هندسة بترول وتعدين ! ... اتفضل :)

[Mohamed Omran]

السلام عليكم ورحمة الله وبركاته


اولاً الف مبروك النتيجة لكل واحد

انا محمد عمران طالب بالفرقة الأولى هندسة بترول وتعدين قسم هندسة البترول إن شاء الله

نخش ع الموضوع

ناس كتير داخلة علمى رياضة عشان هيا بتحب الرياضة وهتموت وتخش بترول

طبعن فى ناس عارفه ايه وضع الكلية وناس دخلوا الكلية قبليهم حكولها عنهم

وناس تانية بتحلم بالكلية من زمان عشان صيطها وفلوسها واللذى منه

انا موجود إن شاء الله لأى استفسار عن الكلية نظامهما دراستها اقسامها ... وهكذا

ملحوظة : مش هقول لحد تعالا الكلية او متجيش ! مع ان معظم الى هتقابلهم من الكلية هيقولكوا متجيش ! والسؤال دا مش هجاوب عليه !

و الي عاوز معلومات اكتر و يتعرف على ناس داخلة بترول يدخل على الجروب دا
https://www.facebook.com/groups/2e3dady.13/

[totopopo]

اولا اشكرك على الموضوع
ابنى كان نفسه يدخلها بس للاسف جاب السنة دى 98.29 يا ترى فيه امل وممكن تقولى ايه مميزاتها

[XxAmRxX]

انا جبت 99 و حتى لو مجموعى كان جابها مكنتش هخشها لأنى شايف نفسى فى الهندسة العادية احسن بالمسطرة الطويلة و القلم الرصاص و الشييت الابيض الكبير

[Mohamed Omran]

المشاركة الأصلية كتبت بواسطة totopopo

اولا اشكرك على الموضوع
ابنى كان نفسه يدخلها بس للاسف جاب السنة دى 98.29 يا ترى فيه امل وممكن تقولى ايه مميزاتها

الف مبروك اولاً

مش هقدر اتكهن بالتنسيق خصوصن ان مجاميع الرياضة وقعت شوية السنة دى

مفيش ممزات غير ان زى ما حضرتك عارف لو حصل ولقيت فرصة عمل فمرتبها هيكون ميزة

مع العلم ان ممكن اى مهندس مميز فى اى قسم ممكن يتوظف بمرتب اعلى من مهندس البترول

[Mohamed Omran]

المشاركة الأصلية كتبت بواسطة xxamrxx

انا جبت 99 و حتى لو مجموعى كان جابها مكنتش هخشها لأنى شايف نفسى فى الهندسة العادية احسن بالمسطرة الطويلة و القلم الرصاص و الشييت الابيض الكبير

الف مبروك اولاً

ثانياً احنا بناخد رسم بالمسطرة الـ t والقلم الرصاص والشيت الابيض

[issac-newton]

يـثـبـت للأهـمـيـة و لـلـعـلـم مـحـمـد عـمـران مـن أوائـل دفـعـة بـتـرول

[عمرو صال]

ماشاء الله الله أكبر
ربنا يوفقوا اكثر واكثر باذن الله
بس انا عندى استفسار
انا الحمد لله جبت 99.3 بس كل ما اسال واحد على بترول وتعدين
يقوللى انا ندمت انى دخلتها .. مش عارف ليه
بيقولوا محناجة وسطة كبيرة والاولوية لايناء المحافظة ثم لابناء العاملين
وبعدين بتوع محافظة السويس مبتخدش عندهم من مجموع عالى زينا
المهم انا الكلام ده كله خلانى اخد جنب منها شوية
زيادة انى والدى ووالدتى مش عايزينها علشان السفر وكده_ انا من القاهرة _ بس هى ديه الحكاية كلها
فانا عايز اعرف وجهة نظرك يا بشمهندس

[مصرى و افتخر]

لو سمحت انا الحمد لله السنه دى كنت فى تانيه وجبت مجموع 99% الحمد لله وناوى السنه الى جايه احافظ عليه وكمان اعليه ......بس كنت عايز اعرف من حضرتك هى هندسه بترول بتقبل طلبه من شعبه علمى علوم فى ثانوى عام ولا لا ؟!!

[عبدالرحمن حسين خليل]

ياريت تقولنا يا باشمهندس مميزات الكلية دى وعيوبها وايه الى بيشتكى منه الطلبة علشان فى ناس يامه جدا بيشتكوا منها وشكرااااااااااااا وأنا صراحة خايف أكتبها رغبة أولى وأندم بعد كدة ياريت تساعدنا

[السيد فتحى2]

السلام عليكم و رحمة الله و بركاته
ممكن اعرف من حضراتكم توقعاتكم لمجموع كلية هندسة بترول الحد الادنى للقبول من الثانوية العامة 2012
لانى بصراحة قلقااااااااااااان جدا و مرعوب جدا و اكيد انتو مريتو بالقلق ده فيا ريت تفيدونى بشيء .

انا عاوز احط صور فيها احصائيات للناجحين و المجاميع فى الثانوية العامة بس انا مش عارف لان لازم عدد مشاركات معين على العموم التقارير دى على موقع اليوم السابع .. هتلاقو فى الجنب نتيجة الثانوية العامة اضغطو عليها هتلاقو التقارير فى الصفحة .

يا رييييييييت تفيدونى بخبرتكم ارجووكم

[khadija samy]

انا بفضل الله جبت98.17 عارفة ان هيه ممكن متلحقش الكلية دى بس لو ربنا قدر يعنى..... هل الكلية تنفع للبنات ولا لأ ؟......مع العلم انى من محافظة بعيدة جدا عن السويس

[يوسفباشا]

السلام عليكم ورحمة الله وبركاته
انا كنت عاوز بس اسالك يا باشمهندس عن موضوع السكن هناك بيتم ازاى وكدا ؟؟
وياريت كمان نعرف عيوبها ؟؟ لان انت كاتب مش هقول لحد يجى او ميجيش بس انا شايف المفروض انك تنصحنا بعيوبها واحنا ان شاء الله نشوف هل العيوب دى تتوافق معانا ولا لا ؟
لكن لما ندخلها ونتصدم بعد كدا اظن مش هيكون افضل ابدا من انك تقولنا من دلوقتى
وشكرا ليك جدا يا باشمهندس

[phpx_f4e]

هل فعلا يتم تعيينك بمجرد التخرج أو يتم تدريبك فى السنة الأخيرة مثلا ب5000 جنيه
حسب ما سمعت
+ ما أوضاع السكن هناك وهل الدراسة اصعب من الثانوى ام لا
وجزاك الله كل خير

[The Egyptian Hulk]

ما هي افضل اقسام الكلية

[mizo1166]

هندسة بترول متوقع تأخد من كام السنادي ؟