التعريف بالسنة الاولى للجدد فى كليه حقوق

[mohamed_body_gamal]

انا اول لما عرفت انا نتيجة التنسيق ظهرت قولت اعمل الموضوع ده لطلبه كليه الحقوق الجدد طبعا فى ناس هتكون زعلانة عشان دخلت حقوق وفى ناس اختارت الحقوق بارداتها وحباها (على فكرة اللى يحب الكليه الكليه تحبه ههههههههه) وسيبك من الكلام المنتشر ان الكليه صعبة والناس مش بتنجح الكلام ده مش صح (ان الله لا يضيع اجر من احسن عملا ) اهم حاجة فى الكليه محاضراتك ومذاكرتك وبردو تعيش حياتك فى نفس الوقت
انا عارف ان كل اللى داخل الكليه والجامعة اخر حاجة بيفكر فيها المذاكرة وعايز يتعرف على بنات كتير طبعا ويعيش الحياة اللى رسمها فى خياله
المهم انك تعيش حياتك وفى نفس الوقت متاثرش على مذاكرتك هتقولى ازاى يا ناصح ؟
انا اقولك ازاى
اول حاجة المفروض انك تحضر كل محاضرتك بغض النظر عن اسم الدكتور او الدكتور رخم او لذلذ وكمان وقت المحاضرة كلها ساعة واحدة او ساعة ونصف بالكتير اوووووى وبعدين اليوم بيقى فيه محاضرة واحدة ماعد يومين فى الاسبوع بيبقى فيهم محاضرتين يعنى وقتهم مش هيفرق معاك فى الجامعة وبعد المحاضرة اعمل اللى انت عايزه فى الجامعة واول لما تروح بليل اقرا المحاضرة قبل ماتنام ونام وكل اسبوع اقرا محاضراتك اللى كتبتها ومذكرتش الا قبل الامتحانات بشهر اوك دى ازاى تعيش فى الجامعة
التعريف بقا بالسنة الاولى
اول حاجة مواد الترم الاول
مدخل العلو القانونيه
المنظمات الــــدوليه
اجــــــــرام وعقــاب
تــــــــاريخ قـــــانون
الشريعة الاسلاميه (ودى مادة ممتدة يعنى ايه مادة ممتدة يعنى هتدرسها طول السنة ومش هتمتنحنها فى الترم الاول بس هتمتحنها فى الترم التانى بس )
النظم السياسيه والقانون الدستورى (ودى مادة ممتدة بردو)
المواد دى من اسهل المواد بس بتطلب التركيز شويه ولازم تهتم اوى بالمدخل والمنظمات عشان دول اصعب المواد فى الترم الاول مش معنى كدا انك تهمل باقى المواد بس التاريخ مادة لذيذة اوى والاجرام والعقاب مادة سهلة
تقسيم مواد الترم الاول
اول حاجة المدخل بتكون من جزين (نظريه الحق - نظريه القانو ن)
ثانى حاجة المنظمات الدوليه ودى جزى واحد بس طويل شويه
طبعا الاجرام والعقاب باين من اسمها انها جزين ( علم اجرام - علم عقاب ) والشريعية بتتكون من جزين (المدخل للشريعيه - العقود)
والنظم السياسيه والقانون الدستورى بتتكون من جزئين (نظم سياسية - وقانون دستورى )والتاريخ دى اكتر مادة هتحبها فى الترم الاول
عندنا مواد الترم التانى
الشريعية الاسلاميه (مادة ممتـــــــــــــــــــــــــــدة)
النظم السياسيه والقانون الدستورى (مادة ممتـــــــــــــــــــــــدة)
الاقتـــــــــــــــــــــــصاد
احوال شخصيه لغير المسلمين
لغة
وهتكلم عن المواد اللى بتزيد فى الترم التانى
الاقتصاد مادة محتاجة تركيز بس والاحوال دى اسهل مادة انتى هتقبلها فى الكليه واللغة دى مش بتضاف للمجموع وانما فيها نجوح وسقوط وهيه سهلة اوووووووووى وممتعة
وطبعا كل واحد هيحتار يذاكر منين كتب ولا ملازم
بصوا ده موضوع سهل اوووووووى
بصوا طبعا محدش فى الكليه كلها بيذاكر من الكتب وكلة بيذاكر من ملازم بس اللى هيذاكر من ملازم هما مكتبتين بس ( مكتبة المتحـــــــــدة - مكتبه القبــــــــــــــــة)
والاتنين زى بعض مفيش بينهم فرق
بس اهم حاجة قبل الملازم انك تكون معاك محاضراتك وعارف فيها ايه
انا نفسى مشيت بالنظام ده فى الكليه وطالع بتقدير جيد جدا والله الموافق وارجو تثبيت الموضوع عشان كل اللى الطلبه الجدد تتعرف على الكليه





كل وسنة وانتم طيبين ............. اسال الله العظيم رب العرش العظيم ........... ان يجلعنا فى شهره من عتقاءه من النيران ............ ومن الفائزين الابرار .......... اللهم امين اللهم امين اللهم امينBookmark