خلاص احنا هنستسلم والا ايه؟؟؟

[عازفة الوتر الحزين]

ياجماعة انا معرفتش اسجل في المنتدى الايام الي فاتت لكن بجد انا مقهووووووووووووورة ايه الظلم دا وايه الحدود الدنيا دي مش ممكن والله الي بيحصل لينا دا انا بجد مدمرة خالص مش عارفة اعمل ايه اكتر من اني اقول حسبي الله ونعم الوكيل فيهم لييه يدمرونا ويحطمو احلامنا كدة انا جالي بيطري ودا كان اخرشئ اتصوره كان كل حلمي طب اسنان وانا متاكدة اني جديرة بيه مش عارفة اقول ايه بس بجد حرااااااااااااااااام والله حراااااااااام انا كنت في السعودية وقاعدة بحلم باليوم الي هروح فيه مصر واعيش في بلدي من غير ماسمع كلمة تجرحني من حد يعني مش كفاية غربة كدا والا هم عايزين يكملو علينا انا طول عمري بكره السعودية بس انهاردة والله حبيتها واتمنيت ارجع ليها تاني وماعيشش في البلد الزبالة دي الي كلها ظلم وقرف دا حتى الي بيحول يدفع 500 جنيه ليه انشاء الله قاعديين على بنك والا معانا كنوز الارض
حسبي الله ونعم الوكيل

[AHAW2005]

والله العظيم معاكي حق

هل ممكن يكون في العالم بلد أسوأ من بلدنا ؟
مفتكرش

دي اسوأ مكان ممكن الواحد يعيش فيه

مش هنقول غير حسبنا الله ونعم الوكيل
ربنا ينتقم منهم
ربنا ياخد كل ظالم
لو كلنا كدة ندعي عليهم يمكن واحد فينا يكون دعاؤه مستجاب إن ربنا يخلصنا من الحكم الفاسد ده

ربنا يخلصنا منهم يارب

[محمد.فوكس]

لا معلش اللي بيحول بيدفع 1200 جنيه مش 500
و فعلا انا جايلي اكتئاب لما فكرت ان اي كلية الواحد كان نفسه يدخلها خلاص انه يفكر فيها تاني مستحيلة الثانوية لقطة واحدة يا تصيب يا تخيب و طبعا بتخيب مع اكتر من 90% من الطلبة .. قطع الامل في اي حاجة ده اكتر من ال***.
هو نظام الالتحاق بالكليات زيينا ولا في نظام اكتر عدل و تحقيق لأمال طلبة اعتقد انهم صغيرين على انهم يشيلوا هم و تعب نفسي بالشكل ده؟

[روميو العاطفي@الشرقاوي]

معلش خير ان شاء الله يا جماعه


احنا خلاص معدش فايجينا حاجه نعملها ربنا ينتقم منهم حسبي الله ونعم الوكيل

[الملاك الصغير]

والله مهما الواحد يتكلم عن الظلم هو يعنى هيعملوا حاجه هههه ولا حاجه هتتعمل بالعكس متهايئلى دا بيذيدوا ظلم فينا وعموما حصل خير وربنا معاكى وكل اللى يجيبوا ربنا كله كويس