لا تشترى الموبيلات الصينى

kingegy · #1 22-07-2008, 07:47 AM

أسال الى أشترو و شوف و أدخل على موقع مصراوى و شوف الى أشترو عايزين يبيعو بكام بأقل الأسعار
الهم بألغت الهم فأشهد
انتشرت فى الاسواق المصرية مؤخرآ موبايلات صينى فيها تلفزيون او تقليد لماركة نوكيا موديلات جامدة وباسعار رخيصة نصيحة اخوية لا تشتروها اولآ التلفزيون ما بيجبشى غير قناتين والباقى زفت اما عن الجهاز نفسة فهو كفتة تمامآ صحيح شكلة شيك و الشاشة باللمس لكن كموبايل فهو جهاز سورى معفن الصوت وحش وكمان اقصى حجم للاسم بالعربى خمس حروف الا اذا خرجت كارت الخط يوصل ل اربعة عشر وكمان ما عندوش قدرة على الدخول على الكمبيوتر لان مش معاة سى دى مفيش لة برامج ولا العاب حتى الان هوة ميزتة الوحيدة كا ام بى فور السماعات قوية وفية راديو اما عن الانواع الصينى تقليد نوكيا فلا تصدقوا انها نفس الموديل مثلآ النوكيا 95 نازل ب 800 جنية بس لكن الكاميرا مش 5 ميجا بيكسل زى الاصلى هوة صحيح بعض البائعين بيقولوا ويكتبوا كدة لكن بعضهم قال 3 ميجا وواحد قال 2 وواحد قال الصراحة كل الصينى الكاميرا لا تزيد عن 1.3 وعلى فكرة مش مكتوب على العلبة اى تفاصيل ولا على العدسة نفسها و البياع بيكروتك علشان ما تسئلشى كتير وطبعآ مفيش ضمان
الخبر منقول للأفادةKINGEGY

beautyblotyboy · #2 22-07-2008, 08:01 AM

ميرسي علي الافادة

kingegy · #3 27-07-2008, 07:54 AM

اقتباس:

المشاركة الأصلية كتبت بواسطة beautyblotyboy

ميرسي علي الافادة

العفو
كلنا لازم ننصح بعض قبل ما نقع فى الخطا

عاشقـــ الانمى ـــة · #4 27-07-2008, 10:06 AM

هو الصينى ورانا ورانا
شكرا على التنبيه

basmala · #5 27-07-2008, 10:28 AM

ايوه ...معاك حق ..انا واحده صحبتى باباها اشترى تلات موبيلات منه ...بس هو فعلا زى مابتقول بالظبط

هو فعلا فيه تليفزيون وبالمس ..وهو صينى ...بس مش عارفه كان بكام ..ومش عارفه اسمه نوكيا ايه ...!!