بخصوص التظلم ضرورى لوسمحت

[commander]

لو سمحت ياجماعة انا دفعت فلوس التظلم فى فرع البنك الاهلى وادونى وصل اعمل اية تانى

ردوا علية لوسمحت عشان انا ....................

[eng_aya]

طب بعد اذنك انا كمان عيزه اعمل تظلم بس مش عرفه اعمل ايه خالص اروح فين والمبلغ كام بعد اذنك

[arwaaa]

رد العضوة travel على العضوة rinad بخصوص هذا الموضوع

لو انتى فى القاهرة
علشان انا منها
بتروحى ادارة الامتحانات ويكون معاكى ولى الامر
(باباكى او مامتك)
وتكتبى شوية بيانات
اسمك ورقم جلوسك وتليفون البيت
وبعد كده بتروحى بنك (مش فاكرة اسمه)
تدفعى 100 باوند
وتاخدى ايصال وتروحى تاااااااااااااااااااااااااااااانى
ادارة الامتحانات
تعرفيهم انك دفعتى وتديهم الايصال اللى معاكى
وهما هيقولولك تيجى امتى

وكل اللى بيحصل
انهم بيجوبولك ورقة الاجابة بتاعتك بس مصورة
واتفرجى بقى على الحلو كله
وبيدوكى ورقة تكتبى فيها الشكوى بتاعتك

وتتابعى ايه النظام على التليفون
معاهم

اما بالنسبة لدرجة الفيزيا
انا مش مصدقة والله لسه ان دى درجتى
لما اصدق هقولك والله
لانى حاسة انى فى كابوس منها
اهم حاجة فى الموضوع ده
انك تكونى رشيقة اوى
لانك هتلفى مصر كلها (مشوار جااااااااامد جدا)
وربنا يكرم
وهبقى اطمن عليكى برضه

[Elmobd3]

اولا بتروحى تدفعى 100 جنية فى اى فرع للبنك الاهلى

باسم صندوق دعم و تمويل المشروعات التعليمية و بتاخدى وصل بكده

و بعد كده تروحى ل لجنة النظام و المراقبة التابع لها مدرستك

انا فى مدرسة السعيدية فى الجيزة و لجنة النظام بتاعتى مدرسة السنية فى السيدة زينب

المهم ممكن تسالى فى المدرسة عنها

و بتروح للجنة بالوصل ده و بيديكى ورقة تكتبى فيها اسمك و رقم الجلوس و عايزة تعملى تظلم فى ايه

بياخدها و يديكى ورقة يقولك تعالى يوم كذا غالبا بعد اسبوعين علشان تشوفى كراسة اجابتك

بيديكى صورة من كراسة اجابتك و معاها ورقة تكتبى فيها الملاحظات

بتشوفى مثلا الحته ده منقصك عليه او غلط و هى اصلا صح او المجمع غلط كده

تكتبى بقى فى الورقة مثلا يرجى مراجعة الجزئية كذا من سؤال كذا حيث انها صح و الحوار ده

هياخدوها منك و لو ليكى حاجة هيتبعت لك جواب على عنوانك و تروحى تاخدى تعديل بالنتيجة و هتاخدى ال 100 جنية
بس بعد مواااااااال

ارجو اكون افدتك