بعد ما ضاع مستقبلي والحمد لله هاخد رأيكم ممكن؟!!!!

[ahmed_hesham120]

بسم الله الرحمن الرحيم

انا كنت خريج ثانوية عامة السنة اللي فاتت وجايب 70% وجايب 37.5 في الانجلش و40 في الفرنساوي وبعدين ملحقتش الانترفيو بتاع كلية سياحة وفنادق فدخلت جامعة مفتوحة كلية تجارة لحد ما احول سياحة وفنادق السنة اللي بعديها ومجموعي كان جايبها ..........

وهنا المفاجأة

قالولي في مكتب التحويل كان لازم تعمل الانترفيو السنة اللي فاتت فقولتلهم بذكاء ابوكم دا انا لو كنت عملتو مش كنت دخلتها صح!!!!!!!!!!!!
قالولي هوا كدا وهوا دا اللي عندنا واتفضل مطعطلناش وطردة الكلاب يا معلم.

طبعا انا كنت هدخلها علشان ادرس لغات وبالاخص الماني فقولت ادخل معهد عالي لغات في مدينة الثقافة والعلوم ومجموعي جايبو بس مش عارف هل معتمد ولا لأ وهل الدراسة فيه مظبوطة ولا هتش وهرجلة زي معاهد كتيييييييييييير ارجوكم ساعدوني لا محتاااااااااااس جدا وحاسس ان الدنيا كلها كارهاني وكاره نفسي .

[ahmed_hesham120]

ايه يا جماعة محدش ناوي يساعدني لوجه الله كل دي مشاهدات ومحدش رد حرام والله

[mohamed^ salah]

طيب ماتدخل تجاره انجلش اكادميه اخبار اليوم بتاخد 37.5 يعننى 75 فى الانجليزى احسن من لغات وعموما مدينه الثقافه والعلوم جميله انا هدخلها حاسبات

[mohamed^ salah]

ده اللينك بتاع صفحتى على الفيس اعملى اد وانا هسعدك انا تقريبا اعرف كل حاجه عن الحاجات الخاصه https://www.facebook.com/profile.php?id=100001449984314