تفاصيل عن جميع وظائف السياحة والفنادق ( متجدد )

[Eslam_Tourism]

المشاركة الأصلية كتبت بواسطة sympathique

هاااااايل

ربنا يكرمنا بقى ونشتغل

هانت هانت ,,, كلها سنتين ولا 3 سنين وربنا يكرمنا ونشتغل وظيفة محترمة بمرتب كويس .

[Eslam_Tourism]

( منظم الرحـلات والبرامج السياحية )
Tour Operator

- شروط الوظيفة : الاولوية لخريجى السياحة والفنادق وخصوصا قسم الدراسات السياحية وايضا لخريجى كليات الالسن , وكمان لازم اجادة الانجليزى او لغة تانية وكمان الكمبيوتر , وغالبا بيشترط الخبرة السابقة فى اى شركة سياحية .


- المميزات : مرتب حلو - وظيفة غير مرهقة الى حد ما - وظيفة متوفرة .

- العيوب : لا يوجد عيوب تقريبا .

- طبيعة العمل : يقوم الـTour Operator بتنظيم الرحلة او البرنامج السياحى التى سوف يقوم به الفوج السياحى او المسافرين من حيث مكان الاقامة ونوعها وكيفية الاستجمام والزيارات التى تتضمنها الرحلة او البرنامج ....وغيرها ثم يقوم بتوفير مندوب شركة السياحة والمرشد السياحى والسائق

- متوسط المرتب : يختلف الراتب من شركة لاخرى واحيانا صغير واحيانا كبير , يعنى الصراحة مقدرش اقول راتب معين , بس اكيد مش هيقل عن 700 جنية مصرى .

[riham_eg]

ميرسى اوى على المعلومات
مجهود رائع

[eslam_2009]

( قائـــد الرحلــــة )
Tour Leader

- شروط الوظيفة : الاولوية لخريجى السياحة والفنادق وخريجى الالسن واللغات ويشترط المظهر الحسن واللباقة والثقافة وسرعة التصرف واجادة احدى اللغات اجادة تامة

- المميزات : اللغة اللى معاك عمرها ما هتضيع منك لانك علطول مع السياح - مرتب كويس

- العيوب : وظيفة مرهقة شوية - ساعات العمل طويلة .

- طبيعة العمل : وظيفة الـTour Leader يختلف معناها غالبا من شركة لاخرى يعنى فى شركة هو اللى بيقوم باستقبال السيــاح من المطار وياخذهم الى المطاعم والامكان المشهورة اى انه مرشد ومندوب للشركة اللى شغال فيها او بمعنى اخر مرافق للفوج السياحى فى رحلاتهم وتنقلاتهم .

- متوسط المرتب : يختلف الراتب من شركة لاخرى بس المرتب فى المجمل بيبقى كويس وكمان بيبقى فى عمولات يعنى من الاخر لا يقل عن 900 جنية تقريبا

[eslam_2009]

انا ضيفت وظيفة جديد يا eslam_tourism وهى وظيفة موجودة فى مجال السياحة بس مش اوى وهى الـTour Leader ,, ممكن تكون ناسيها