الاكاديمية اليوم ادخل وعلق

[مستروجيه]

يا جماعة ذهبت اليوم الساعه العاشره الى مقر الاكاديمية بالزقازيق وذلك لتوضيح النقطه الهامه انا مدرس اول فهل اعمل بحث على الوظيفه الحاليه ام اعمل على مدرس اول ا وهى الوظيفه التى سوف ارقى لها وقابلت استاذ هناك يشغل منصب فى الاكاديميه وبعد مناقشه قال لى بالحرف اعمل فى الوظيفه الحاليه وذهبت ايضا الاستاذ نبيل جادو مدير الاكاديميه الذى اكد بدوره اكثر من مره انه لابد عمل البحث فى الوظيفه المرقى اليها وارسلت ايه زميل اخر ونفس الحوار دار مع زميلى كل شخص يقول كلام ونحن الضحيه فى النص فماذا نفعل يا جماعه نعمل فى الحاليه ام المرقى لها

[أبو الأحلام]

اعمل فى اى حاجة محدش بيشوف حاجة ولا حيراجعوا حاجة وحتاخد الترقية بتاعتك لأنهم واقعين فى وارطة بسبب التدريب واتخلصوا منها بالشكل ده

[omda_0]

تعمل البحث فى المستوى اللى انت فية
والدليل على ذلك ان موقع الاكاديمية لم يشر مطلقا الى ان نعمل البحث فى المستوى الذى سوف نرقى الية
ودة كلام صح
يعنى تعمل البحث فى المستوى الحالى اللى انت فية

[الأستاذ علاء سليمان]

كله تهريج
المفروض ترقيات كامله بدون ابحاث اودورات ونوفر
الفلوس
للمعلمين

[t_orabi]

أخوانى الأفاضل
بالعقل لا تحتاج إلى سؤال أحد
البحث على مسماك الحالى فقط
لأنه فى الأبحاث لا يوجد بحث لوظيفة كبير معلمين ( آخر وظيفة يمكن أن يرقى إليها أى معلم ) وبالتالى البحث يكون على وظيفتك الحالية
والله أعلم

[مستروجيه]

العالم دى هتجننا هما قاعدين فى مكاتبهم لنرفزت المعلمين ولا ايه احنا مش عدنا فاهمين شى يا جماعه عاوزين رد قاطع لو فيهم فاهم يطلع ويقول المطلوب

[mahmod1964]

اطبع وسلم وتوكل علي الله محدش هيشوف حاجه المهم اسمك يكون مكتوب وعلي فكرة الابحاث بقت علي قفا من يشيل

[leprince]

البحث على مسماك الحالى فقط

[محجدى]

والله تعبت نفسك بالعقل تعمل بحث اذاى فى حاجة انت لسه مدخلتهاش وبعدين مشوار بحاله عشان مكون واحد والباقى شرك اكتب واطبع وانجز لو كانت ابحاث العلماء بتتقرى يبقى بحثك ممكن !!!!!!!!!!!!

[حمدي سليمان مهران]

اخي الحبيب البحث علي الوظيفة الحالية وليس المرقي اليها والسبب هناك بعض الفئات سوف ترقي الي وظيفة كبير معلمين وكبير معلمين لم تذكر فيما هو مطلوب من ابحاث لهذة المرحلة وهذا ما اعتقدة والله الموفق

[صهيب2]

الأكيد أن البحث على الوظيفة الحالية وكله محصل بعضه

[ameeeed]

يا عمى وجيه قلبك ابيض هو فى حد فاضى يقرأ ابحاث كله هيترقى هما بيحموا وشهم شوية من الورطة اللى هما فيها

[شرف شرف]

البحث فى الوظيفة المرقى اليها لأن البحث بدل التدريب والتدريب يكون على الوظيفة المرقى اليها وكذلك فقد تدرب فى المراحل السابقة من هم بوظيفة معلم اول على القيادة والتغيير وهو الخاص فى البحث بالمعلم اول أ

[nagar3321]

المشاركة الأصلية كتبت بواسطة مستروجيه

يا جماعة ذهبت اليوم الساعه العاشره الى مقر الاكاديمية بالزقازيق وذلك لتوضيح النقطه الهامه انا مدرس اول فهل اعمل بحث على الوظيفه الحاليه ام اعمل على مدرس اول ا وهى الوظيفه التى سوف ارقى لها وقابلت استاذ هناك يشغل منصب فى الاكاديميه وبعد مناقشه قال لى بالحرف اعمل فى الوظيفه الحاليه وذهبت ايضا الاستاذ نبيل جادو مدير الاكاديميه الذى اكد بدوره اكثر من مره انه لابد عمل البحث فى الوظيفه المرقى اليها وارسلت ايه زميل اخر ونفس الحوار دار مع زميلى كل شخص يقول كلام ونحن الضحيه فى النص فماذا نفعل يا جماعه نعمل فى الحاليه ام المرقى لها

ياستاذنا الفاضل انت لم تعرف ماذا تفعل فلابد ان يحدث معك

لانك انت الى الآن لم تعرف هل انت مدرس أول او معلم أول

[محمود صديق]

انا اخصائى تكنولوجيا تعليم بمرحلة رياض الأطفال لا نزل لنا تدريب ولا ذكرنا فى الأبحاث روحت الأكاديمية فى الزقازيق قال منعرفش حاجه واعمل فى اى حاجه
ايه رأيكو مش حاجه تعلى الضغط والسكر والله انا قرفت من التربية والتعليم