كالاعمده و السملات و الحوائط و السلالم..الخ و غيرها و كل نقطه منهم نقوم بدراستها بالتفصيل ) -- مادة الكيمياء -- مادة الفيزياء -- التصميمات ( تعتمد على المساقط الافقيه و القطاعات الرأسيه و المناظير للهيكل المعمارى + التصميم الداخلى) -- مادة التكاليف -- مادة المنظور الهندسى -- دراسه شامله للصرف ( و كيفية توزيعه على المبنى المعمارى بالمساقط الافقيه و القطاعات الرأسيه و غيرها من التوضيحات الهندسيه مع توضيح كل الرموز ) -- دراسه شامله للكهرباء ( الاضاءه و التكيف ) و كيفية توزيعها ايضا بكل الرموز و التوضيحات الهندسيه -- وركينج ( لدراسه شامله للتركيب و كيفية عمل الاسقف الساقطه بكل انواعها, و انواع الارضيات المختلفه..الخ و غيرها من التكميلات الانشائيه) -- وخلال العام الدراسى نقوم بتقديم الابحاث العلميه, و تقديم بشكل اساسى اكثر من مشروع عملى خلال الترم الواحد لكل ماده -- غير الزيارات الميدانيه و زيارة و نزول المواقع الانشائيه و مواقع البناء -- دراسة البرامج المختلفه autocad - photoshop - 3d max , و هذه نبذه عن دراستنا فى قسم الديكور, يعنى
مشتركين مع قسم عمارة فى مواد كتير و بندرس مواد تكاد تكون مطابقة لمدني في هندسة( بس طبعا هما بتعمق اكتر ) , يعنى دراسة هندسية + فنية



يعنى يا برنس بتدرس زى هندسة معمارى بالظبط وفيها حاجات من مدنى يعنى لو اخدت كورسات هتبقى مهندس واحسن مهندس كمان وتقدر تشتغل فى اى مكان باذن الله

تذكروا ان عدد الطلاب قليل فيها لذلك ففرص العمل متاحة بمشيئة الرحمن



يلا يا مهندسين ردوا وقولو رأيكوووووووووووووووووو

[محمد الزمالكاوى]

شكرا اوى ع الموضوع الرائع
بس ازاى اعرف انا خلت ديكور ولا لأ
بس بجد معلومات حلوة اوى يارب ادخل القسم ده ياااااااااااااااااارب

[emy iglasias]

حبيت اسامي المواد باين عليها جميله جدا ربنا معاكوا يا طلبة ديكور

[Eng.Ahmed Hagag]

ربنا معاكم جميعا .

[saratota111]

ان شاء الله فنون جميلة

[منه الله(منمن)]

ممكن اعرف هى بتاخد\ من علمى رياضه من كام و وادبى من كام

[jojo_mojo]

ممكن اسال سؤال خارج الموضوع بس ياريت حد يرد عليا

انا تالتة ثانوى ادبى وجبت 98% وبفكر احول علمى رياضة بس مش عارف القرار دا هيكون صح ولا مش هاجيب هندسة او فنون فنون تطبيقية
انا كان نفسى من زمان اكون مهندسة ديكور بس كنت فاكرة ان قدراتى مش هاتجيب حاجة
ياريت ارجوكوم حد يرد عليا
انا جبت فى الرياضيات 49

[bahaaeldeen]

المشاركة الأصلية كتبت بواسطة jojo_mojo

ممكن اسال سؤال خارج الموضوع بس ياريت حد يرد عليا

انا تالتة ثانوى ادبى وجبت 98% وبفكر احول علمى رياضة بس مش عارف القرار دا هيكون صح ولا مش هاجيب هندسة او فنون فنون تطبيقية
انا كان نفسى من زمان اكون مهندسة ديكور بس كنت فاكرة ان قدراتى مش هاتجيب حاجة
ياريت ارجوكوم حد يرد عليا
انا جبت فى الرياضيات 49

حولى انتى كدة تبقى ممتازة فى علمى رياضة
رياضيات اتنين اسهل من رياضيات واحد على فكرة

وكدة مجموعك يجيب فنون جميلة وتطبيقية مهما حصل

بس فنون تطبيقية اسمها تصميم داخلى ملهاش علاقة بديكور وعمارة داخلية
انما فنون جميلة اسمها هندسة ديكور وبتتخصص عمارة داخلية او فنون تعبيرية بتاعت المسارح والاماكن
فنون جميلة احسن على فكرة لانك بتدخلى اعدادى ديكور
انما فنون تطبيقية بتدرسى 14 مادة نحت وزخرفة ونسيج وبتاع وتتخصصى على حسب التقدير

[هاجر95]

لو سمحت هى فنون جميلة بندخلها من ادبى ولا علمى

[eng.nana]

المشاركة الأصلية كتبت بواسطة jojo_mojo

ممكن اسال سؤال خارج الموضوع بس ياريت حد يرد عليا

انا تالتة ثانوى ادبى وجبت 98% وبفكر احول علمى رياضة بس مش عارف القرار دا هيكون صح ولا مش هاجيب هندسة او فنون فنون تطبيقية
انا كان نفسى من زمان اكون مهندسة ديكور بس كنت فاكرة ان قدراتى مش هاتجيب حاجة
ياريت ارجوكوم حد يرد عليا
انا جبت فى الرياضيات 49

ممكن سؤال بس يعنى انتى كنتى ادبى فى ثانية ثانوى؟بس من ناحية المجموع ماشاء الله مجموع ممتاز جدا لكل الكليات دى بس اللى انا اعرفه ان انتى لازم تبقى واخده فيزياء وكيمياء عشان تدخلى هندسه او فنون تطبيقية يعنى لازم تبقى علمى السنتين

[nour_kh]

'طيب يا استاذ بهاء انا كان عندى سوال كده يعنى احنا فى قسم الديكور كل اللى مطلوب مننا ازاى نعمل الشقق ارتبها ازاى واوزع العفش ازاى وكده بس ولا اية لان اصحابى بيقولولى ان مفيش حد بيطلب مهندس ديكور عشان يعملة شقتة ارجواك رد عليا ضرورى يعنى ملناش دعوه خالص ببناء العمارات خالص

[bahaaeldeen]

المشاركة الأصلية كتبت بواسطة nour_kh

'طيب يا استاذ بهاء انا كان عندى سوال كده يعنى احنا فى قسم الديكور كل اللى مطلوب مننا ازاى نعمل الشقق ارتبها ازاى واوزع العفش ازاى وكده بس ولا اية لان اصحابى بيقولولى ان مفيش حد بيطلب مهندس ديكور عشان يعملة شقتة ارجواك رد عليا ضرورى يعنى ملناش دعوه خالص ببناء العمارات خالص

في قسم الديكور فيه شعبتين
اول شعبة عمارة داخلية وتانى شعبة فنون تعبيرية

عمارة داخلية بتصمم واجهات مبانى وبتصمم غرف وبتوزع كل حاجة جوة المبنى من اول الغرفة وهى ع الطوب لحد العفش والالوان وبعدين بتدرس فيها نفس حاجات هندسة وبتعمق فنى كمان

فنون تعبيرية بتصمم ديكورات مسارح وازياء و ديكورات ومفارش وانتريهات والحاجات دى

عمارة داخلية للاسف فيها مشكلة انها من حقها تكون لنقابة المهندسين وهى مش معاها مش عارف ليه بس الدكاترة كلها بتحاول

[nour_kh]

'طيب من فضلك القسم ده بيقبل من ادبى حوالى من كام

[redroses9]

لو سمحت أرغب فى معرفة اللغة التى يتم بها دراسة هذه المواد و المناهج .. هل باللغة الانجليزية أم العربية ؟؟!
أرجو الرد و شكرا

[محمدانجينير]

قسم جميل ومحترم بجد