ايه المطلوب ف امتحان العمارة

[DarkPrince]

السلام عليكم

انا عندي يا جماعة الامتحان بتاع عمارة بكرة و مش عارف انا مطلوب مني اجيب الاسكتش ولا هما هيوزعوا علينا ورقة نرسم فيها وللا ايه النظام

تاني حاجة ايه اخبار النظري انا لسه مستلم الكتاب النهاردة و طبعاً مش ملاحق احفظ الثقافة المعمارية

افهمها و اكتب بأسلوبي ولا لازم احفظ كل حاجة و بالنص

غير كده عاوز اعرف ايه اللي بييجي ف الامتحان

سمعت ان في سؤال عن تشكيل مجسم بشكل جمالي و الدكتور ف الجامعة مجابش سيرة الموضوع ده خالص وانا مسمعتش عنه الا هنا

[Eng.Moataz Samy]

انت تابع لجامعة ايه ؟؟؟؟
يعنى انا مثلا من اسكندرية .. لو انت بردة تابع لجامعة اسكندرية ممكن افيدك لان انا خلاص امتحنت

[DarkPrince]

للأسف انا جامعة حلوان
بس متهيألي نظام الامتحان واحد مينفعش انا امتحن ف حاجة وانتا تمتحن ف حاجة تانية عشان لازم يبقى الامتحان مقياس عام لكل طلبة مصر (متهيألي)

ف قل لي امتحانكو عامل ازاي يمكن استفيد + قل لي اذا صعب ولا سهل انا خايف اوي و مأخدتش الكتاب الا النهاردة و الدكتور مشرحش كل حاجة و الحياة فل

[Eng.Moataz Samy]

بص يا سيدى اول امتحان كان الثقافة المعمارية دى عندنا جابولنا 10 صور لاماكن و لوحات و كدا تتعرف عليهم عن طريق الاختيارات و بعد كدا 20 اختيار من غير صور و بعد كدا 20 صح و غلط .. الامتحان دا انا محلتش فيه كويس لانى اصلا مليش فى الثقافة المعمارية خالص .. تانى امتحان عن التشكيل و دا بقى كان ظريف و مش صعب خالص ... و بعد كدا امتحان المنظور و كان حلو برضو .. لا متخفش من الامتحان انت بس اعد النهارده اقرأ الكلام اللى معاك و شوف الرسومات و كدا و توكل على الله و متخفش

[DarkPrince]

طب معلش قل لي ايه نظام امتحان التشكيل ده لأني مسمعتش عنه اصلاً و قل لي جالكو ايه ف المنظور
معلش بتعبك

[Eng.Moataz Samy]

فى التشكيل برضو صح و غلط و اختيارات و سؤالين زكاء و تخيل "" سهلين اوى "" و سؤال مستويات او مجسمات اللى هوة بيطلب منك يا اما تقسم مربع لاكتر من جزء يا اما ترسم مجسم من مكعب و اسطوانة و كدا .. حاجات من هذا النوع .... و المنظور انا جالى فناء المدرسة

[atefm1234]

شكرا على المعلومات الجميلة اللي عرفتها منك انا أختك نرمين معلش ممكن يعني الاسئلة ممكن تكون في الكتاب اللي بيوزعوه

[DarkPrince]

طب هما جابولك ورق تحل فيه ولا انتا كان معاك الاسكتش بتاعك و على فكرة السؤال التاني ف الامتحان بتاعك ده انا اول مرة اسمه عنه و معرفش ايه تقسيم المكعب و الكلام ده انتا نفس الحكاية ولا ايه

[atefm1234]

معلش انا خايفه لأني تعلمت بالخليج وكان فيه حاجات مدرستهاش ممكن تطمنا أكثر وجزاك الله خير

[atefm1234]

انا دخلت الدورة وفيه حاجات معرفتهاش وفعلا مش كل حاجة بيشرحوها يعني كل شيء قلته كان في المذكرات اللي درستها

[atefm1234]

وبعدين الصور اللي جات في الامتحان كانت مثل ايه