ايه اللى بيحصل دا ؟؟؟؟؟

[smsmzeros]

سؤال غريب تقريباً كل يوم بسألو لنفسى لما اتصدم فالواقع وفالدنيا اللى عايش فيها
وكل ما اشوف حاجه غريبه عليا مكنتش متوقعها
انا هنا هذكر مواقف سالت نفسى فيها السؤال دا
اللى عايز يقول موقف عادى يتفضل

[bright stars]

امممممممممممم موضوع جديد؟
ماشي يارب متسيبهوش بعد يومين زي ناس كده بطلت تكتب
مستنيين المواقف.......................جاري الانتظار.........

[bright stars]

امسح شوية رسايل

[Engineer ..]

موقف شوفته عندنا من 6 سنين ...
واحد شال ابوه ورفعه ورماه ف الأرض ...

صوعقت جداً من المنظر ومقدرتش أتكلم ولا أقول حاجه وحسيت بإنكسار في أضلعي وقلبي وقع من هول المنظر ! ...

هنضربه ازاي الواد ده ؟ دا حتى الضرب مستحيل يعمل معاه نتيجة ... دا *** وعقوق وتعالي وتكبر على حق الله
وشتم الأب والأم بأبشع ما تسمع من ألفاظ ...
ياااااااااااااربي للدرجة دي؟ ... بصراحة إلى الأن مش قادر استوعب المنظر والله ،،،
على فكرة الواد ده ربنا ابتلاه بالجنون ودخل مستشفى الصحة النفسية ولسه خارج منها قريب واتجوز لأن حالته دعت الى ذلك ! ... بس ليه ايه اللي بيحصل ده ؟ الله أعلم وله في ذلك حكمة ...
من المواقف الكثيرة التي تعرضت لها وأنقصت من وقتي الكثير لطيلة تفكيري فيها,,,

[د/نداء الجنة المصرية]

السؤال ده بقالى سنة كل شوية اساله لنفسى طول ماانا شايفة الناس بتتصارع على الدنيا بكل قوة بقول ايه ده الناس دى ماقراتش ان فى اخرة لما بلاقى حد بيتعصب لرايه بقول حصل ايه فى الدنيا لما الناس تتكلم فى الدين وهى مش فاهمة حاجة وتخلى رايها كانه فرض على الناس والاقى الناس كلها بقوا كده لما الاقى ناس بتخاصم بعضها عمر طويل وهم اهل مع انى مش بقدر اخاصم واحدة صاحبتى 3ساعات لمجردانى عارفه انى حرام مسلم يهجر اخاه فوق3ايام لما الاقى الناس بتتمسك بالفلوس لماالاقى النفاق بقى بين الناس امر عادى وكاننا فى غابة لما احس ان الشر بقى فى نفس كل الناس اللى حوالينا والكدب بقى على لسان كل الناس لما الاقى حتى اللى بيتكلموا بالدين كل كلامهم بيخلينى احزن انهم بيوصلوا للناس الدين غلط ولما احس انى ممنوع اقول ده ولما شفت النهارده فى التلفزيون مستشفى الدمرداش وهى محطمة بسبب هجوم ناس عليها ومستشفى فى المحلة ناس هجمواعليها و***وا مريض دبح كده ودمه على الارض لما الاقى الجريمة بقت فى كل مكان عادى خالص لما ولما مواقف كتيييييييييييييييييييييير جدا بتخلينى اقول هم الناس كلهم بقوا يمثلوا الشر خلاص انتهى الخير؟هو ايه اللى بيحصل ده؟

[مريم السباعى.]

امممممممممم لا سؤال صعب بجد لانه تقريبا بنقوله ميت مرة فى اليوم خصوصا لو خرجت فى الشارع وشفت الناس وعمايلهم ولو دخلت البيت وشفت نفسك واحولها حاجات كتير بتخلينات نتعجب ونتحير ونندهش
لاما فى حاجة جميلة قوى قوى لدرجة الاندهاش ودة نادر طبععا بس موضود برضه لاما النوع التانى وهو بنندهش لدرجة اننا نحس اننا حنتشل من الدهشة ودة الغالب
بقولها
هو بصراحة لسة قيلها امبارح كنت نزلت اشترلى لبس لما بصيت على الناس الى ماشية ولبس البنات والاستيل بجد قلت ايه الى بيحصل دة بملئ فمى
مش بس البس تح سانه ليس له علاقة بلبس مسلمة فقط لا دة كمان فى رمضان لبس مستفز بطريقة بجد مقرفة ا علبشان بس تلاقى وحدة لبسة الزى الاسلامى او حتى حجاب شرعى بالمعنى نادر قوى تقريبا يتعدو على الصوابع لدرجة وتدعو الى الذهول

قولتها لالما جيه رمضان السنادى حاسة انه غريب حاسة اننا اغلبنا مش حاسين بطعمه زى زمان
زمان كنا اول من عرف رمضان فى فرحة غريبة كدة جوانا ومن كام سنة لما كنت انزل القى اغلب البنات الى نازلين حتى لو كنت اعرفهم انهم مش ملتزمين قوى يلتزمو حرمة لشهر الكريم والناس تحاول لو فى خناقوة ولا حاجة تقول ايه ناس احنا فى رمضان تلاقى كل الناس هديت
بصراحة دلوقتى مش بحس بطعم رمضان غير فى الجامع بس تبص فى وشو الناس تحس انهم ىف عالم تانى عالم بيحمو البحث عن لقمة العيش والمصاريف والقلق والخوف من بكرة بجد ايه الى بيحصل دة !

بقزولها لما بلاقى اد ايه الحققية بتتزيف والصح يبقى غلط والعكس لما الانسان يحس انه شاكك فى نفسه وفى قيمه
لما بلاقى اد ايه الذوق العام انحط وبقى كل همنا نقلد الغرب فى الهيافة بطريقة غبية ومستفزة كااننا بنهد الى باقى فى حضرتنا وثقافتنا
بصراحة لو قعدت اسرد فى كل الحاجات الى شفتها وقلت عليها الكلمة دى يبقى مش يكفنى انهاردة كله ربنا يحفظنا يارب
وشكرا على التوبيك بجد حل قوى

[ميزو اكس 2012]

يارب يسر لنا احوالنا واهدينا لما فيه الخير

[إليزابيث]

موضووووووووووع ررررررررررااااااااائع واما افتكر مواقف هرجع احكيها ان شااااااء الله

[smsmzeros]

شكراً لمروركم ومشاركتكم منورين التوبيك

[smsmzeros]

جاا دورى بقى فذكر المواقف
طبعاً المواقف دى بشوفها فالشارع فالبيت وقت تعاملى مع الناس
فى مواقف ممكن الواحد يتقبلها رغم مرارتها
لكن فى مواقف بتتعدى حدود التحمل
زى مثلاً
(فيوم من شهر رمضان السنادى كنت راكب القطر بعد العصر كده ففكرسى اللى جانبى من النحيه التانيه شخص مسيحى
بس لاحظت انو من ساعة ما ركب مش بياكل ولا بيشرب قلت عادى ممكن يكون متغدى وشارب
ولما ادن المغرب لقيتو بيشرب وياكل معانا فانا حسيت انو راعا اننا صايمين ومرضاش ياكل او يشرب قدمنا
مسيحى راعا صيام المسلمين مش غريب اوى
بس لما تلاقى مسلم ميراعيش اخو المسلم وتلاقيه بكل بجاحه وبدون اعذار ياكل ويشرب قدامك كانو فخور بكده
يبقى لازم نقف مع نفسنا ونسألها ايه الللى بيحصل دا ؟؟؟؟؟؟
وغيرو كتير ......... يتبع

[Hager Adel]

مواقف مؤثرة فعلا ...
و موقفك يا صالح بيحصل كتير , احنا فعلا فى مصر مفيش فرق كلنا اخوات بجد هى دلا الروح المصرية ^^
موضوع اكثر من رائع .. اهنيك على افكارك

[نور يوسر]

انا مش هبعد كتيير عن الواقع ممكن اكون هدخل نفسى فى حاجه تانى بس استحملونى المهم هو ليه احنا مانعطيش فرصه للرئيس الجديد محمد مرسى ليييييييييه يعنى كل حاجه يعملها نعلق عليها ونكتب حاجات مش كويسه مع انها ساعات كتيييير بتنكون كويسه ليييييييه كل واحد اهتم بالساسه ومفكر نفسه محلل سياسى ليييييه مش كل واحد يهتم بنفسه بحياته بعيلته تعالوا بييييينا نصنع حضاره يلالالالالا بئى نبطل مظاهرات واعتصامات يلالالالالالالا بئى

[sameh mostafa]

لما تلاقى الشباب خرجوا فى الشوارع وكسروا حاجز الخوف واستشهدوا عشان البلد تبقى احسن وبعد كده تيار الاسلام السياسى يستهزأ بيهم يا خدوا ثورتهم ويقولوا الناس اللى واقفة عند محمود محمود ومجلس الوزراء ناس خارجة عن الشرعية وترامادول و200 جنية و 2 وجبة وكمان بيقولوا ان مبارك هو الاب لنا وبعد كل ده الشباب يساندوا الجماعة ده ويدافعوا عنها ضدد وسطية الدولة لاز تقول ايه اللى بيحصل ده

[إليزابيث]

المشاركة الأصلية كتبت بواسطة smsmzeros

جاا دورى بقى فذكر المواقف
طبعاً المواقف دى بشوفها فالشارع فالبيت وقت تعاملى مع الناس
فى مواقف ممكن الواحد يتقبلها رغم مرارتها
لكن فى مواقف بتتعدى حدود التحمل
زى مثلاً
(فيوم من شهر رمضان السنادى كنت راكب القطر بعد العصر كده ففكرسى اللى جانبى من النحيه التانيه شخص مسيحى
بس لاحظت انو من ساعة ما ركب مش بياكل ولا بيشرب قلت عادى ممكن يكون متغدى وشارب
ولما ادن المغرب لقيتو بيشرب وياكل معانا فانا حسيت انو راعا اننا صايمين ومرضاش ياكل او يشرب قدمنا
مسيحى راعا صيام المسلمين مش غريب اوى
بس لما تلاقى مسلم ميراعيش اخو المسلم وتلاقيه بكل بجاحه وبدون اعذار ياكل ويشرب قدامك كانو فخور بكده
يبقى لازم نقف مع نفسنا ونسألها ايه الللى بيحصل دا ؟؟؟؟؟؟
وغيرو كتير ......... يتبع

مرة أنا كنت رايحة للدكتور ف بلدنا طول الطريق والله بياكلو ويشربو ودول فارشين مع بعض ولو انهم ميعملوهاش ف الأيام العادية وده بيبيع مخلل وبيقول للي بيشتري منه تتفضل تدوق نهااااااار اسوووود ف رمضاااااان ؟؟؟؟؟؟؟؟؟ ومرة كنت نازلة اشتري حاجات ف المنطقة اللي انا ساكنة فيها فرحنا نشتري من واحد مسيحي والله كان بينزل تحت الترابيزة وياكل سبحاااان الله

[smsmzeros]

ميرسى على مروركم
وانتظرو المزيد من المواقف