مدرس مبتدئ بكرة يكبر

mohamed samiy · #1 13-10-2014, 09:52 PM

عظماء اللغة الافاضل بكل وضوح انا مدرس لسة صغير وباادئ كدة اشتغل ! وتغيير منهج اولى ثانوى لخبطنى فا انا اتمنى نصيحة من اخ كبير ازاى ادرس المنهج دة ! معلش هو طلب رخم بس الكبير لازم يساعد الصغير وكمان لية الاجر والثواب

mohamed samiy · #2 13-10-2014, 11:12 PM

ياجماعة ارجوكم انا كدة اكل عيشى اقسم باللة ف خطر لاانة الطالب مش هايصبر عليا !!!!!!!!

مسيو ابوعمار · #3 13-10-2014, 11:54 PM

اولا حدد اهداف الوحدة علشان متلخبطش الطلبة وماتوسعش عليهم يعنى مثلا فى الدرس صفر انا حشرح الاعداد من1-20 والحروف واعمل عملية تقارب بين اللغتين موضحا للطالب انه عارف فرنساوى من خلال كلما ت بنستخدمها مثل radio ثم شرح الاشياء المستخدمة فى الفصل وممكن تشرح معاهم ادوات النكرة والمعرفة وفكرة عن موقع فرنسا وممكن تكتب الجهات الاصلية وتتكلم عن موقع مصر ثم معرفة علم فرنسا والوانة وعملة فرنساومعرفة الشهور وايام الاسبوع وفصول السنة فقط فيما بعد حتذكر بالتفصيل ثم تحدداهداف الدرس الاول وحتشرح فية التحيات والوداع والسؤال عن الحال والضمائر وتكوين الجملة وافعال المجموعة الاولى وكذلكetre -avoir-s-'appeler- habiter والضمائر التأكيدية moi -toi فقط والضمائر tu -vous الفرق فى استخداهم للمفرد(الاحترام ) وبتنهى الدرس الاول

mohamed samiy · #4 14-10-2014, 01:47 AM

اناا متشكر لحضرتك جزيل الشكر ربنا يكرمك ويوعدك بزيارة الكعبة ويسترك ياارب
لكن سامحنى اولاا اذا كنت شرحت دة سابقا اشرحة تانى .؟ ثانيا اجيب كتاب منين ولا اطبع اللى نزل ع المنتدى ؟

mohamed samiy · #5 14-10-2014, 03:00 PM

اتمنى المشاركة من اسااتذتناا العظاام ارجووكم اناا فى وضع ممكن يدمر واللة العظيم اكل عيشى ممكن اعرف كمان نصايح ؟

منة محمد محمد محمد · #6 21-10-2014, 07:12 PM

موجود فى المكتبات كتاب جينيال وبرافو وميرسى كلهم طريقة العرض واحدة وانت تبدا تلخصها للطالب

مسيو ابوعمار · #7 21-10-2014, 11:14 PM

ممكن تاخد من المنتدى بس راجعه كويس ممكن يكون مستواك احسن من الشخص اللى منزله وبرافوا نزل ممكن تشترية والرزق من عند الله ولاتفرح لشغل ولاتزعل لقلة شغل اعمل اللى عليك والباقى على ربك

hokihoki · #8 24-10-2014, 10:38 PM

اشتغل السنه دى من كتاب خارجى مثل جنيال او مرسى

ثانيا المنهج عباره عن كلمات يحفظها الطلبه و قواعد مش بتختلف مهما اتغير المنهج

الطالب كل همه يعرف يحل الامتحان حل معاه الاسئله الموجوده بالكتب الخارجيه و عدى السنه وفى الاجازه اعمل مذكره بعد متكون هضمت المنهج

واخيرا احب اقولك متخفش كده الرزق من عند الله ومش هتاخد اكتر و لا اقل من الى كتبه ليك ربنا

يعنى سلمها لله و مفيش حد بيتوكل عليه و بيضيع