هو صحيح طبع المصريين كده ......؟

[shimaa2009]

المصري هو اللي لو عمل حاجة حلوة يبعت لجاره طبق يدوقه

وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت


وهو اللي لو سمع صوت زعيق وخناق عندك يجي يصالح


وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه

وهو اللي لو اتفرط منك كيس الجوافة في الشارع يقف يلمّ معاك









المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك

و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص
جنيه



المصري هو اللي يقعد معاك ع الفطار في رمضان
هو اللي يشتري بالونات لولادك في العيد
هو اللي يقف جنبك وانت بتدبح الاضحية
هو اللي يباركلك لما ابنك يجيب مجموع ويساعدك يجيبله شغلانة


هو اللي ييجي يقولك تجيب كشاكيل و أقلام بالجملة عشان توفر المصاريف







هتقولي هما كل المصريين كـــــــده
هاقولك لا



بس أي مصـــــــــــــري حقيقي و اصيل لازم يكون كـــــــــــــده
لان طيبة المصري مش ممكن تلاقي زيّها فى اي بلد تانية
مش كده ولا أيـــــــــــــــــــــــــــــــــــــــــــــه.. ...
مما راق لي

[Sηeeη Oмяŀ]

فعَ‘ـلـآ طَبعِ لـآ يمكنْ حدَ يتخيـله فىِ أى مكانٍْ تآآنيِ
بجد سبحـآآنِْ الله .. شجآآعهِْ وأصآـآإله وجَدع‘ـنهْ بَطِرِيقهِ رِهيـبهِْ
وِديِ حآآجهِْ أكيدَِ فطرِيـهْ عَِ ـشآآنِْ كدهـ مهماآ جَ‘ـت أج‘ـيآآلْ وِرِآحتِ أجيآآلْ
الطِبعِ هوَـآ هوآآ ومشِْ هيتغيرِ.,
مشكَوِرِهـ عَلى التوبيكْ الروِعِه وفعَـلآآ نفتخرِ إننآآ مصريـينْ

[د.عبدالله محمود]

كنــــا كده

[Gi!DO]

المشاركة الأصلية كتبت بواسطة طالب الفردوس

كنــــا كده

لالالالالالالالالا
اللي فيه طبع عمره مايغيره ..‏‎
‎

[scream angle]

ده المصرى سنة كاااااااااااااااااااااااااااااااااااااااام

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!

[Aya Abdelrahman]

أكيــد كلـآمكـ صحيـح .. وكويس جداً إنكـ ذكرتـي {آلمصرييــن}

أيآم مآكآن آلمصري مصري بس دلوقتي أصبحت آلغآلبيهـ آلعظمـى {مهجنيـن}

وللـأسف القيآدة آلفآسدة جعلت آلمصري لـآ يقآتل طبعهـ فقط أخوهـ آلمصري كمآن

بس أكيــد آلطبــع غلّـآب وآلمصري مصري مهمـآ آندس فيهـ مهجنيــن يعكسـوآ آلحقيـقة دي

مصريــة وأفتخـــر

[marmora alamora]

ده كان زماااااااااااااااااااااااااااااااااان


لما المصرى كان مصرى بجد انما الوقتى المصريين شاطريين فى الفوضى وبس

موضوع جميل بس كنت اتمنى اننا كان يبقى فينا الحاجات الحلوه دى

دا الوقتى الجار مش طايق جاره عايز يطفشه من الشارع وخلاص

[العريفى]

السلام عليكم ورحمة الله وبركاته
أن مصرى وأفتخر بأننى مصرى وأقول :مشكلة الشخصية المصرية أنها مختلطة ،شخصية المتناقضات ةلكن الطبع الغالب أنها شخصية محبوبة تحب التآلف والمرح ..إلا أن ويلات النظام السابق هى التى جعلت الغالبية العظمى منها الآن تطغى بسلبياتها على الجوانب الحسنة التى نفتخر بها .
ومن يقل أن الشخصية المصرية تسير فى مهب الريح فليذهب لطبيب أعين وليلبس نظارة جديدة تليق بنظره الضعيف

[الأستاذة / أم أمل]

المصرى الأصيل عمره ما يتغير

ويظهر معدنه وقت الجد

تحياتى لكى

[نووونا]

كنا كده
قبل الدنيا ما تلهينا حتي عن اقرب الناس لينا
كنا كده لكن للاسف دلوقتي الوضع اختلف
الا من رحم ربي

[مروه]

أنا بجد محستش بطيبة المصريين غير لما اتعاملت مع ناس تانيه مش مصريين

بجد شعب مصر أطيب وأجدع شعب شفته فى حياتى وما زال

مصرية وفخورة انى مصرية وأفتخر بشعب مصر

تسلم ايدك يا شيماء على الموضوع

[هاوى إبداع]

الحمد لله شايف دا كله بيحصل بجد

جايز عشان ربنا رزقني بمكان كويس وناس كويسه

او لاني من الريف

بس الكلام دا كان بيحصل اكتر من كدا زمان ايام الاجداد

وبرده سافرت وشوفت اماكن الاخ ميعرفش اخوه


بلدنا فيها خير كتير

وفعلا النظام المستبد هو اللي حاول او قدر انه يمسح الحاجات الكويسه دي

من قلوب ناس كتيره

بس ربنا كبير جدا

مصري وافتخررررررررررررررررررررررررررررر

[راغب السيد رويه]

جزاك الله خيرا

[راهيم]

مصر بلدى احبها من كل قلبى

[ahmos_123]

انا مكنتش عايشة زمان و معرفش المصرى زمان كان عامل ازاى !
لكن دلوقتى انا مش شايفة المصريين فيهم اي حاجة من اللى انتى كاتبه ده