مشجع أهلاوي بين عام 2006 و عام 2010

[Golden Eagle]

بسم الله الرحمن الرحيم

ندخل ف الموضوع ع طول

طبعا كل واحد و هو بيتفرج ع فريقه ( ف حالتنا الأهلي ) بيتفاعل مع الماتش و يحس بحاجات كدا مختلفة و الحاجات دي بدأت تختلف 180 درجه ما بين عصر الكينج و العصر الحالي

نفندها

في حالة لما يكون الأهلي بيدافع :

في عصر الكينج :

1 - مستني الهجمة تخلص علشان الأهلي ياخد الكورة و يجيب جون لأنك متأكد بنسبة 100 % إنها هاتتقطع ( بإستثناء الفرق التقيلة قوي بتبقي النسبة 80 % بس )

2 - ثقة كبيرة في إنتشار المدافعين و الأداء الدفاعي ( المدافعين ف العهد دا شالوا أمير عبد الحميد و صعدوا بيه كأس عالم للأنديه )

في العصر الحالي :

1 - مستني الكوره تتشتت ولا اللاعيب يقلش علشان ما يدخلش فينا جون

2- رعب من الكرات العرضيه

3 - رعب من أي مواجهة واحد لواحد في حالة وجود أحمد السيد

4 - رعب من الضربات الثابته بأنواعها

لحظة قطع الكورة و التحول من الدفاع للهجوم :

عصر الكينج :

1 - الوصول للمرمي بأقل عدد من التمريرات

2 - دقة ف التمرير

3 - إنتشار جيد

4 - سرعة ف الإرتداد

العصر الحالي :

الكورة المقطوعه مش بتتعمل مرتده و ذلك للأسباب الآتيه :

1 - يا إما بتطلع برا و عقبل ما حد يرمي الكورة من ورا الجون يكون الدفاع رجع

2 - يا إما شريف إكرامي يمسك الكورة يقوم يديها للمدافعين بتوع الفرقة التانيه تاني علشان يدربوه

3 - لو ربنا كرم الدفاع و قطع الكورة يبقي التمرير بطئ جدا ً و غير مفيد و نادرا ً لما يكون في تمرير لقدام

4 - تمرير غير دقيق

5 - كل اللاعيبة بتكون بتدافع أصلا ً و مافيش حد قدام يستلم كورة

ف حالة الهجوم بقي :

عصر الكينج :

1 - توظيــــــــــــــــــــــــــــــــــــــــــــــ ـــــــــــــــــــــف جيد للاعيبة يعني كل واحد ف مــــــــــــــركــــــــــــــــــزه اللي بيلعب فيه أصـــــــــــــلا ً

2 - جــــــــــــــمــــــــــــــل تــــــــــــــكــــــــــــــتـــــــــــــيـــــ ـــــــــكــــــــــــيـــــــ ـــــــة تحسسك إن اللي واقف برا مدرب مش ماكنة حلاقة

3 - حلول مظبوطة للتكتل الدفاعي باللعب علي الأطراف

4 - وجود صانع ألعاب يوصل للمرمي بتمريرات بسيطة

العصر الحالي :

1 - بنرص الـ 11 نجم و نقول يلا يا ولاد بغض النظر عن الأماكن ( مش هاستغرب لو لقيت محمد فضل قلب دفاع ........ أصله طويل و هايريحنا م الكور العرضيه زي خطة اليابانيه كدا بالظبط )

2 - لعب أشبه بكرة اليد كل لاعيب بيباصي للي جنبه علي طول ( إحنا ف اليد بنعملها أسرع من كدا بكتير و بنخترق الدفاع ف الآخر )

3 - الأهداف تحرز من مهارة فردية في المراوغة أو تمريرة من لاعب ذكي و أحيانا ً تصويبة لكن أبدا ً من جملة تكتيكية

4 - عدم وجود غزارة في الصندوق و اللعب بمهاجم واحد ( اللي هو مش مهاجم أساسا ً )

5 - عند تحليل طريقة تحرك اللاعبين و معرفة الخطة ستجد أنها " إلعب و ربنا يسهل "

خلصنا الموضوع

إترك تعليق

و كلمة بسيطة تجعلني أزداد في العطاء

و هنيالك يا فاعل الخير و الثواب لله

[Golden Eagle]

مش ملطوش دا أنا اللي كاتبه

[مدرسة الانجلش]

عصر الكينج وعرفناه الي هو جوزيه

العصر الحالي عصر مين بقي نسيت تسميه

علي العموم كلامك صح

فرق كبير بين عصر الكينج جوزيه

وعصر اللي ما يتسمي البدري اللي لسه عليه بدري

[مدرسة الانجلش]

وبرغم الاداء الهزيل والنتائج السلبية لسه بحبك وهفضل احبك واموت في حبك يا اهلي

اعمل ايه ما انت قدر مكتوبلي اعيشه

[Golden Eagle]

دا إحنا كان مضحوك علينا من شوية مطبلاتيه و الله
بس ربنا يكرمه و يوصل دور الـ 4 و خلينا ورا البدري لحد باب الدار
نورتي يا ميس

[Haneen_Riri]

والله عندك حق بس هنعمل ايه خلينا لما نشوف اخرتها ايه مع البدرى اللى هيخلص عليا بدرى

[LoOoLy El Treikawya]

على فكرة انا بكره جوزيه

واصلا النادى الاهلى هو اللى عمل جوزيه وفلافيو وامثالهم



بس طبعا الف شكر لحضرتك على التوبيك

[MR : ABO BATTA]

أخرتها خير بإذن الله

[Golden Eagle]

المشاركة الأصلية كتبت بواسطة LoOoLy El Treikawya

على فكرة انا بكره جوزيه

واصلا النادى الاهلى هو اللى عمل جوزيه وفلافيو وامثالهم

أن أن أن آآآآآآآآآآآآن
مفأجة دي
في أهلاوي ف العالم يكره الكينج ؟؟؟
و بعدين جوزيه دا صقر كبير
له ف الجبال علامات
جوزيه
دا كان فاضله يومين و صورته تنزل ع الجنيه بس للأسف الجنيه الورق إتلغي
+
الراجل ماشي كويس جدا ً ف السعودية كسب كل الماتشات مع إنه معاقب محمد نور نجم الفريق
أكيد القواعد ف الأهلي ساعدته كتير بس هو برضو كينج و الدليل عم الحج اللي قاعد دا القواعد موجودة برضو بس هو مش مدي النتايج اللي إحنا عايزينها

بس طبعا الف شكر لحضرتك على التوبيك

................................

[Golden Eagle]

المشاركة الأصلية كتبت بواسطة ابو بطة

أخرتها خير بإذن الله

يا رب يا أبو بطة
هو يمكن فكر غلط
قال مع إبراهيم حجازي إنه لما فتحي إتصاب نزل بداله مدافع علشان ما يخسرش الماتش
يمكن لما يكون ما فيش بديل غير الفوز يتنحنح شويتين ولا يتنحرر ولا يعمل أي منظر

[MR : ABO BATTA]

بإذن الله الأهلي في المربع الذهبي مؤقتا وبعد كدة ربنا يفرجها

[eng mostafa mahmoud]

يا جماعه ماتصبروا شويه على الاعبين والبدرى
انتو نسيتوا ان النادى الاهلى هو اللى بيصنع النجوم مش النجوم اللى بتصنه الاهلى
وبعدين الاهلى فريق الصعاب
وان شاء الله هناخد الدورى ودورى الابطال ونروح كاس العالم وناخد مركز كويس كمان

[lovely-girl5100]

2 - يا إما شريف إكرامي يمسك الكورة يقوم يديها للمدافعين بتوع الفرقة التانيه تاني علشان يدربوه

5 - عند تحليل طريقة تحرك اللاعبين و معرفة الخطة ستجد أنها " إلعب و ربنا يسهل "

هههههههههههه خلاااااص مش قادرة لا بجد تحليل ميه ميه

الله يرحم ايام جوزيه كانت احلى ايام وكنا بنجيب اجوان ومستريحين

دلوقتي بنفوز بالعافية وبدعاء الوالدين
متفكرونيش هعيط

[بلالل]

[quote=Golden Eagle;2611662]

2 - جــــــــــــــمــــــــــــــل تــــــــــــــكــــــــــــــتـــــــــــــيـــــ ـــــــــكــــــــــــيـــــــ ـــــــة تحسسك إن اللي واقف برا مدرب مش ماكنة حلاقة

والله دمك زى العسل

[LoOoLy El Treikawya]

أن أن أن آآآآآآآآآآآآن
مفأجة دي
في أهلاوي ف العالم يكره الكينج ؟؟؟
و بعدين جوزيه دا صقر كبير
له ف الجبال علامات
جوزيه
دا كان فاضله يومين و صورته تنزل ع الجنيه بس للأسف الجنيه الورق إتلغي

تحب أفكر حضرتك بمباراة الاهلى فى انجولا؟؟ بتاعت الكونفدرالية الافريقية

هو مين اللى اتعمد انه يخسر الاهلى وخانه غير جوزيه دة



بجد بجد بدون حلفان الحاجة الوحيدة الحلوة اللى فى جوزيه ان ابو تريكة بيحبه

لكن اصلا الاهلى هو اللى عمله وعمل فلافيو

فلافيو دة لحد ما مشى مش بيعرف يشوط الكورة برجله (( فاكرين ضربة الجزاء اللى جوزيه خلاه يشوطها؟؟ هههههه))

وكان جاى الاهلى ملوش فى حاجة اصلا